ອິສລາເອລ ໃຊ້ເຮືອບິນຍິງຖະຫຼົ່ມ ແຫຼມ ກາຊາ
June 16, 2021 - 2:41 PM
ສຳນັກຂ່າວຕ່າງປະເທດຈາກໜັງສືພິມ ອິສລາເອລ ວັນທີ 16 ມິຖຸນານີ້ ໃຫ້ຮູ້ວ່າ: ອິສລາເອລ ໄດ້ເປີດສາກຍິງຖະຫຼົ່ມໃສ່ແຫຼມກາຊາ ພາຍຫຼັງກຸ່ມ ຮາມາສ ໄດ້ປ່ອຍບອນລູນໄຟເຂົ້າໄປທາງພາກໃຕ້ຂອງປະເທດອິສລາເອລ.
ບົດຖະແຫຼງຂອງກຳລັງປ້ອງກັນ ອິສລາເອລ ຂຽນວ່າ: “ເຮືອບິນສູ້ຮົບຂອງພວກເຮົາໄດ້ຍິງຖະຫຼົ່ມເຂົ້າໃສ່ ຈຸດລີ້ຊ້ອນຂອງສະມາຊິກກຸ່ມ ຮາມາສ ໃນ ຄານຢູນິສ ແລະ ແຫຼມກາຊາເພື່ອເປັນການຕອບໂຕ້ຄືນກັບການປ່ອຍບອນລູນໄຟເຂົ້າໄປທາງພາກໃຕ້ຂອງ ອິສລາເອລ”
ອີງຕາມການລາຍງານຂອງວິທະຍຸໂທລະທັດຂອງ ປາແລສຕິນ ໃຫ້ຮູ້ວ່າ: ການໂຈມຕີຄັ້ງນີ້ເຂົ້າໃສ່ແຫຼມກາຊາ ບໍ່ໄດ້ເຮັດໃຫ້ປະຊາຊົນຄົນໃດໄດ້ຮັບບາດເຈັບ.
