ສະພາຕໍ່າອາເມລິກາເຫັນພ້ອມ ມາດຕະການຂວ້ຳບາດຣັດເຊຍຮອບໃໝ່

- advert banner 728 90 728x90 - ສະພາຕໍ່າອາເມລິກາເຫັນພ້ອມ ມາດຕະການຂວ້ຳບາດຣັດເຊຍຮອບໃໝ່

- new3 - ສະພາຕໍ່າອາເມລິກາເຫັນພ້ອມ ມາດຕະການຂວ້ຳບາດຣັດເຊຍຮອບໃໝ່

ສະພາ​ຜູ້​ແທນ​ລາຊະ​ດອນ (ສະພາ​ຕໍ່າ) ອາ​ເມ​ລິ​ກາ​ລົງມະຕິ​ດ້ວຍ​ຄະ​ແນນ​ສຽງ 419 ຕໍ່ 3 ​ເຫັນ​ພ້ອມ​ໃຫ້​ຜ່ານ​ຮ່າງ​ກົດໝາຍ​ຮັບຮອງ​ຊຸດ​ມາດ​ຕະການ​ຂວ້ຳບາດຣັດ​ເຊຍ, ອີຣານ ​ແລະ ສປປ ​ເກົາຫລີ ຄັ້ງ​ໃໝ່ ​ໂດຍ​ສະ​ເພາະ​ໃນ​ກໍລະນີ​ຂອງຣັດ​ເຊຍ​ນັ້ນ, ສະພາ​ຕໍ່າ​ຖື​ວ່າການ​ຂວ້ຳບາດ​ຄັ້ງນີ້​ມີ​ຂຶ້ນ​ເພື່ອ​ຕອບ​ໂຕ້​ທີ່ຣັດ​ເຊຍ​ແຊກ​​ແຊງ​ການ​ເລືອກ​ຕັ້ງປະທານາທິບໍດີ​ອາ​ເມ​ລິ​ກາ​ໃນ​ປີຜ່ານມາ.

ທ່ານ ພອລ ​ໄຣອັນ ປະທານ​ສະພາ​ຕໍ່າ​ອາ​ເມ​ລິ​ກາ ລະບຸ​ວ່າ: ຊຸດ​ມາດ​ຕະການ​ຂວ້ຳບາດ​ໃໝ່​ນີ້​ຈະ​ເປັນ​ການ​ປິດ​ລ້ອມ​ສັດຕູ​ອັນຕະລາຍ​ທີ່​ສຸດ​ຂອງ​ອາ​ເມ​ລິ​ກາ​ຢ່າງ​ເຂັ້ມງວດ​ຍິ່ງ​ຂຶ້ນ ​ເພື່ອ​ໃຫ້​ຊາວ​ອາ​ເມ​ລິ​ກາ​ປອດ​ໄພ ​ໂດຍ​ມາດ​ຕະການ​ຂວ້ຳບາດ​ໃໝ່​ຕໍ່ຣັດ​ເຊຍ​ນັ້ນລວມ​ເຖິງ​ການ​ຈຳກັດ​ຂອບ​ເຂດ​​ໂຄງການ​ທໍ່​ສົ່ງ​ນ້ຳມັນ ​ແລະ ​ແກັສທຳ​ມະ​ຊາດ.

ຮ່າງ​ກົດໝາຍ​ນີ້​ຍັງ​ຕ້ອງ​ຜ່ານ​ຄວາມ​ເຫັນ​ພ້ອມ​ຈາກ​ວຸດ​ທິສະພາ (ສະພາ​ສູງ) ອີກ ກ່ອນ​ຈະ​ສົ່ງ​ໄປ​ຫາ​ປະທານາທິບໍດີ​ອາ​ເມ​ລິ​ກາ ​ເພື່ອ​ໃຫ້​ລົງ​ນາມ​ບັງຄັບ​ໃຊ້​ຢ່າງ​ເປັນ​ທາງ​ການ​ຕໍ່​ໄປ ​ເຊິ່ງກ່ອນ​ໜ້າ​ນີ້ ປະທານາທິບໍດີ ​ໂດ​ນັນ ທຣຳ ມີ​ທ່າ​ທີ​ບໍ່​ເຫັນ​ພ້ອມ​ຕໍ່​ການ​ຂວ້ຳບາດຣັດ​ເຊຍ​ຄັ້ງ​ໃໝ່ ​ເນື່ອງ​ຈາກ​ຈະ​ເຮັດ​ໃຫ້​ນະ​ໂຍບາຍ​ຮັດ​​ແໜ້ນ​ການ​ພົວພັນ​ກັບຣັດ​ເຊຍ​ຂອງ​ທ່ານ​ຫຍຸ້ງຍາກ​ຍິ່ງ​ຂຶ້ນ.

