ສອນລູກໄດ້ແບບນີ້ ໃຫຍ່ມາຢ່າງມີຄຸນນະພາບ ແລະ ເອົາໂຕລອດໄດ້
October 29, 2021 - 10:00 AM
- ໃຫ້ໝັ່ນສັ່ງສອນລູກຂອງເຮົາດ້ວຍຄວາມເມດຕາໃນມື້ນີ້ ຈະດີກ່ວາປ່ອຍໃຫ້ໃຫຍ່ໄປແລ້ວຖືກສັງຄົມສັ່ງສອນ.
- ຢ່າກົດດັນໃຫ້ລູກຕ້ອງຮຽນເກັ່ງ, ແຕ່ຈົ່ງສອນໃຫ້ລູກຮຽນຮູ້ທີ່ຈະຢູ່ດ້ວຍຕົນເອງໄດ້ ນັ້ນຄືມໍລະດົກຊີວິດທີ່ເຮົາຄວນມອບ ໃຫ້ເຂົາ.
- ການເລືອກອົດທົນເພື່ອຄອບຄົວສົມບູນແບບ ບໍ່ແມ່ນແຕ່ຢູ່ກັນພ້ອມໜ້າພ້ອມຕາ ຖ້າຢູ່ແລ້ວບໍ່ນຳພາ, ບໍ່ຮູ້ໜ້າທີ່ ມີໄປກໍ ເທົ່ານັ້ນ.
- ຂາດຜົວເຮົາຢູ່ໄດ້, ແຕ່ລູກຂາດແມ່ບໍ່ໄດ້ ຢ່າເອົາເວລາໄປທຸ້ມເທນຳຫາຜູ້ຊາຍທີ່ທຳລາຍຄວາມສົມບູນແບບຂອງຄອບ ຄົວ.
- ລູກສາວບໍ່ແຕ່ງດອງບໍ່ແມ່ນເລື່ອງໜ້າອາຍ ຖ້າລູກມີຊີວິດທີ່ສົມບູນແບບເອງໄດ້ ຜູ້ຊາຍກໍເປັນພຽງແຕ່ອົງປະກອບໜຶ່ງ ເທົ່ານັ້ນ.
- ສອນລູກສາວວ່າບໍ່ຕ້ອງແຂ່ງເທົ່າທຽມກັບຜູ້ຊາຍ ແລະ ສອນລູກຊາຍວ່າຢ່າເອົາປຽບແມ່ຍິງ ໃນໂລກແຫ່ງຄວາມຈິງ ທຸກເພດຄວນໃຫ້ກຽດເພື່ອນມະນຸດຢ່າງເທົ່າທຽມກັນ ບໍ່ວ່າຈະເປັນເພດໃດກໍຕາມ.
- ການສອນເລື່ອງຄວາມກະຕັນຍູ ເຮົາຕ້ອງເຮັດໃຫ້ລູກເບິ່ງ ບໍ່ແມ່ນມາສອນເອົາຕອນລູກໃຫຍ່ແລ້ວ.
- ລູກຊາຍເປັນເພດທາງເລືອກບໍ່ແມ່ນເລື່ອງຕ້ອງທຸກ ຕາບໃດທີ່ລູກມີຄວາມສຸກ ເປັນຄົນມີສຳນຶກດີ ມີຊີວິດຄຸນນະພາບ ກໍປະເສີດກ່ວາເລື່ອງເພດສະພາບໃດໆທັງໝົດ.
- ລູກເຮົາອາດບໍ່ໄດ້ງາມ-ຫລໍ່-ເກັ່ງກ່ວາລູກຄົນອື່ນ, ແຕ່ຫົວໃຈຂອງລູກຮັກເຮົາບໍ່ໜ້ອຍກ່ວາລູກເຮືອນໃດ ເທົ່ານີ້ກໍພູມໃຈ ໄດ້ແລ້ວ.
- ຢ່າເອົາຄວາມຫວັງຂອງເຮົາທຸ້ມໄວ້ເທິງບ່າໄຫລ່ຂອງລູກ ຄວາມຫວັງດຽວທີ່ຕ້ອງມີຕໍ່ລູກກໍຄື ໃຫ້ເຂົາດຳລົງຊີວິດໄດ້ ຢ່າງເປັນສຸກ ເຖິງວ່າໃນມື້ທີ່ບໍ່ມີເຮົາຄອຍປະຄອງ.
