ຄະນະບໍລິຫານງານຊາວໜຸ່ມ ກະຊວງການເງິນມອບນໍ້າດື່ມ-ຜ້າອັດປາກ-ອັດດັງໃຫ້ຄະນະຊາວໜຸ່ມແຮກສ່ຽວ

- 70ed66c4 4e55 4bcd aa27 c2a81093ae3b - ຄະນະບໍລິຫານງານຊາວໜຸ່ມ ກະຊວງການເງິນມອບນໍ້າດື່ມ-ຜ້າອັດປາກ-ອັດດັງໃຫ້ຄະນະຊາວໜຸ່ມແຮກສ່ຽວ
- AGL banner - ຄະນະບໍລິຫານງານຊາວໜຸ່ມ ກະຊວງການເງິນມອບນໍ້າດື່ມ-ຜ້າອັດປາກ-ອັດດັງໃຫ້ຄະນະຊາວໜຸ່ມແຮກສ່ຽວ

ໃນວັນທີ 10 ກັນຍາ 2021 ນີ້,ຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ກະຊວງການເງິນ, ໂດຍການນຳພາຂອງສະຫາຍ ສົມຈິດ ຄໍາມຸງຄຸນ ກໍາມະການຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ກະຊວງການເງິນ, ຮອງຫົວໜ້າຫ້ອງການກະຊວງການເງິນ, ພ້ອມດ້ວຍຄະນະໄດ້ນໍານໍ້າດື່ມ ແລະ ຜ້າອັດປາກ-ອັດດັງຈໍານວນມູນຄ່າທັງໝົດ 12,9 ລ້ານກີບໄປມອບໃຫ້ຄະນະບໍລິຫານງານຊາວໜຸ່ມແຮກສ່ຽວກັບຄະນະບໍລິຫານງານຊາວໜຸ່ມກະຊວງການເງິນ.

ສຳລັບເຄື່ອງທີ່ນຳໄປມອບໃນຄັ້ງນີ້, ຊຶ່ງໄດ້ມອບນໍ້າດື່ມຈໍານວນ 100 ແກັດ ແລະ ຜ້າປິດປາກ-ດັງຈໍານວນ 1 ແກັດລວມມູນຄ່າທັງໝົດ 4,5 ລ້ານກີບມອບໃຫ້ຄະນະຊາວໜຸ່ມ ກະຊວງສາທາລະນະສຸກ, ມອບນໍ້າດື່ມຈໍານວນ 120 ແກັດມູນຄ່າ 4,2 ລ້ານກີບມອບໃຫ້ຄະນະຊາວໜຸ່ມ ນະຄອນຫຼວງວຽງຈັນ ແລະ ໄດ້ມອບນໍ້າດື່ມຈໍານວນ 120 ແກັດມູນຄ່າ 4,2 ລ້ານກີບມອບໃຫ້ຫ້ອງການຊາວໜຸ່ມກອງທັບ.
ການມອບຊ່ວຍເຫຼືອຄັ້ງນີ້ມີຄວາມໝາຍຄວາມສໍາຄັນ ແລະຈໍາເປັນເພາະຈັດຂຶ້ນຢູ່ໃນເງື່ອນໄຂສະພາບການແຜ່ລະບາດຂອງພະຍາດໂຄວິດ-19 ພວມແຜ່ລະບາດຢ່າງຮ້າຍແຮງໃນປັດຈຸບັນພາຍໃຕ້ການນໍາພາຂອງພັກ, ການ ຈັດຕັ້ງທຸກຂັ້ນ, ຄະນະບໍລິຫານງານສູນກາງ ຊປປລ, ອົງການຈັດຕັ້ງຄະນະຊາວໜຸ່ມແຮກສ່ຽວທັງ 4 ພາກສ່ວນໄດ້ພ້ອມກັນເຄື່ອນໄຫວຕ້ານສະກັດກັ້ນ ແລະ ຜ່ານວິກິດດັ່ງກ່າວຢ່າງຕັ້ງໜ້າ.