ທ່າ​ນນາງ ຊາຣາ ຮັກ​ຄາ​ບີ ​ແຊນ​ເດິ​ສ ​ໂຄສົກ​ປະຈຳ​ທຳນຽບປະທານາທິບໍດີ​ອາ​ເມ​ລິ​ກາ ຖະ​ແຫລ​ງວ່າ: ທຳນຽບປະທານາທິບໍດີ​ຍັງ​ຈະ​ພິຈາລະນາ​ເນື້ອ​ໃນ​ຂອງ​ຮ່າງ​ກົດໝາຍ​ຊຸດ​ມາດ​ຕະການ​ຂວ້ຳບາດ​ນີ້​ຢູ່ ​ແລະ ກຳລັງ​ເບິ່ງ​ວ່າ​ຮ່າງ​ສຸດ​ທ້າຍ​ທີ່​ຈະ​ສົ່ງ​​ໃຫ້​ປະທານາທິບໍດີ​ລົງ​ນາມ​ນັ້ນຈະ​ມີ​ເນື້ອ​ໃນ​ເປັນ​ແນວ​ໃດ.

- 4i1bqyno - ສະພາຕໍ່າອາເມລິກາເຫັນພ້ອມ ມາດຕະການຂວ້ຳບາດຣັດເຊຍຮອບໃໝ່

- lattana 1 - ສະພາຕໍ່າອາເມລິກາເຫັນພ້ອມ ມາດຕະການຂວ້ຳບາດຣັດເຊຍຮອບໃໝ່

ທັງ​ນີ້, ປະທານາທິບໍດີ​ອາ​ເມ​ລິ​ກາ ສາມາດ​ໃຊ້​ສິດ​ຢັບຢັ້ງຮ່າງ​ກົດໝາຍ​ດັ່ງກ່າວ​ໄດ້, ​ແຕ່​ຖ້າ​ເຮັດ​ແບບ​ນີ້​ຈະ​ຍິ່ງ​ເພີ່ມ​ຄວາມ​ສົງ​ໄສ​ໃນ​ບັນຫາ​ທີ່​ວ່າ: ທ່ານ​ມີ​ການ​ພົວພັນ​ໃກ້ຊິດກັບຣັດ​ເຊຍ ​ເຊິ່ງບັນຫາ​ນີ້ FBI ​ແລະ ຄະນະ​ກຳມາ​ທິການ​ໃນ​ສະພາ​ຄອງ​ເກຣດກຳລັງ​ດຳ​ເນີນ​ການ​ສອບ​ສວນ​ຢູ່.

ສ່ວນ​ທ່ານ ​ເຊີ​ເກ ຣຽບຄອບ ລັດຖະມົນຕີ​ຕ່າງປະ​ເທດຣັດ​ເຊຍ ລະບຸ​ວ່າ: ການ​ອອກ​ມາດ​ຕະການ​ຂວ້ຳບາດຣັດ​ເຊຍ​ຮອບ​ໃໝ່ ປຽບ​ເໝືອນ​ການວາງ​ກັບ​ດັກ​ລະ​ເບີດ​ອັນຕະລາຍ​ໄວ້​ກ້ອງ​ຮາກ​ຖານ​ຂອງ​ການ​ພົວພັນ​ລະຫວ່າງ​ສອງ​ປະ​ເທດ ​ເຊິ່ງ​ເປັນ​ເລື່ອງທີ່​ມີ​ຄວາມ​ກັງວົນ​ຢ່າງ​ຍິ່ງ ​ເພາະ​ເບິ່ງ​ຄື​ວ່າ​ແນວ​ຄິດ​ກຽດ​ຊັງຣັດ​ເຊຍ​ຂອງ​ສະພາ​ຄອງ​ເກຣດ ບໍ່​ມີ​ທ່າ​ທີ​ວ່າ​ຈະ​ຫລຸດ​ໜ້ອຍ​ລົງ.

error: Content is protected !!