ວອນຄົນລາວເຖິງຄາວສາມັກຄີກັນເປັນປຶກແຜ່ນ ຕ້ານໂຄວິດ-19 ຢ່າງຈິງຈັງແລ້ວ

-                                      2021 09 11              13 - ວອນຄົນລາວເຖິງຄາວສາມັກຄີກັນເປັນປຶກແຜ່ນ ຕ້ານໂຄວິດ-19 ຢ່າງຈິງຈັງແລ້ວ
- AGL banner - ວອນຄົນລາວເຖິງຄາວສາມັກຄີກັນເປັນປຶກແຜ່ນ ຕ້ານໂຄວິດ-19 ຢ່າງຈິງຈັງແລ້ວ

ໂດຍ: ລູກເມືອງພວນ

ໄລຍະຕົ້ນຂອງການລະບາດຂອງພະຍາດໂຄວິດ-19 ເຄີຍໄດ້ຍິນຢູ່ແຕ່ຕ່າງປະເທດວ່າມີຜູ້ຕິດເຊື້ອວັນລະຫຼາຍຮ້ອຍ ຫຼາຍພັນຄົນ, ຂະນະດຽວກັນຢູ່ລາວເຮົາໃນເວລານັ້ນ ມີຜູ້ຕິດເຊື້ອສະສົມທັງໝົດພຽງແຕ່ 40-50 ຄົນ ກໍວ່າຫຼາຍແລ້ວ. ແຕ່ມາບັດນີ້ ກໍຕົກຢູ່ໃນສະຕາກຳອັນດຽວກັນໃນທົ່ວໂລກ, ບໍ່ມີປະເທດໃດວ່າຈະຕິດເຊື້ອຢູ່ໃນລະດັບຫົວໜ່ວຍ, ຫົວສິບໃນແຕ່ລະວັນແຕ່ຫາກເປັນຫົວຮ້ອຍ ຫົວພັນຂຶ້ນເມື່ອ ເປັນຢ່າງໜ້ອຍ, ຫຼາຍປະເທດນັບເປັນຫົວໝື່ນຂຶ້ນເມືອກໍມີ.

ສຳລັບຢູ່ລາວເຮົາ, ສາເຫດເກີດການລະບາດໜັກໜາສາຫັດໃນຄັ້ງນີ້ແມ່ນເນື່ອງມາຈາກ 2 ເຫດການໃຫຍ່ຄື: ໃນລະຫວ່າງເດືອນເມສາທີ່ຜ່ານມາ ມີຍິງສາວຄົນລາວ 1 ຄົນ ພ້ອມກັບ ຊາຍໄທ 2 ຄົນ ລັກລອບຂ້າມຂອງມາຈາກປະເທດໄທ ນຳເອົາເຊື້ອໄວຣັສໂຄວິດ-19 ມາແພ່ໃສ່ລາວ ແລະ ມີຍິງສາວຄົນລາວອີກ 1 ຄົນກໍລະນີ 59 ເປັນຄົນພານຳທ່ຽວ ຕາມເທັກ ຕາມບາ, ຮ້ານອາຫານ, ບັນເທີງ…ແຕ່ສະຫວັນນະເຂດ ຈົນເຖິງນະຄອນຫຼວງວຽງຈັນ, ເຮັດໃຫ້ມີຜູ້ຕິດເຊື້ອຈາກກໍລະນີດັ່ງກ່າວຫຼາຍຮ້ອຍຄົນ.

ເຫດການທີ 2 ກໍຄື ຢູ່ປະເທດເພື່ອນບ້ານໃກ້ຄຽງ ນັບວ່າມີການລະບາດໜັກໜ່ວງກວ່າຢູ່ລາວ ເຮັດໃຫ້ແຮງງານລາວຈຳນວນໜຶ່ງບໍ່ມີວຽດເຮັດງານທຳ ຈຶ່ງໄດ້ກັບຄືນປະເທດດ້ວຍນະໂຍບາຍມະນຸດສະທຳຂອງລັດຖະບານລາວ, ຊຶ່ງລັດຖະບານລາວຕ້ອງຮັບເອົາແຮງງານລາວກັບມາຈາກປະເທດໄທ ວັນລະຫຼາຍຮ້ອຍ ຫຼາຍພັນຄົນ ແລະ ໃນຈຳນວນແຮງງານລາວເຫຼົ່ານັ້ນ 10-20% ແມ່ນເປັນຜູ້ຕິດເຊື້ອມາພ້ອມ, ນອກຈາກນັ້ນຍັງມີແຮງງານລາວຈຳນວນໜຶ່ງທີ່ເຂົ້າມາແບບບໍ່ຖືກຕ້ອງ, ໝາຍຄວາມວ່າລັກລອບເຂົ້າມາຕາມເສັ້ນທາງທຳມະຊາດຕາມຊາຍແດນລາວ-ໄທ ນຳເອົາເຊື້ອພະຍາດໄປແພ່ໃສ່ຊຸມຊົນເປັນຈຳນວນຫຼວງຫຼາຍ.

