ປີ 2021 ນີ້ ກະຊວງກະສິກຳ ແລະ ປ່າໄມ້ ມີແຜນປູກໄມ້ເກືອບ 40.000 ເຮັກຕາ

- 655 - ປີ 2021 ນີ້ ກະຊວງກະສິກຳ ແລະ ປ່າໄມ້ ມີແຜນປູກໄມ້ເກືອບ 40.000 ເຮັກຕາ
- AGL banner - ປີ 2021 ນີ້ ກະຊວງກະສິກຳ ແລະ ປ່າໄມ້ ມີແຜນປູກໄມ້ເກືອບ 40.000 ເຮັກຕາ

ໃນວັນທີ 19 ພຶດສະພານີ້, ທ່ານ ເພັດ ພົມພິທັກ ລັດຖະມົນຕີ ກະຊວງກະສິກຳ ແລະ ປ່າໄມ້ ໄດ້ຖະແຫລງຂ່າວ ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ທີ່ຈະມາເຖິງນີ້ວ່າ: ເພື່ອຜັນຂະຍາຍເນື້ອໃນ ມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ, ມະຕິກອງປະຊຸມໃຫຍ່ອົງຄະນະພັກກະຊວງ ຄັ້ງທີ VI ແລະ ແຜນພັດທະນາເສດຖະກິດ-ສັງຄົມຂອງລັດຖະບານ 5 ປີ ຄັ້ງທີ IX ແຕ່ປີ 2021-2025, ກະຊວງກະສິກໍາ ແລະ ປ່າໄມ້ ໄດ້ຜັນຂະຫຍາຍອອກເປັນຄໍາສັ່ງ, ແຈ້ງການ ໃຫ້ບັນກົມກ່ຽວຂ້ອງ, ອົງການປົກຄອງທ້ອງຖິ່ນ ຕະຫຼອດຮອດຜູ້ປະກອບການແລະ ພໍ່ແມ່ປະຊາຊົນໃນຂອບເຂດທົ່ວປະເທດ ເອົາໃຈໃສ່ ຕໍ່ວຽກງານສົ່ງເສີມປູກໄມ້ ແລະ ຟື້ນຟູປ່າໄມ້ທໍາມະຊາດ ເຊິ່ງໄດ້ວາງຄາດໝາຍສົ່ງເສີມການປູກໄມ້ ໃຫ້ໄດ້ 200.000 ເຮັກຕາ (ປູກໄມ້ເປັນສິນຄ້າ ຈໍານວນ 160.000 ເຮັກຕາ ແລະ ປູກໄມ້ ເພື່ອປົກປັກຮັກສາ ແຫຼ່ງນໍ້າ, ສິ່ງແວດລ້ອມ ຈໍານວນ 40.000 ເຮັກຕາ ແລະ ການຟື້ນຟູປ່າໄມ້ທໍາມະຊາດ ໃຫ້ໄດ້ 1.800.000 ເຮັກຕາ.

- 2747 300x199 - ປີ 2021 ນີ້ ກະຊວງກະສິກຳ ແລະ ປ່າໄມ້ ມີແຜນປູກໄມ້ເກືອບ 40.000 ເຮັກຕາ

ສະເພາະປີ 2021 ນີ້, ກະຊວງກະສິກໍາ ແລະ ປ່າໄມ້ ໄດ້ອອກຄໍາສັ່ງ ວ່າດວ້ຍການເພີ່ມທະວີຄວາມຮັບຜິດຊອບ ສະກັດກັ້ນ, ຕ້ານໄຟໄໝ້ປ່າ, ກະກຽມຜະລິດ ເບ້ຍໄມ້, ປູກໄມ້ ແລະ ຟື້ນຟູປ່າ ແຕ່ຕົ້ນປີ, ຈຶ່ງເຮັດໃຫ້ສະພາບໄຟໄໜ້ລາມປ່າ ໃນປີນີ້ ຖືວ່າຫຼຸດລົງຫຼາຍ ຖ້າທຽບໃສ່ໃນປີຜ່ານມາ; ພ້ອມນີ້ ກະຊວງກໍ່ໄດ້ອອກແຈ້ງການ ສະບັບເລກທີ 0035/ກປ, ລົງວັນທີ 13 ພຶດສະພາ 2021 ເພື່ອສ້າງຂະບວນການປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ ພ້ອມທັງເປັນການປູກຈິດສຳນຶກໃຫ້ທົ່ວສັງຄົມ ແລະ ປວງຊົນຮັບຊາບ. ຊື່ງໄດ້ສົມທົບກັບຄະນະພັກ, ອົງການປົກຄອງທ້ອງຖິ່ນທົ່ວປະເທດ ກະກຽມແຜນການ ແລະ ຂະບວນການປູກໄມ້ ໂດຍມີແຜນການ ຄື: ວຽກເກັບແກ່ນ 22.700 ກິໂລ, ວຽກກ້າເບ້ຍ 35 ລ້ານກວ່າເບ້ຍ, ວຽກງານປູກໄມ້ 36.950 ເຮັກຕາ ໃນນີ້: ປູກໄມ້ ເພື່ອປົກປັກຮັກສາສິ່ງແວດລ້ອມ ໃຫ້ໄດ້ 5.500 ເຮັກຕາ, ປູກໄມ້ເປັນສິນຄ້າ ໃນຂອບເຂດປ່າຜະລິດ ໃຫ້ໄດ້ ຈໍານວນ 27.500 ເຮັກຕາ ແລະ ທີ່ເປັນດິນຂອງປະຊາຊົນ ຈໍານວນ 3.590 ເຮັກຕາ.

ສໍາລັບການຈັດພິທີປູກຕົ້ນໄມ້ ໃນປີນີ້ ມອບໃຫ້ພາກສ່ວນກ່ຽວຂ້ອງ ທັງພາກລັດ, ເອກະຊົນ ແລະ ພໍ່ແມ່ປະຊາຊົນ ຈົ່ງພ້ອມກັນ ຈັດພິທີປູກໄມ້ ໃຫ້ກະທັດຮັດ, ເບົາບາງ, ປະຢັດມັດທະຍັດ ແຕ່ໃຫ້ຮັບປະກັນທາງດ້ານເນື້ອໃນ ແລະ ຄວາມເປັນລະບຽບຮຽບຮ້ອຍຮອບດ້ານ ເນື່ອງຈາກມີຄວາມສ່ຽງຂອງພະຍາດໂຄວິດ-19 ຈຶ່ງໃຫ້ແຕ່ລະພາກສ່ວນເອົາໃຈໃສ່ປະຕິບັດມາດຕະການ ສະກັດກັ້ນ, ຕ້ານ ແລະ ປ້ອງກັນການແຜ່ລະບາດ ຂອງພະຍາດໂຄວິດ-19 ທີ່ລັດຖະບານວາງອອກຢ່າງເຂັ້ມງວດ.

- Wave100S AD to Website 2020 0 - ປີ 2021 ນີ້ ກະຊວງກະສິກຳ ແລະ ປ່າໄມ້ ມີແຜນປູກໄມ້ເກືອບ 40.000 ເຮັກຕາ

- WhatsApp Image 2020 05 27 at 5 - ປີ 2021 ນີ້ ກະຊວງກະສິກຳ ແລະ ປ່າໄມ້ ມີແຜນປູກໄມ້ເກືອບ 40.000 ເຮັກຕາ
- WhatsApp Image 2020 05 27 at 5 - ປີ 2021 ນີ້ ກະຊວງກະສິກຳ ແລະ ປ່າໄມ້ ມີແຜນປູກໄມ້ເກືອບ 40.000 ເຮັກຕາ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!