ໂອກາດນີ້, ສະຫາຍ ສົມຈິດ ຄໍາມຸງຄຸນ ໄດ້ມີຄຳເຫັນວ່າ: ວັດຖຸ-ປັດໃຈທີ່ນໍາມາມອບໃນຄັ້ງນີ້ແມ່ນການປະກອບສ່ວນຂອງອ້າຍ-ນ້ອງຊາວໜຸ່ມພາຍໃນກະຊວງການເງິນ ແລະ ການລະດົມທຶນຈາກພາກສ່ວນຕ່າງໆເພື່ອນໍາມາປະກອບສ່ວນຊ່ວຍຊຸກຍູ້ໃຫ້ຄະນະຊາວໜຸ່ມແຮກສ່ຽວ, ເພື່ອສ້າງຂວັນກໍາລັງໃຈໃຫ້ອ້າຍ-ນ້ອງຊາວໜຸ່ມທີ່ປະ ຕິບັດວຽກງານຢູ່ແນວໜ້າບ່ອນທີ່ມີຄວາມສ່ຽງໃນການປິ່ນປົວຜູ້ທີ່ຕິດເຊື້ອພະຍາດໃຫ້ຫາຍດີ, ພ້ອມທັງຕ້ານ ແລະ ເຝົ້າລະວັງຂອງການແຜ່ລະບາດຂອງພະຍາດໂຄວິດ-19 ບໍ່ໃຫ້ມີການລະບາດຂອງເຊື້ອພະຍາດເພີ່ມຂຶ້ນອີກ.

- Wave100S AD to Website 2020 0 - ຄະນະບໍລິຫານງານຊາວໜຸ່ມ ກະຊວງການເງິນມອບນໍ້າດື່ມ-ຜ້າອັດປາກ-ອັດດັງໃຫ້ຄະນະຊາວໜຸ່ມແຮກສ່ຽວ

ພ້ອມກັນນີ້,ສະຫາຍ ດຣ ໄພວັນ ແກ້ວປະເສີດ ກໍາມະການຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມກະຊວງສາທາລະນະສຸກ, ໄດ້ຕາງໜ້າໃຫ້ຄະນະຊາວໜຸ່ມສະແດງຄວາມຮູ້ບຸນຄຸນ ແລະ ຂອບໃຈມາຍັງຄະນະຊາວໜຸ່ມປະຊາຊົນ ປະຕິວັດລາວ ກະຊວງການເງິນ ທີ່ໃຫ້ການຊຸກຍູ້ ແລະ ສະໜັບສະໜູນຕະຫຼອດມາ,ສໍາລັບເຄື່ອງທີ່ມອບໃຫ້ໃນຄັ້ງນີ້ຈະໄດ້ນໍາໄປໃຫ້ຜູ້ທີ່ປະຕິບັດວຽກງານຕົວຈິງ ແລະນໍາໃຊ້ໃຫ້ເກີດຜົນປະໂຫຍດອັນສູງສຸດ.

-    AD conten website - ຄະນະບໍລິຫານງານຊາວໜຸ່ມ ກະຊວງການເງິນມອບນໍ້າດື່ມ-ຜ້າອັດປາກ-ອັດດັງໃຫ້ຄະນະຊາວໜຸ່ມແຮກສ່ຽວ
- lattana banner 1 - ຄະນະບໍລິຫານງານຊາວໜຸ່ມ ກະຊວງການເງິນມອບນໍ້າດື່ມ-ຜ້າອັດປາກ-ອັດດັງໃຫ້ຄະນະຊາວໜຸ່ມແຮກສ່ຽວ
- lattana banner - ຄະນະບໍລິຫານງານຊາວໜຸ່ມ ກະຊວງການເງິນມອບນໍ້າດື່ມ-ຜ້າອັດປາກ-ອັດດັງໃຫ້ຄະນະຊາວໜຸ່ມແຮກສ່ຽວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!