ອຸຕຸເຕືອນໃຫ້ມີສະຕິຕໍ່ລົມພາຍຸທີ່ຈະພັດຜ່ານລາວໃນໄລຍະນີ້

- advert banner 728 90 728x90 - ອຸຕຸເຕືອນໃຫ້ມີສະຕິຕໍ່ລົມພາຍຸທີ່ຈະພັດຜ່ານລາວໃນໄລຍະນີ້

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ເຊົ້າວັນທີ 26 ກໍລະກົດນີ້, ພາຍຸຊົງກາ (Sonca), ຈະອ່ອນກຳລັງລົງກາຍເປັນພາຍຸຕີເປ່ຣຊັນ, ຊຶ່ງຈະພັດຜ່ານເຂົ້າເຂດນະຄອນຫລວງວຽງຈັນ ແລະ ປະເທດໄທ, ຕະຫລອດໄລຍະການເຄື່ອນ ໄຫວຂອງພາຍຸຫົວນີ້, ຈະເຮັດໃຫ້ມີຝົນຕົກຟ້າຄະນອງ ແລະ ມີລົມພັດແຮງຢູ່ ບັນດາແຂວງພາກກາງ ແລະ ພາກໃຕ້. ຈາກນັ້ນ ວັນທີ 27-30 ກໍລະກົດ, ຮ່ອງຄວາມກົດດັນອາກາດຕ່ຳຈະພັດຜ່ານເຂົ້າພາກເໜືອ ແລະ ພາກກາງຂອງ ລາວ, ປ່ອງເຂົ້າໃສ່ພາຍຸໝູນເຂດຮ້ອນທີ່ຈະກໍ່ຕົວຂຶ້ນອີກຫົວໃໝ່ຢູ່ເຂດທະເລຈີນ ໃຕ້, ຊຶ່ງຈະເຮັດໃຫ້ມີຝົນຕົກໃນລະດັບຄ່ອຍຫາປານກາງຢູ່ທົ່ວໄທ ແລະ ຕົກ ໜັກ, ພ້ອມມີລົມພັດແຮງຢູ່ບາງທ້ອງຖິ່ນ.

ພາກເໜືອດ້ານຕາເວັນອອກ: ສະພາບຝົນຈະຫລຸດລົງ, ຊຶ່ງຈະຕົກໃນລະ ດັບຄ່ອຍຢູ່ບາງທ້ອງຖິ່ນ, ອຸນຫະພູມຕ່ຳສຸດ 19-21 ອົງສາ ແລະ ສູງສຸດ 29-31 ອົງສາ; ພາກເໜືອດ້ານຕາເວັນຕົກ: ຈະມີຝົນຕົກໃນລະດັບຄ່ອຍຫາປານ ກາງ, ພ້ອມມີລົມພັດແຮງຢູ່ບາງທ້ອງຖິ່ນແຂວງບໍ່ແກ້ວ, ຫລວງພະບາງ ແລະ ໄຊຍະບູລີ, ຈາກນັ້ນ ອາກາດຈະຮ້ອນຂຶ້ນຕື່ມອີກ ແລະ ຝົນຕົກຫລາຍຂຶ້ນ, ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 32-34 ອົງສາ; ພາກກາງ: ສະພາບຝົນຍັງຈະສືບຕໍ່ຕົກໃນລະດັບຄ່ອຍຫາປານກາງຢູ່ຕື່ມອີກ, ອຸນຫະພູມ ຕ່ຳສຸດ 21-23 ອົງສາ ແລະ ສູງສຸດ 30-32 ອົງສາ; ພາກໃຕ້: ຈະມີຝົນຕົກ ໃນລະດັບຄ່ອຍຫາປານກາງເປັນບໍລິເວນກວ້າງ ແລະ ຕົກໜັກ, ພ້ອມມີລົມພັດ ແຮງຢູ່ບາງທ້ອງຖິ່ນແຂວງສາລະວັນ, ເຊກອງ ແລະ ຈຳປາສັກ, ອຸນຫະພູມຕ່ຳ ສຸດ 22-24 ອົງສາ ແລະ ສູງສຸດ 30-32 ອົງສາ ແລະ ນະຄອນຫລວງວຽງ ຈັນ: ຈະມີຝົນຕົກໃນລະດັບຄ່ອຍຫາປານກາງ, ພ້ອມມີລົມພັດແຮງຢູ່ບາງບໍລິ ເວນ, ຈາກນັ້ນ ອາກາດຈະຮ້ອນຂຶ້ນຕື່ມອີກ ແລະ ຝົນຕົກຫລາຍເພີ່ມຂຶ້ນ, ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 32-34 ອົງສາ.

- 1 1 - ອຸຕຸເຕືອນໃຫ້ມີສະຕິຕໍ່ລົມພາຍຸທີ່ຈະພັດຜ່ານລາວໃນໄລຍະນີ້
- Tiger Head 728x90 - ອຸຕຸເຕືອນໃຫ້ມີສະຕິຕໍ່ລົມພາຍຸທີ່ຈະພັດຜ່ານລາວໃນໄລຍະນີ້
error: Content is protected !!