ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້

ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້ - rawImage - ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້
ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້ - AGL - ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້

ຈີນເຂັ້ມງວດໂຄວິດ-19 ຫລ້າສຸດໂຈະນຳເຂົ້າໝາກມັງກອນຈາກຫວຽດນາມ 1 ອາທິດ ເພາະພົບເຊື້ອຕິດຢູ່ໃນກ່ອງບັນຈຸໝາກໄມ້.

ວັນທີ 17 ກັນຍາ 2021, ເວັບໄຊ Bloomberg ລາຍງານວ່າ: ກະຊວງການຄ້າຂອງຫວຽດນາມອອກມາຢືນຢັນວ່າ: ທາງການຈີນອອກຄຳສັ່ງໂຈະການນຳເຂົ້າໝາກມັງກອນຈາກຫວຽດນາມ ໂດຍມີຜົນແຕ່ວັນທີ 15 ກັນຍາ ເປັນເວລາ 1 ອາທິດ ໂດຍທາງການຈີນອ້າງເຫດຜົນໂຈະການນຳເຂົ້າວ່າ: ເປັນເພາະກວດພົບເຊື້ອໂຄວິດ-19 ຢູ່ກ່ອງເຈ້ຍບັນຈຸໝາກມັງກອນທີ່ຂົນສົ່ງມາຈາກແຂວງກວາງນິມ ທາງຕອນເໜືອຂອງຫວຽດນາມ.

ເຖິງຢ່າງໃດກໍຕາມ, ເລຂາທິການສະມາຄົມຜັກ ແລະ ໝາກໄມ້ຫວຽດນາມ ລະບຸວ່າ: ກໍລະນີດັ່ງກ່າວເກີດຂຶ້ນໄດ້ຍາກ ເນື່ອງຈາກກຳມະກອນໃນໂຮງງານໝາກໄມ້ຜ່ານການກວດພະຍາດໂຄວິດ-19 ເປັນປະຈຳ, ໄດ້ຮັບວັກຊີນແລ້ວ ແລະ ຖືກຈຳກັດພື້ນທີ່ໃຫ້ອາໄສຢູ່ໃນໂຮງງານ ເພື່ອຫລຸດຄວາມສ່ຽງການຕິດເຊື້ອ.

ເຖິງວ່າອົງການອະນາໄມໂລກຈະລະບຸວ່າ: ບໍ່ມີຫລັກຖານແນ່ນອນເຖິງການຕິດເຊື້ອໂຄວິດຈາກບັນຈຸພັນ ຫລື ອາຫານ, ແຕ່ຜ່ານມາ ຈີນເຄີຍມີມາດຕະການເຂັ້ມງວດຕໍ່ອາຫານນຳເຂົ້າ ໂດຍສະເພາະຊີ້ນສັດ ແລະ ອາຫານແຊ່ແຂງ ເນື່ອງຈາກມີຄວາມກັງວົນອາຫານນຳເຂົ້າເຫລົ່ານີ້ອາດມີເຊື້ອໂຄວິດ-19 ຈາກປະເທດຕົ້ນທາງປົນມານຳ.

ການໂຈະນຳເຂົ້າໝາກມັງກອນຈະເປັນໄລຍະສັ້ນພຽງ 1 ອາທິດ, ແຕ່ສົ່ງຜົນກະທົບໂດຍກົງຕໍ່ອຸດສາຫະກຳໝາກໄມ້ຂອງຫວຽດນາມ ເນື່ອງຈາກຫວຽດນາມສົ່ງອອກໝາກມັງກອນໄປຈີນສູງເຖິງ 80% ຂອງຈຳນວນທີ່ສົ່ງອອກທັງໝົດ ໂດຍມີມູນຄ່າສູງເຖິງ 1 ພັນລ້ານໂດລາຕໍ່ປີ.

ໃນຕອນນີ້ຈີນກຳລັງຜະເຊີນການລະບາດຂອງພະຍາດໂຄວິດ-19 ຮອບໃໝ່ ໂດຍພົບຜູ້ຕິດເຊື້ອໂຄວິດ-19 ໃນມົນທົນຝູຈ້ຽນແລ້ວບໍ່ຕໍ່າກວ່າ 200 ຄົນ ນັບແຕ່ວັນທີ 10 ກັນຍາຜ່ານມາ, ຄາດວ່າຈຸດເລີ່ມຕົ້ນການແຜ່ລະບາດມາຈາກຜູ້ຊາຍຄົນໜຶ່ງທີ່ເດີນທາງມາຈາກສິງກະໂປ.

ອ້າງອີງ:

https://www.bloomberg.com/…/china-halts-vietnam-s-1…

https://www.xinhuathai.com/high/230095_20210917

ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້ -    AD conten website - ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້
ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້ - lattana banner - ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້
ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້ - lattana banner 1 - ຈີນໂຈະການນຳເຂົ້າໝາກມັງກອນຈາກຫວຽດນາມ ເພາະພົບເຊື້ອໂຄວິດໃນກ່ອງໝາກໄມ້
error: Alert: ເນື້ອຫາຂ່າວມີລິຂະສິດ !!