ທ່ານນາຍົກລັດຖະມົນຕີ ແຫ່ງຣາຊະອານາຈັກໄທ ສັກວັກຊີນຄົບ 2 ເຂັມແລ້ວ

ອີງຕາມຂ່າວ ໄທຣັດອອນລາຍ ວັນທີ 24 ພຶດສະພາ 2021 ໄດ້ລາຍງານວ່າ: ທ່ານ ພົນເອກປຣະຢຸດ ຈັນໂອຊາ ນາຍົກລັດຖະມົນຕີ ພ້ອມດ້ວຍຄະນະລັດຖະມົນຕີ ກະຊວງປ້ອງກັນປະເທດ ທີ່ມີອາຍຸເກີນ 60 ປີ ເຂົ້າຮັບການສັກວັກຊີນ ແອັສຕຣາເຊເນກາ ເຂັມທີ 2 ເປັນທີ່ຮຽບຮ້ອຍແລ້ວ ພາຍຫລັງສັກວັກຊີນ ແອັສຕຣາເຊເນກາ ເຂັມທີ 1 ຄົນທຳອິດຂອງປະເທດ ในວັນທີ 16 ມີນາ 2021 ຜ່ານມາ ໃຊ້ໄລຍະຫ່າງກັນ 68 ວັນ ຫລື ເກືອບ 10 ອາທິດ.
ເຊິ່ງທ່ານນາຍົກມີຄວາມໝັ້ນໃຈຕໍ່ວັກຊີນທີ່ໄດ້ຮັບ ເພາະເປັນວັກຊີນທີ່ອົງການອະນາໄມໂລກຮັບຮອງເປັນທີ່ຮຽບຮ້ອຍແລ້ວ ພ້ອມຊັກຊວນໃຫ້ປະຊາຊົນພາຍໃນປະເທດເຂົ້າຮັບການສັກວັກຊີນ ເພື່ອປ້ອງກັນໂຄວິດ 19 ທັງເປັນການຫລຸດຜ່ອນຄວາມສ່ຽງຕໍ່ການເສຍຊີວິດ ແລະ ກ່າວຕ້ານກຸ່ມທີ່ບິດເບືອນຄຸນນະພາບຂອງວັກຊີນອີກດ້ວຍ.