ເຈົ້າໜ້າທີ່ນະຄອນຫລວງພວມເລັ່ງຈັບແກ້ງລັກຊັບຕົວອັນຕະລາຍໃນເຂດຕົວເມືອງມາດຳເນີນຄະດີ.

- advert banner 728 90 728x90 - ເຈົ້າໜ້າທີ່ນະຄອນຫລວງພວມເລັ່ງຈັບແກ້ງລັກຊັບຕົວອັນຕະລາຍໃນເຂດຕົວເມືອງມາດຳເນີນຄະດີ.

ເຈົ້າໜ້າທີ່ ປກສ ເມືອງໄຊທານີນະຄອນຫລວງວຽງຈັນ ໃຫ້ຮູ້ວ່າ: ປັດຈຸບັນກຳລັງເຈົ້າໜ້າທີ່ຂອງຕົນເລັ່ງປະສານສົມທົບກັບນະຄອນຫລວງວຽງຈັນ ເພື່ອເລັ່ງຕິດຕາມນຳຈັບກຸ່ມແກ້ງລັກຊັບ ແລະ ຊີງຊັບຕົວອັນຕະລາຍທີ່ເຄື່ອນໄຫວກໍ່ເຫດລັກລົດຈັກ ແລະ ຊີງຊັບຢູ່ໃນເຂດຕົວເມືອງມາແລ້ວຫລາຍຄັ້ງມາດຳເນີນຄະດີໃຫ້ໄດ້ໂດຍໄວ, ພາຍຫລັງມີຜູ້ເສຍຫາຍມາແຈ້ງຄວາມຫລາຍກວ່າ 10 ກໍລະນີແລ້ວ.

- new3 - ເຈົ້າໜ້າທີ່ນະຄອນຫລວງພວມເລັ່ງຈັບແກ້ງລັກຊັບຕົວອັນຕະລາຍໃນເຂດຕົວເມືອງມາດຳເນີນຄະດີ.

ເຈົ້າໜ້າທີ່ ໃຫ້ຂໍ້ມູນວ່າ: ກຸ່ມແກ້ງລັກຊັບດັ່ງກ່າວມີປະມານ 5 ຄົນ, ອາຍຸປະມານ 17 ປີຈາກຕ່າງແຂວງເຂົ້າມາອາໃສ ແລະ ຫລີ້ຊ້ອນຢູ່ນະຄອນຫລວງວຽງຈັນເຄື່ອນໄຫວກໍ່ເຫດລັກລົດ ແລະ ຊີງຊັບຂອງປະຊາຊົນຄື: ເມື່ອບໍ່ດົນມານີ້, ກຸ່ມແກ້ງດັ່ງກ່າວໄດ້ຮ່ວມກັນລັກລົດຈັກຢູ່ເຂດບ້ານດົງໂດກເມືອງໄຊທານີແລ້ວຫລົບໜີ, ໂດຍທີ່ກ້ອງວົງຈອນປິດຈາກຈຸດເກີດເຫດໄດ້ບັນທຶກຮູບພາບຂອງພວກກ່ຽວໄວ້ໄດ້ຄື: ເປັນຊາຍໄວລຸ້ນຂີ່ລົດຮອນດາຄິກໄອສີດຳແດງບໍ່ມີປ້າຍທະບຽນ ແລະ ພັກພວກອີກ 2 ຄົນຂີ່ລົດເວບສີຟ້າບໍ່ມີປ້າຍທະບຽນ, ຊຶ່ງຢາກເຕືອນໃຫ້ສັງຄົມລະວັງ ແລະ ຖ້າຫາກພົບເຫັນຂໍໃຫ້ໂທແຈ້ງເຈົ້າໜ້າທີ່ໄດ້ທີ່ເບີ 030-5020800 ແລະ 020-56221193 ໄດ້ທຸກເວລາ.

ເຈົ້າໜ້າທີ່ ປກສ ໃຫ້ຮູ້ອີກວ່າ: ໃນ 6 ເດືອນຜ່ານມາຢູ່ນະຄອນຫລວງວຽງຈັນມີປະກົດການຫຍໍ້ທໍ້ເກີດຂຶ້ນກວ່າ 2 ພັນເລື່ອງ, ເຈົ້າໜ້າທີ່ສາມາດແກ້ໄຂໄດ້ 1.900 ກວ່າເລື່ອງ, ກັກຜູ້ຕ້ອງຫາມາດຳເນີນຄະດີໄດ້ 1 ພັນກວ່າຄົນ, ສ່ວນໃຫຍ່ຄະດີທີ່ເກີດຂຶ້ນແມ່ນສະພາບລັກຊັບ, ມີລົດຈັກເສຍຫາຍ 300 ກວ່າຄັນ, ລົດໃຫຍ່ 3 ຄັນ ແລະ ຊັບສິນອື່ນໆອີກຈໍານວນຫລາຍ.

- lattana 1 - ເຈົ້າໜ້າທີ່ນະຄອນຫລວງພວມເລັ່ງຈັບແກ້ງລັກຊັບຕົວອັນຕະລາຍໃນເຂດຕົວເມືອງມາດຳເນີນຄະດີ.
error: Content is protected !!