ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ

ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ -           - ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ
ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ - AGL banner - ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ

ໝໍຣາມາທິບໍດີ ເປີດເຜີຍຜົນວິໄຈຈາກອິຕາລີ ພົບຄົນສູບຢາທີ່ສັກວັກຊີນປ້ອງກັນໂຄວິດ ພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາເຖິງ 40% ເຫດຢາສູບທຳລາຍພູມຄຸ້ມກັນໃນຮ່າງກາຍ ຊວນຄົນລາວເລີກສູບຢາລະຫວ່າງລໍຖ້າສັກວັກຊີນ ຊີ້ຖ້າເລີກສູບຢາ 1-2 ເດືອນ ພູມຄຸ້ມກັນຟື້ນຕົວດີຂຶ້ນ.

ເມື່ອວັນທີ 3 ພຶດສະພາ 2021, ດຣ. ເລີງລືດີ ປະທານວານິດ ຄະນະແພດສາດໂຮງໝໍຣາມາທິບໍດີ ກ່າວເຖິງການວິໄຈອັນໃໝ່ ໂດຍທີມວິໄຈຈາກອິຕາລີ ເຊິ່ງໄດ້ຮັບທຶນສະໜັບສະໜູນຈາກກະຊວງອຸດົມສຶກສາ ແລະ ວິໄຈຂອງລັດຖະບານອິຕາລີ ພົບວ່າການສູບຢາເປັນປັດໄຈຊະນິດໜຶ່ງທີ່ເຮັດໃຫ້ປະສິດທິພາບຂອງວັກຊີນໄດ້ຜົນໜ້ອຍລົງ.

ການວິໄຈນີ້ເປັນການສຶກສາວິໄຈກວດລະດັບພູມຄຸ້ມກັນຮ່າງກາຍຕໍ່ເຊື້ອໄວຣັສໂຄວິດ-19 (Anti SARS-Cov2 antibodies) ພາຍຫລັງໄດ້ຮັບວັກຊີນປະເພດ COVID-19 mRNA ຂອງ Pfizer/BioNTech ຄົບ 2 ເຂັມ ໃນກຸ່ມບຸກຄະລາກອນທາງການແພດ ຈຳນວນ 86 ຄົນ ຜົນການສຶກສາພົບວ່າ ຄົນທີ່ສູບຢາຈະມີລະດັບພູມຄຸ້ມກັນສະເລ່ຍ 1.099 U/ml.

ຂະນະທີ່ຄົນທີ່ບໍ່ສູບຢາຈະຢູ່ລະດັບ 1.921 U/ml ຫລື ອາດຈະກ່າວໄດ້ວ່າ ຄົນທີ່ສູບຢາຫລັງຈາກໄດ້ຮັບວັກຊີນແລ້ວລະດັບພູມຄຸ້ມກັນເຊື້ອໄວຣັສໂຄວິດ-19 ຈະຂຶ້ນຕໍ່າກວ່າຄົນທີ່ບໍ່ສູບຢາເຖິງ 40%. ນອກຈາກນີ້ ການວິໄຈນີ້ຍັງຊີ້ວ່າ: ຄົນຕຸ້ຍ ຫລື ຄົນທີ່ມີຄວາມດັນເລືອດສູງ ມີທ່າອ່ຽງລະດັບພູມຄຸ້ມກັນຫລັງຈາກສັກວັກຊີນຈະໄດ້ຜົນໜ້ອຍກວ່າ.

ດຣ. ເລິງລືດີ ກ່າວວ່າ: ຫົວໜ້າທີມວິໄຈຕັ້ງຂໍ້ສັງເກດວ່າ: ຄົນທີ່ສູບຢາມີລະດັບພູມຄຸ້ມກັນຂຶ້ນຕໍ່າກວ່າຄົນບໍ່ສູບຢານັ້ນ ຄືກັບກໍລະນີຂອງວັກຊີນໄຂ້ຫວັດໃຫຍ່ທີ່ພົບຜົນຄືກັນ ຄືພູມຄຸ້ມກັນໄຂ້ຫວັດໃຫຍ່ຂອງຄົນສູບຢາຈະຫລຸດລົງຢ່າງວ່ອງໄວກວ່າຄົນບໍ່ສູບຢາ ເຊິ່ງອາດຈະເປັນຜົນຈາກການສູບຢາຈະເຮັດໃຫ້ພູມຄຸ້ມກັນຂອງຮ່າງກາຍເຮັດວຽກບໍ່ປົກກະຕິ ເປັນຜົນເຮັດໃຫ້ເກີດການຕິດເຊື້ອພະຍາດຕ່າງໆງ່າຍກວ່າຄົນບໍ່ສູບຢາ.

