ບໍລິຄຳໄຊຕິດຕາມສະພາບນ້ຳຖ້ວມຢູ່ 2 ເມືອງຢ່າງໃກ້ຊິດ
ພາຍຫລັງມີສະພາບຝົນຕົກໜັກຕິດຕໍ່ກັນເປັນເວລາຫລາຍ ວັນນັບແຕ່ວັນທີ 16 ກໍລະກົດ ເປັນຕົ້ນມາ, ໄດ້ເຮັດໃຫ້ເກີດມີ ສະພາບນໍ້າຖ້ວມໃນຫລາຍເຂດ ໃນເຂດພາກກາງ, ໂດຍສະເພາະ ຢູ່ເມືອງວຽງທອງ ແລະ ເມືອງຄໍາ ເກີດແຂວງບໍລິຄໍາໄຊແມ່ນເກີດ ສະພາບນໍ້າຖ້ວມໃນຫລາຍພື້ນທີ່. ຕາມການລາຍງານຂອງທ່ານ ເຈົ້າເມືອງຄຳເກີດ ໃຫ້ຮູ້ວ່າ: ພາຍ ຫລັງມີຝົນຕົກຕິດຕໍ່ກັນຫລາຍ ວັນ, ໄດ້ເຮັດໃຫ້ລະດັບນໍ້າສາຍ ຕ່າງໆເພີ່ມຂຶ້ນຢ່າງໄວວາ ແລະ ໄຫລຖ້ວມເຮືອນຊານທີ່ເປັນ ພື້ນທີ່ຕໍ່າເປັນຕົ້ນ: ບ້ານໜອງອໍ້, ນາແປ ແລະ ເນື້ອທີ່ການຜະລິດ ຂອງ ປະຊາຊົນໃນເຂດ ທົ່ງແປ ລຽບຕາມແຄມຝັ່ງແມ່ນ້ຳພາວ ແລະ ເຂດທົ່ງແສນທະມາດ ກໍຖືກນໍ້າຖ້ວມເປັນບໍລິເວນກວ້າງ ແລະ ມາຮອດປັດຈຸບັນຍັງບໍ່ ສາມາດຕີລາຄາຄວາມເສຍ ຫາຍໄດ້.
+ ບໍລິຄຳໄຊເລັ່ງແກ້ໄຂບັນຫາຄົນຕ່າງດ້າວເຄື່ອນໄຫວບໍ່ຖືກລະບຽບກົດໝາຍ
+ ນ້ຳຖ້ວມເມືອງແມ່ນບັນຫາບໍ່ໄກຕົວ
ສ່ວນຢູ່ເມືອງ ວຽງທອງ ມີເຮືອນປະຊາຊົນທີ່ຢູ່ລຽບແຄມ ແມ່ນໍ້າມ່ວນຖືກນ້ຳຖ້ວມທັງ ໝົດ 17 ບ້ານ, ປັດຈຸບັນອຳນາດ ການປົກຄອງເມືອງ ແລະ ພາກ ສ່ວນກ່ຽວຂ້ອງໄດ້ລົງຕິດ ຕາມຢ່າງໃກ້ຊິດ, ພ້ອມທັງມອບໃຫ້ ຂະແໜງກ່ຽວຂ້ອງລົງຊ່ວຍປະ ຊາຊົນຢູ່ຕາມບ້ານທີ່ໄດ້ຮັບຜົນ ກະທົບກຽມພ້ອມຊ່ວຍເຫລືອ ດ້ານສຸກເສີນເພື່ອບໍ່ໃຫ້ວັດຖຸ ຊັບສີນຂອງປະຊາຊົນ ໄດ້ຮັບຄວາມເສຍຫາຍຫລາຍ.