ຈາກ 2 ສອງເຫດການດັ່ງກ່າວເປັນຕົ້ນມາ, ລາວກໍເລີ່ມມີການລະບາດນັບມື້ໜັກໜ່ວງຂຶ້ນ, ຈາກມີຜູ້ຕິດເຊື້ອວັນລະຫົວສິບ ມາເປັນມື້ລະຫົວຮ້ອຍ ຈົນມາເຖິງຂະນະນີ້ມີຜູ້ຕິດເຊື້ອສະສົມທັງໝົດຫຼາຍກວ່າ 17 ພັນຄົນແລ້ວ ແລະ ມີກໍລະນີເສຍຊິວິດ 16 ຄົນ. ແຕ່ສິ່ງທີ່ໜ້າເປັນຫ່ວງກວ່ານັ້ນກໍຄືກໍລະນີຕິດເຊື້ອໃນຊຸມຊົນ ກໍນັບມື້ຫຼາຍຂຶ້ນ ແລະ ສາຍພັນກາຍພັນຂອງພະຍາດໂຄວິດ-19 ກໍນັບມື້ຫຼາຍຂຶ້ນເຊັ່ນດຽວກັນ ຊຶ່ງມີຄຸນລັກສະນະຕິດເຊື້ອໄດ້ງ່າຍ ແລະ ໄວກວ່າ, ຮ້າຍແຮງກວ່າ. ນັບມາເຖິງວັນທີ 8 ກັນຍານີ້ ມີຜູ້ຕິດເຊື້ອໃນຊຸມຊົນສະສົມເປັນຫົວພັນໄປແລ້ວ.

- Wave100S AD to Website 2020 0 - ວອນຄົນລາວເຖິງຄາວສາມັກຄີກັນເປັນປຶກແຜ່ນ ຕ້ານໂຄວິດ-19 ຢ່າງຈິງຈັງແລ້ວ

ຢູ່ຕໍ່ໜ້າສະພາບການທີ່ນັບມື້ນັບເຄັ່ງຕຶງ ແລະ ຮ້າຍແຮງດັ່ງກ່າວ, ພວກເຮົາປະຊາຊົນລາວທຸກຄົນຈົ່ງໄດ້ພ້ອມກັນເປັນຈິດໜຶ່ງໃຈດຽວ ສາມັກຄີເປັນປຶກແຜ່ນຢູ່ອ້ອມຂ້າງກັບລັດຖະບານ ເພື່ອພ້ອມກັນຕ້ານໂຄວິດ-19 ຢ່າງຈິງຈັງ, ຖ້າບໍ່ດັ່ງນັ້ນ ການລະບາດຂອງພະຍາດໂຄວິດຢູ່ປະເທດເຮົາກໍຈະນັບມື້ຮຸນແຮງຂຶ້ນກວ່ານີ້.

ເພື່ອບໍ່ໃຫ້ສວາຍເກີນແກ້, ພວກເຮົາປະຊາຊົນລາວຈົ່ງມີຈິດສຳນຶກຕໍ່ຄວາມອັນຕະລາຍຮ້າຍແຮງຂອງພະຍາດດັ່ງກ່າວ ທີ່ອາດຈະສ້າງຄວາມຫາຍຍານະໃຫ້ແກ່ປະເທດຊາດຫຼາຍກວ່ານີ້. ວອນແຮງງານລາວມາແຕ່ໄທ ທີ່ກັກໂຕຢູ່ຕາມສູນຕ່າງໆ ໃນທົ່ວປະເທດຈົ່ງໃຫ້ການຮ່ວມໄມ້ຮ່ວມມື ແລະ ເຫັນອົກເຫັນໃຈລັດຖະບານທີ່ໄດ້ພະຍາຍາມສຸດຄວາມສາມາດເພື່ອພີ່ນ້ອງປະຊາຊົນລາວ.

ລັດຖະບານລາວບໍ່ປະຖິ້ມໃຜໄວ້ເບື້ອງຫຼັງ, ລັດຖະບານລາວໄດ້ຄວາມພະຍາຍາມເຮັດທຸກສິ່ງທຸກຢ່າງເພື່ອປົກປ້ອງຊິວິດອິນຊີ ແລະ ຄວາມຢູ່ເປັນເປັນສຸກຂອງປະເທດຊາດ, ພ້ອມທັງຍັງມີພາລະໃນການພັດທະນາເສດຖະກິດຂອງຊາດບໍ່ໃຫ້ຖົດຖອຍໄປຫຼາຍກວ່ານີ້, ທັງປັບປຸງຊິວິດການເປັນຢູ່ຂອງປະຊາຊົນໃຫ້ໄດ້ດຳເນີນເປັນປົກກະຕິແບບໃໝ່ ແລະ ຫຼາຍໆ ພາລະກິດທີ່ທີ່ບັດຖະບານຈະຕ້ອງໄດ້ດຳເນີນເພື່ອຄວາມຈະເລີນ, ຄວາມຢູ່ເຢັນເປັນສຸກຂອງປະເທດຊາດ ແລະ ປວງຊົນລາວທຸກຖ້ວນໜ້າ.

- lattana banner 1 - ວອນຄົນລາວເຖິງຄາວສາມັກຄີກັນເປັນປຶກແຜ່ນ ຕ້ານໂຄວິດ-19 ຢ່າງຈິງຈັງແລ້ວ
- lattana banner - ວອນຄົນລາວເຖິງຄາວສາມັກຄີກັນເປັນປຶກແຜ່ນ ຕ້ານໂຄວິດ-19 ຢ່າງຈິງຈັງແລ້ວ
-    AD conten website - ວອນຄົນລາວເຖິງຄາວສາມັກຄີກັນເປັນປຶກແຜ່ນ ຕ້ານໂຄວິດ-19 ຢ່າງຈິງຈັງແລ້ວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!