ເຖິງຢ່າງໃດກໍຕາມ, ກົນໄກເຮັດໃຫ້ຄົນສູບຢາຕອບສະໜອງຕໍ່ວັກຊີນປ້ອງກັນໂຄວິດ-19 ໜ້ອຍກວ່າຄົນບໍ່ສູບຢານັ້ນຈຳເປັນຕ້ອງມີການສຶກສາລາຍລະອຽດຕໍ່ໄປ.

ດຣ. ເລີງລືດີ ກ່າວອີກວ່າ: ລາຍງານກະຊວງສາທາລະນະສຸກອາເມລິກາ ສະຫລຸບຊັດເຈນວ່າ: ສານເຄມີຈາກຄວັນຢາສູບເຮັດໃຫ້ພູມຕ້ານທານຂອງຮ່າງກາຍ ແລະ ປອດຫລຸດລົງ ເພີ່ມຄວາມສ່ຽງຈະເກີດການຕິດເຊື້ອຂອງປອດ ແລະ ເຮັດໃຫ້ເກີດພະຍາດກ່ຽວກັບລະບົບພູມຄຸ້ມກັນອີກຫລາຍໆພະຍາດ ແລະ ຖ້າເຊົາສູບຢາ ພາຍໃນໄລຍະເວລາປະມານ 1-2 ເດືອນ ລະບົບພູມຄຸ້ມກັນຂອງຮ່າງກາຍຈະເລີ່ມເຮັດວຽກດີຂຶ້ນ ໂດຍປອດຈະກັບມາເຮັດວຽກດີຂຶ້ນຊ່ວຍກຳຈັດເຊື້ອພະຍາດ ຫລື ສິ່ງແປກປອມທີ່ເຂົ້າສູ່ຮ່າງກາຍ.

ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ - Wave100S AD to Website 2020 0 - ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ

ດັ່ງນັ້ນ ໃນລະຫວ່າງທີ່ລໍຖ້າຮັບການສັກວັກຊີນ ຄົນທີ່ສູບຢາຈຶ່ງຄວນເຊົາສູບທັນທີ ເຊິ່ງນອກຈາກຈະຫລຸດຄວາມສ່ຽງຈະຕິດເຊື້ອໂຄວິດ-19 ລົງປອດຮຸນແຮງແລ້ວ ການເຊົາສູບຢາຍັງຈະເຮັດໃຫ້ຮ່າງກາຍສາມາດສ້າງພູມຄຸ້ມກັນພະຍາດໂຄວິດ-19 ໄດ້ເຕັມທີ່ເມື່ອໄດ້ຮັບການສັກວັກຊີນນຳອີກ.

ອ້າງອີງ:

Watanabe, M. et al. (2021). Central obesity, smoking habit and hypertension are associated with a blunted serological response to COVID-19 mRNA vaccine. medRxiv. https://doi.org/10.1101/2021.04.13.21255402 

Benefits of quitting smoking: https://healthywa.wa.gov.au/articles/s_t/smoking-and-tobacco 

The Health Consequences of Smoking—50 Years of Progress A Report of the Surgeon General https://www.hhs.gov/sites/default/files/consequences-smoking-exec-summary.pdf 

ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ - lattana banner 1 - ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ
ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ -    AD conten website - ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ
ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ - lattana banner - ຜົນວິໄຈອິຕາລີພົບຄົນສູບຢາພູມຄຸ້ມກັນຂຶ້ນຕໍ່າກວ່າຄົນບໍ່ສູບຢາຫລັງສັກວັກຊີນປ້ອງກັນໂຄວິດ
error: Alert: ເນື້ອຫາຂ່າວມີລິຂະສິດ !!