Facebook ແກ້ບັນຫາຂ່າວປອມດ້ວຍການບໍ່ໃຫ້ເພຈແກ້ໄຂ Link Preview
July 19, 2017 - 3:23 PM

Facebook ກຽມແກ້ໄຂບັນຫາຂ່າວປອມດ້ວຍການບໍ່ໃຫ້ເພຈແກ້ໄຂ Link Preview ຂະນະໂພສລິງຂ່າວແລ້ວ.
ໃນວັນທີ 19 ກໍລະກົດນີ້ ເວັບໄຊ techcrunch ໄດ້ລາຍງານວ່າ: Facebook ຈະໃຊ້ມາດຕະການໃຫມ່ໃນການຮັບມືກັບບັນຫາເພຈປ່ອຍຂ່າວປອມ ໂດຍຈະຈໍາກັດບໍ່ໃຫ້ເພຈສາມາດແກ້ໄຂ Link Preview ຂະນະເອົາລິ້ງຈາກເວັບໄຊມາໂພສໄດ້ ຈາກທີ່ກ່ອນໜ້ານີ້ສາມາດແກ້ໄຂທັງພາດຫົວຂ່າວ ແລະ ຮູບພາບປະກອບ ເຮັດໃຫ້ມີເພຈຈໍານວນໜຶ່ງທີ່ແກ້ໄຂ Link Preview ຕົວະໃຫ້ຄົນຄຣິກເຂົ້າໄປອ່ານຂ່າວປອມ.
ທັງນີ້ສໍາລັບເພຈຂ່າວທີ່ມີຄວາມຈໍາເປັນຕ້ອງແກ້ໄຂ Link Preview ຄືເກົ່າ ທາງເພຈຈະຕ້ອງໄປຢືນຢັນຕົວຕົນຜ່ານລະບົບ Link Ownership ຂອງ Facebook ກ່ອນ ລະບົບຈຶ່ງຈະອະນຸຍາດໃຫ້ແກ້ໄຂໄດ້ ເຊິ່ງທາງ Facebook ຄາດວ່າການຮັບໃຊ້ລະບົບດັ່ງກ່າວອາດຈະຊ່ວຍກໍາຈັດຂ່າວປອມໄດ້ບໍ່ຫຼາຍກໍໜ້ອຍ.