ອົດສະຕຣາລີ ຮຽກຮ້ອງປະຊາຊົນ ອາຍຸ 50 ປີຂື້ນໄປສັກວັກຊິນໂຄວິດ-19
ຕາມແຫລ່ງຂ່າວ ຊິດນີ ຂອງອົດສະຕຣາລີ ວັນທີ 21 ພຶດສະພາ, ອົດສະຕຣາລີ ໄດ້ຮຽກຮ້ອງໃຫ້ປະຊາຊົນທ່ີມີອາຍຸ 50 ປີ ຂື້ນໄປສັກວັກຊີນປ້ອງກັນໂຄວິດ-19 ເນື່ອງຈາກວ່າ ຄວາມກັງວົນໃນການສັກວັກຊີນ ຫລາຍຂຶ້ນ ຈະເຮັດໃຫ້ອົດສະຕຣາລີ ປະເຊີນກັບການແຜ່ລະບາດເພີ່ມຂຶ້ນ. ອົດສະຕຣາລີ ເປັນ ປະເທດໜຶ່ງທີ່ຄວບຄຸມການແຜ່ ລະບາດຂອງ ພະຍາດໂຄວິດ-19 ໄດ້ດີສົມຄວນ ແຕ່ຕ້ອງພົບກັບບັນຫາຊັກຊ້າ ໃນການສັກວັກຊີນໃຫ້ແກ່ປະຊາຊົນ ແລະ ພົບຂໍ້ມູນ ທີ່ຢືນຢັນວ່າປະຊາຊົນ ສູງອາຍຸມີຄວາມຮູ້ສືກກັງວົນຫລາຍຂື້ນກ່ຽວກັບຜົນຂ້າງຄຽງ ຫລັງຈາກການສັກວັກຊີນປ້ອງກັນໂຄວິດ-19 ຂອງ ແອສຕຣາເຊເນກາ ຫລາຍກວ່າການຕິດເຊື້ອໂຄວິດ-19.
ນອກຈາກນັ້ນ, ທ່ານ ສະກອດ ມໍຣີສັນ ນາຍົກລັດຖະມົນຕີ ອົດສະຕຣາລີ ກ່າວວ່າ: ທ່ານ ສະໜັບສະໜູນ ໃຫ້ປະຊາຊົນທີ່ມີ ອາຍຸ 50 ປີຂື້ນໄປເຂົ້າຮ່ວມໃນການສັກວັກຊິນໂຄວິດ-19 ແລະ ຖ້າຜູ້ໃດທີ່ມີ ອາຍຸ 70 ປີຂື້ນໄປກໍຍິ່ງສະໜັບສະໜູນໃຫ້ສັກ ວັກຊິນ.
