ໃຜແດ່ທີ່ຍັງບໍ່ຄວນສັກວັກຊີນໂຄວິດ – 19 ເລື່ອນໄປກ່ອນປອດໄພກ່ວາ.
July 8, 2021 - 12:09 PM
ທ່ານຢູ່ໃນກຸ່ມນີ້ຫລືບໍ່ ? ໃຜແດ່ທີ່ຍັງບໍ່ຄວນຮີບສັກວັກຊີນໂຄວິດ – 19 ທ່ານໝໍແນະນຳສະເພາະ 3 ກຸ່ມນີ້ ບອກເລີຍວ່າເລື່ອນໄປກ່ອນອາດປອດໄພກ່ວາ.
ຫລັງຈາກທີ່ລັດຖະບານມີມາດຕະຖານໃຫ້ມີການສັກວັກຊີນປ້ອງກັນໂຄວິດ – 19 ເພື່ອເສີມສ້າງພູມຕ້ານທານ, ຫລຸດຄວາມຮຸນແຮງຂອງອາການປ່ວຍ ລວມເຖິງຫລຸດການສູນເສຍຄົນທີ່ເຮົາຮັກຈາກພະຍາດນີ້, ແຕ່ກໍມີບາງກຸ່ມຄົນທີ່ຍັງບໍ່ຄວນຮີບຮັບວັກຊີນໂຄວິດ – 19 ໂດຍມີຢູ່ 3 ກໍລະນີດ້ວຍກັນ ໄດ້ແກ່ :
- ຄົນທີ່ກຳລັງເຈັບປ່ວຍຢູ່ : ບໍ່ວ່າຈະປ່ວຍເປັນພະຍາດຫຍັງກໍຕາມ ໃຫ້ເຊົາປ່ວຍກ່ອນຄ່ອຍໄປສັກ.
- ມີພະຍາດປະຈຳໂຕທີ່ອ່າວອາການໜັກ ແລະ ຍັງຄວບຄຸມບໍ່ໄດ້ ເຊັ່ນ : ພະຍາດຫົວໃຈ ແລະ ຫົວໃຈເຕັ້ນຜິດຈັງຫວະ ຕ້ອງໃຫ້ແພດປະຈຳໂຕປະເມີນມາກ່ອນວ່າຮ່າງກາຍທ່ານພ້ອມຮັບວັກຊີນແລ້ວ ຈຶ່ງຄ່ອຍໄປຮັບວັກຊີນ.
- ແມ່ຍິງຖືພາອ່ອນໆໃນໄລຍະຕໍ່າກ່ວາ 12 ອາທິດ : ເພາະໃນໄລຍະທຳອິດຂອງການຖືພາຈະມີຄວາມອ່ອນໄຫວຂອງເດັກນ້ອຍໃນທທ້ອງອ່າວຫລາຍ, ແຕ່ຖ້າສັກວັກຊີນໄປແລ້ວ ຫາກໍມາຮູ້ພາຍຫລັງວ່າຖືພາກໍບໍ່ເປັນຫຍັງ ເພາະຄວາມຈິງແລ້ວວັກຊີນປອດໄພຫລາຍ, ແຕ່ໃຫ້ເລື່ອນເຂັມທີ 2 ໃຫ້ພົ້ນໄລຍະ 12 ອາທິດໄປກ່ອນ.
- ສຳລັບແມ່ຍິງຖືພາຈຳເປັນຕ້ອງສັກວັກຊີນໂຄວິດ-19 ເພາະຖ້າຕິດໂຄວິດ-19 ແລ້ວອາການຈະຮຸນແຮງກ່ວາແມ່ຍິງບໍ່ຖືພາ ເພາະເວລາທີ່ສັກວັກຊີນໄປແລ້ວ ພູມຕ້ານທານໃນແມ່ຈະອອກທາງນ້ຳນົມ ກໍຈະເປັນປະໂຫຍດຕໍ່ລູກທີ່ກິນນົມແມ່ຕໍ່ໄປ. ດັ່ງນັ້ນ, ກໍລະນີແມ່ຍິງຖືພາ ແນະນຳໃຫ້ຫລີກເວັ້ນການສັກວັກຊີນໂຄວິດ-19 ສະເພາະໃນໄລຍະຖືພາຕ່ຳກ່ວາ 12 ອາທິດທຳອິດເທົ່ານັ້ນ.
