ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ

ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ - 6181744dbb4fb6181744dbb4fc16358738696181744dbb4f76181744dbb4f9 - ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ
ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ - kitchen vibe - ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ

ຊາບິຮຸນເລາະ ມູຈາຮິດ ໂຄສົກກຸ່ມຕາລີບັນ ອອກຖະແຫລງການໃນວັນທີ 2 ພະຈິກ ປະກາດຫ້າມການໃຊ້ສະກຸນເງິນຕ່າງປະເທດໃນອັບການິດສະຖານ ໂດຍຖືເປັນການເຄື່ອນໄຫວຫລ້າສຸດທີ່ຄາດວ່າຈະສົ່ງຜົນກະທົບເພີ່ມຂຶ້ນຕໍ່ເສດຖະກິດຂອງອັບການິດສະຖານທີ່ເຂົ້າໃກ້ສະພາບລົ້ມລະລາຍ ຈາກການຖອນການຊ່ວຍເຫລືອຂອງນາໆຊາດຢ່າງກະທັນຫັນ.

“ລັດອິດສະລາມມີຄຳສັ່ງໃຫ້ພົນລະເມືອງ, ເຈົ້າຂອງຮ້ານ, ພໍ່ຄ້າ, ນັກທຸລະກິດ ແລະ ປະຊາຊົນທົ່ວໄປ ດຳເນີນທຸລະກຳທັງໝົດໃນອັບການິດສະຖານ ແລະ ງົດເວັ້ນການໃຊ້ສະກຸນເງິນຕ່າງປະເທດຢ່າງເຄັ່ງຂັດ” ມູຈາຮິດ ລະບຸໃນຖະແຫລງການ. ພ້ອມເຕືອນວ່າ: “ຜູ້ໃດກໍຕາມທີ່ຝ່າຝືນຄຳສັ່ງນີ້ ຈະຜະເຊີນການດຳເນີນການທາງກົດໝາຍ”.

ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ - Visit Laos Visit SALANA BOUTIQUE HOTEL - ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ

ຫລາຍປີຜ່ານມາ ອັບການິດສະຖານໃຊ້ສະກຸນເງິນໂດລາສະຫະລັດຢ່າງແຜ່ຫລາຍໃນເມືອງຕ່າງໆ, ສ່ວນປະຊາຊົນທີ່ອາໄສຢູ່ພື້ນທີ່ຊາຍແດນຈະໃຊ້ສະກຸນເງິນຂອງປະເທດເພື່ອນບ້ານເຊັ່ນ: ປາກິດສະຖານໃນການຄ້າຂາຍ.

ການເຄື່ອນໄຫວນີ້ເກີດຂຶ້ນຫລັງລັດຖະບານອັບການິດສະຖານຊຸດໃໝ່ພາຍໃຕ້ການຄວບຄຸມຂອງຕາລີບັນ ກຳລັງກົດດັນໃຫ້ອາເມລິກາ, ປະເທດເອີຣົບ, ທະນາຄານໂລກ ແລະ IMF ຍົກເລີກການອາຢັດເງິນສຳຮອງ ແລະ ສິນຊັບຂອງທະນາຄານກາງອັບການິດສະຖານຈຳນວນຫລາຍກວ່າ 9,5 ພັນລ້ານໂດລາ.

ເຊິ່ງກ່ອນໜ້ານີ້ ມູຈາມິດ ອອກມາເຕືອນວ່າ: ການທີ່ອາເມລິກາ ແລະ ປະເທດຕາເວັນຕົກບໍ່ຍອມຮັບລັດຖະບານຊຸດໃໝ່ຂອງອັບການິດສະຖານ ແລະ ຍັງອາຢັດເງິນຂອງອັບການິດສະຖານ ອາດສົ່ງຜົນກະທົບບໍ່ພຽງແຕ່ໃນອັບການິດສະຖານ ແຕ່ອາດເປັນບັນຫາລຸກລາມໄປສູ່ລະດັບພາກພື້ນ ແລະ ລະດັບໂລກ.

ຂະນະທີ່ກະຊວງການເງິນອັບການິດສະຖານເປີດເຜີຍວ່າ: ປັດຈຸບັນ ສາມາດຈັດເກັບພາສີໄດ້ສະເລ່ຍວັນລະປະມານ 400 ລ້ານອັບການິດສະຖານ ເຊິ່ງທະນາຄານກາງອັບການິດສະຖານຊີ້ວ່າ: ລັດຖະບານອັບການິດສະຖານຕ້ອງການເງິນງົບປະມານເດືອນລະ 150 ລ້ານໂດລາ ເພື່ອຄວບຄຸມສະກຸນເງິນທ້ອງຖິ່ນ ແລະ ລາຄາສິນຄ້າໃນປະເທດໃຫ້ມີສະຖຽນລະພາບ ແລະ ປ້ອງກັນການເກີດວິກິດເສດຖະກິດ ແລະ ວິກິດດ້ານມະນຸດສະທຳ ຈາກຄວາມອຶດຫິວ ແລະ ຂາດເຂີນອາຫານຂັ້ນຮຸນແຮງ ເຊິ່ງອາດສົ່ງຜົນໃຫ້ມີຜູ້ເສຍຊີວິດນັບລ້ານຄົນ ໂດຍຜົນທີ່ຕາມມາອາດກໍ່ໃຫ້ເກີດການອົບພະຍົບຄັ້ງໃຫຍ່ຂອງຊາວອັບການິດສະຖານ ເຊິ່ງປະເທດເອີຣົບຈະໄດ້ຮັບຜົນກະທົບໜັກທີ່ສຸດ.

ທັງນີ້, ປະກາດຂອງກຸ່ມຕາລີບັນມີຂຶ້ນພຽງບໍ່ເທົ່າໃດຊົ່ວໂມງຫລັງຈາກເກີດເຫດກວາດຍິງ ແລະ ລະເບີດໂຈມຕີໂຮງໝໍກອງທັບໃຫຍ່ທີ່ສຸດຂອງປະເທດໃນນະຄອນຫລວງຄາບູລ ເຊິ່ງສົ່ງຜົນໃຫ້ມີຜູ້ເສຍຊີວິດແລ້ວຢ່າງໜ້ອຍ 19 ຄົນ ແລະ ບາດເຈັບອີກຫລາຍສິບຄົນ.

ອ້າງອີງ:

https://www.aljazeera.com/news/2021/11/2/taliban-bans-use-of-foreign-currency-across-afghanistan

ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ - 3 - ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ
ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ - 5 - ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ
ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ - 4 - ຕາລີບັນສັ່ງຫ້າມໃຊ້ສະກຸນເງິນຕ່າງປະເທດ ໃນອັບການິດສະຖານ ຝ່າຝືນຖືກລົງໂທດຕາມກົດໝາຍ