ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA

ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA - AGL banner - ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA

ກະຊວງສາທາລະນະສຸກສິງກະໂປປະກາດໃນວັນທີ 23 ຕຸລາວ່າ: ຈະລວມເອົາວັກຊີນຕ້ານໂຄວິດຈາກບໍລິສັດ Sinovac ຂອງຈີນໄວ້ໃນໂຄງການສັກວັກຊີນຫລັກຂອງປະເທດ ໂດຍຈະເປັນການໃຫ້ວັກຊີນແບບ 3 ໂດສ.

ປະກາດດັ່ງກ່າວ ເປັນໄປຕາມການຕັດສິນໃຈຂອງສຳນັກງານສາທາລະນະສຸກສິງກະໂປ (Health Sciences Authority: HSA) ໃນການອະນຸມັດນຳໃຊ້ວັກຊີນຊົ່ວຄາວ ພາຍໃຕ້ຊ່ອງທາງການເຂົ້າເຖິງພິເສດໃນສະຖານະການການແຜ່ລະບາດ (Pandemic Special Access Route: PSAR) ເຊິ່ງຜ່ານມາມີວັກຊີນຕ້ານໂຄວິດ 2 ຍີ່ຫໍ້ ທີ່ໄດ້ຮັບການອະນຸມັດໃຊ້ ຄືວັກຊີນ Comirnaty ຂອງ Pfizer-BioNTech ແລະ ວັກຊີນ Moderna.

ຂະນະທີ່ກະຊວງສາທາລະນະສຸກສິງກະໂປຊີ້ວ່າ: ເຖິງວ່າອັດຕາການສັກວັກຊີນໂຄວິດໃນປະເທດຈະຂ້ອນຂ້າງສູງ ໂດຍປັດຈຸບັນມີປະຊາກອນປະມານ 84% ຈາກທັງໝົດ 5,45 ລ້ານກວ່າຄົນ ທີ່ໄດ້ຮັບການສັກວັກຊີນຄົບໂດສແລ້ວ, ແຕ່ຍັງມີຊາວສິງກະໂປບາງສ່ວນທີ່ເລືອກຈະບໍ່ເຂົ້າຮັບການສັກວັກຊີນຫລັກໃນໂຄງການສັກວັກຊີນຂອງລັດ ເນື່ອງຈາກບໍ່ໝັ້ນໃຈໃນວັກຊີນ Pfizer ແລະ Moderna ທີ່ເປັນວັກຊີນແບບ mRNA.

ເຖິງຢ່າງໃດກໍຕາມ, ເນື່ອງຈາກປະສິດທິພາບຂອງວັກຊີນ Sinovac ທີ່ຂ້ອນຂ້າງຕໍ່າກວ່າວັກຊີນຂອງ Pfizer ແລະ Moderna ເຮັດໃຫ້ກະຊວງສາທາລະນະສຸກສິງກະໂປກຳນົດແນວທາງສຳລັບການສັກວັກຊີນ Sinovac ແກ່ປະຊາຊົນໄວ້ດັ່ງນີ້:

  • ປະຊາຊົນທີ່ໄດ້ຮັບການສັກວັກຊີນ Sinovac ແລ້ວ 1 ຫລື 2 ໂດສ ຈະໄດ້ຮັບການສະໜັບສະໜູນຢ່າງຍິ່ງໃຫ້ເຂົ້າຮັບການສັກວັກຊີນ Sinovac ໂດສທີ 3 ເພື່ອການປ້ອງກັນການຕິດເຊື້ອ ແລະ ອາການໜັກຈາກໂຄວິດທີ່ດີຍິ່ງຂຶ້ນ.
  • ປະຊາຊົນທີ່ບໍ່ສາມາດຮັບການສັກວັກຊີນ mRNA ເນື່ອງຈາກເຫດຜົນທາງການແພດ ຄວນໄດ້ຮັບວັກຊີນ 3 ໂດສຂອງ Sinovac.
  • ປະຊາຊົນທີ່ເຂົ້າຮັບການສັກວັກຊີນໂດສທຳອິດ ດ້ວຍວັກຊີນ mRNA ແຕ່ເກີດອາການແພ້ ຫລື ອາການຂ້າງຄຽງທີ່ຮຸນແຮງຫລັງຈາກສັກໂດສທຳອິດ ຄວນໄດ້ຮັບການສັກວັກຊີນ Sinovac 2 ໂດສ ແຕ່ຖ້າອາການແພ້ເກີດຂຶ້ນຫລັງການສັກວັກຊີນ mRNA ໂດສທີ 2 ກໍຄວນໄດ້ຮັບການສັກວັກຊີນ Sinovac ອີກ 1 ໂດສ ເປັນວັກຊີນເຂັມກະຕຸ້ນ ເມື່ອໄດ້ຮັບອະນຸມັດໃຫ້ເຂົ້າຮັບການສັກ.

ອ້າງອີງ:

https://www.channelnewsasia.com/singapore/sinovac-covid-19-vaccine-national-vaccination-programme-three-dose-singapore-2263787

ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA - lattana banner - ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA
ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA - lattana banner 1 - ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA
ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA -    AD conten website - ສິງກະໂປກຽມລວມວັກຊີນ Sinovac ແບບ 3 ໂດສ ໃນໂຄງການສັກວັກຊີນຕ້ານໂຄວິດຂອງປະເທດ ຊີ້ປະຊາຊົນບາງສ່ວນບໍ່ຍອມສັກວັກຊີນ mRNA
error: Alert: ເນື້ອຫາຂ່າວມີລິຂະສິດ !!