ລັດຖະບານ ພວມເລັ່ງພິຈາລະນາຈັດກຸ່ມຜູ້ຕິດເຊື້ອຄືນຕາມອາການສະແດງ ເພື່ອເບິ່ງແຍງປິ່ນປົວທີ່ເໝາະສົມ
ທ່ານ ດຣ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ໄດ້ລາຍງານໃນວັນທີ 8 ພະຈິກ 2021 ນີ້ວ່າ: ປັດຈຸບັນສະພາບການເພີ່ມຂຶ້ນຂອງການແພ່ລະບາດພະຍາດໂຄວິດ-19 ຢູ່ພາຍໃນຊຸມຊົນ ໂດຍສະເພາະຢູ່ໃນຄອບຄົວຕິດເຊື້ອສູງ ສະເລ່ຍຫລາຍກວ່າ 800 ຄົນຕໍ່ວັນ, ສະນັ້ນພັກ-ລັດຖະບານ ມີຄວາມຈໍາເປັນຢ່າງຍິ່ງທີ່ຈະຕ້ອງພິຈາລະນາຈັດກຸ່ມຄົນຕິດເຊື້ອຄືນ ຕາມອາການສະແດງອອກວ່າເປັນປະເພດຕິດເຊື້ອທີ່ບໍ່ມີອາການ ຫລື ມີອາການເບົາບາງ, ມີອາການຮ້າຍແຮງຂັ້ນວິກິດ ເພື່ອຈະໄດ້ກໍານົດນະໂຍບາຍໃນການເບິ່ງແຍງປິ່ນປົວທີ່ເໝາະສົມວ່າກຸ່ມໃດຄວນໄປປິ່ນປົວຢູ່ໂຮງໝໍໂດຍໃຫ້ຄວາມສໍາຄັນຕໍ່ຄົນເຈັບທຸກຄົນ.
ພ້ອມນີ້, ພັກ ແລະ ລັດຖະບານ ມີຄວາມພະຍາມໃນການຄວບຄຸມການຕິດເຊື້ອຢ່າງຈິງຈັງຕັ້ງແຕ່ເລີ່ມການຕິດເຊື້ອໃນຕົ້ນປີ 2020 ຈົນມາຮອດປັດຈຸບັນ. ເຖິງວ່າຕົວເລກຕິດເຊື້ອຍັງບໍ່ຫລາຍ ຖ້າທຽບໃສ່ປະເທດອື່ນ ແຕ່ກໍຈັດວ່າປະເທດພວກເຮົາມີການລະບາດໃນວົງກວ້າງ ຫລາຍຊຸມຊົນ. ສະນັ້ນ ຂໍໃຫ້ທຸກຄົນມີສະຕິ ແລະ ມີການຕຽມການສໍາລັບຄອບຄົວຕົນເອງ.
ສຳລັບແຂວງທີ່ມີລາຍງານການຕິດເຊື້ອສູງເຊັ່ນ: ນະຄອນຫລວງວຽງຈັນ, ຫລວງພະບາງ, ຫລວງນໍ້າທາ, ແຂວງວຽງຈັນ, ແລະ ແຂວງອື່ນໆ.
