ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ

ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ - new 9 324x160 1 - ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ
ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ - kitchen vibe - ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ

ໂດຍ: ທິດກໍ່າ

ມາຮອດປັດຈຸບັນ, ເຮົາເຫັນວ່າການແຜ່ລະບາດຂອງພະຍາດໂຄວິດ-19 ຢູ່ປະເທດເຮົາຍັງບໍ່ມີທ່າທີຫລຸດໜ້ອຍຖອຍລົງໄດ້ຢ່າງຊັດເຈນ. ຫລ້າສຸດຈາກສະຖິຕິໃນວັນທີ 27 ຕຸລາ 2021 ມີເຖິງ 733 ຄົນ, ມີຜູ້ເສຍຊີວິດສະສົມໄປແລ້ວ 58 ຄົນ. ສ່ວນວັນທີ 29 ຕຸລາ 2021 ຫຍັບລົງມາພຽງ 447 ຄົນ. ສະເພາະຜູ້ທີ່ເສຍຊີວິດໃນວັນນີ້ຖືວ່າບໍ່ມີ.

ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ - Visit Laos Visit SALANA BOUTIQUE HOTEL - ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ

ແນວໃດກໍຕາມ, ເມື່ອທຽບໃສ່ສະຖິິຕິໃນສອງວັນນີ້ແລ້ວເຫັນວ່າມີທ່າອ່ຽງຫລຸດລົງ. ກໍຫວັງຢ່າງຍິ່ງວ່າ ແຕ່ນີ້ຮອດເດືອນທັນວາທ້າຍປີນີ້ຂໍໃຫ້ການແຜ່ລະບາດພະຍາດໂຄວິດຈົ່ງຫລຸດໜ້ອຍຖອຍລົງກ້າວໄປເຖິງໃຫ້ໝົດໄປຈາກປະເທດລາວໃນໄວໆນີ້. ຈາກນັ້ນ ການພັດທະນາສ້າງສາໃນປະເທດເຮົາກໍຈະເດີນໜ້າຂະຫຍາຍຕົວຢ່າງກ້າວກະໂດດຂັ້ນ.

ຄືດັ່ງພວກເຮົາໄດ້ຮັບຮູ້ນຳກັນແລ້ວວ່າ, ນັບແຕ່ກາງປີ 2019 ປະເທດຊາດຂອງພວກເຮົາໄດ້ຮັບຜົນກະທົບຈາກການແຜ່ລະບາດຂອງເຊື້ອພະຍາດໂຄວິດ-19 ຢ່າງໃຫຍ່ຫລວງ. ນອກຈາກມີຄົນຕິດເຊື້ອສະສົມເຖິງ 37.000 ກວ່າຄົນແລ້ວ, ຍັງມີຜູ້ເສຍຊີວິດສະສົມ 58 ຄົນ ໃນປັດຈຸບັນ.
ນອກຈາກທີ່ກ່າວມາຂ້າງເທິງນີ້ແລ້ວ ຍັງມີຜົນກະທົບໄປຮອດລະບົບເສດຖະກິດ-ສັງຄົມຂອງປະເທດ. ໃນບັນດາຂະແໜງການທີ່ມີຜົນກະທົບໜັກກໍແມ່ນການທ່ອງທ່ຽວ ເຊິ່ງຂາດລາຍໄດ້ແຕ່ 500 ຫາ 600 ລ້ານໂດລາສະຫະລັດໃນແຕ່ລະປີ. ໄປຄຽງຄູ່ກັນນັ້ນ ບັນດາໂຮງແຮມ, ຮ້ານອາຫານ, ແຫລ່ງທ່ອງທ່ຽວກໍປິດກິດຈະການບໍລິການ, ສະຖາບັນການສຶກສາແຕ່ລະແຫ່ງແຕ່ລະຊັ້ນ, ແຕ່ລະຂັ້ນໃນທົ່ວປະເທດກໍຖືກປິດການຮຽນການສອນມາເປັນເວລາຫລາຍເດືອນ.

ຈາກສະພາທີ່ກ່າວມານີ້ ຈຶ່ງເຮັດໃຫ້ການພັດທະນາໃນຫລາຍຂົງເຂດບໍ່ໄປຕາມເປົ້າໝາຍທີ່ໄດ້ວາງເອົາໄວ້. ຍັງອີກພຽງເດືອນດຽວ ຄືໝົດເດືອນພະຈິກນີ້ຮອດວັນທີ 2 ທັນວາ ກໍແມ່ນວັນຊາດຄົບຮອບ 46 ປີ ແລະ ວັນນີ້ເອງຈະໄດ້ເປີດນຳໃຊ້ບໍລິການສາຍທາງລົດໄຟຄວາມໄວສູງ ລາວ-ຈີນ ແຕ່ສິ່ງທີ່ເຮົາເປັນຫ່ວງນັ້ນ ຖ້າໂຄວິດ-19 ຍັງບໍ່ມີທ່າທີຫລຸດໜ້ອຍຖອຍລົງ ກໍຈະເປັນອຸປະສັກຢ່າງໃຫຍ່ຫລວງໃນການໄປມາ, ການບໍລິການຂົນສົ່ງສິນຄ້າ, ການທ່ອງທ່ຽວ ແລະ ການສ້າງສາພັດທະນາປະເທດຊາດໂດຍລວມ.

ເຖິງຢ່າງໃດກໍດີ, ພວກເຮົາກໍມີຄວາມເຊື່ອໝັ້ນຕໍ່ການນຳພາຂອງພັກ ແລະ ລັດຖະບານ ໂດຍສະເພາະແມ່ນການປະຕິບັດບັນດາມາດຕະການປ້ອງກັນສະກັດກັ້ນ, ການຄຸ້ມຄອງ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຂອງຄະນະສະເພາະກິດໄດ້ວາງອອກ. ຄາດວ່າພາຍຫລັງເປີດເສັ້ນທາງລົດໄຟຄວາມໄວສູງໄປແລ້ວ ທຸກສິ່ງຢ່າງຈະມີຫລາຍອັນປ່ຽນແປງໄປໃນທາງທີ່ດີໃນການສ້າງສາພັດທະນາປະເທດຊາດ.

ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ - 5 - ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ
ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ - 4 - ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ
ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ - 3 - ໂຄວິດ-19 ເປັນອຸປະສັກອັນໃຫຍ່ຫລວງໃນການພັດທະນາປະເທດຊາດ