ຄະນະບໍລິຫານງານພັກ ກະຊວງ ພະລັງງານ ແລະ ບໍ່ແຮ່ ຊຸດໃໝ່
ໃນລະຫວ່າງວັນທີ 11-12 ພະຈິກ 2021 ຜ່ານມາ, ກະຊວງ ພະລັງງານ ແລະ ບໍ່ແຮ່ ໄດ້ຈັດກອງປະຊຸມໃຫຍ່ ອົງຄະນະພັກ ກະຊວງ ພະລັງງານ ແລະ ບໍ່ແຮ່ ຄັ້ງທີ III ຂຶ້ນທີ່ ຫໍປະຊູມແຫ່ງຊາດ ນະຄອນຫລວງວຽງຈັນ, ໂດຍການເປັນປະທານຂອງ ສະຫາຍ ປອ ດາວວົງ ພອນແກ້ວ ກໍາມະການສູນກາງພັກ ເລຂາຄະນະພັກ ລັດຖະມົນຕີ ກະຊວງ ພະລັງງານ ແລະ ບໍ່ແຮ່; ມີ ສະຫາຍ ປອ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍຍົກລັດຖະມົນຕີ ໃຫ້ກຽດເຂົ້າຮ່ວມ.
ກອງປະຊຸມ ໄດ້ປ່ອນບັດເລືອກຕັ້ງເອົາ ຄະນະບໍລິຫານງານພັກ ສະໄໝທີ III, ຄະນະປະຈໍາອົງຄະນະພັກ, ເລຂາ ແລະ ຮອງເລຂາ ອົງຄະນະພັກ, ປະທານ ແລະ ຮອງປະທານ ຄະນະກວດກາພັກ ກະຊວງ ພະລັງງານ ແລະ ບໍ່ແຮ່ ດັ່ງນີ້:
ຄະນະບໍລິຫານງານພັກ ກະຊວງ ພະລັງງານ ແລະ ບໍ່ແຮ່ ສະໄໝທີ III
- ສະຫາຍ ປອ ດາວວົງ ພອນແກ້ວ
- ສະຫາຍ ທອງພັດ ອິນທະວົງ
- ສະຫາຍ ນາງ ຈັນສະຫວາດ ບຸບຜາ
- ສະຫາຍ ປອ ສີນາວາ ສຸພານຸວົງ
- ສະຫາຍ ທອງຂັນ ພິມວິໄລ
- ສະຫາຍ ປອ ຈັນສະແຫວງ ບຸນຍົງ
- ສະຫາຍ ເພັດສະຫັວນ ລັດຕະນະທົງໄຊ
- ສະຫາຍ ຄຳຫລ້າ ວິຈິດວົງສາ
- ສະຫາຍ ຈັນທະບູນ ສຸກອາລຸນ
- ສະຫາຍ ສຸຂັນສັກ ສີສຸກ
- ສະຫາຍ ບົວເທບ ມາໄລຄຳ
- ສະຫາຍ ຈັນໂທ ມີລັດຕະນະແພງ
- ສະຫາຍ ສົມພິດ ແກ້ວວິຈິດ
- ສະຫາຍ ຄຳໂສ້ ກຸໂພຄຳ
- ສະຫາຍ ຈັນທະລາ ແກ້ວຫາວົງ
- ສະຫາຍ ປອ ອາຄົມເດດ ວົງໄຊ
- ສະຫາຍ ດວງສີ ພາຣະຍົກ
- ສະຫາຍ ຈັນທະເລດ ວໍລະບຸດ
- ສະຫາຍ ນາງ ແສງເດືອນ ວົງອິນ
ຄະນະປະຈໍາອົງຄະນະພັກ ກະຊວງ ພະລັງງານ ແລະ ບໍ່ແຮ່
- ສະຫາຍ ປອ ດາວວົງ ພອນແກ້ວ
- ສະຫາຍ ທອງພັດ ອິນທະວົງ
- ສະຫາຍ ນາງ ຈັນສະຫວາດ ບຸບຜາ
- ສະຫາຍ ປອ ສີນາວາ ສຸພານຸວົງ
- ສະຫາຍ ທອງຂັນ ພິມວິໄລ
ເລຂາ, ຮອງເລຂາ ອົງຄະນະພັກ ກະຊວງກະຊວງ ພະລັງງານ ແລະ ບໍ່ແຮ່
- ສະຫາຍ ປອ ດາວວົງ ພອນແກ້ວ ເປັນເລຂາ
- ສະຫາຍ ທອງພັດ ອິນທະວົງ ເປັນຮອງເລຂາ
ປະທານ ແລະ ຮອງປະທານຄະນະກວດກາພັກ ກະຊວງ ພະລັງງານ ແລະ ບໍ່ແຮ່
- ສະຫາຍ ນາງ ຈັນສະຫວາດ ບຸບຜາ ປະທານ
- ສະຫາຍ ຄຳຫລ້າ ວິຈິດວົງສາ ຮອງປະທານ
- ສະຫາຍ ຈັນທະເລດ ວໍລະບຸດ ຮອງປະທານ
- ສະຫາຍ ຈັນສົມ ພິລາລົມ ຮອງປະທານ
ໃນກອງປະຊຸມດັ່ງກ່ວ: ສະຫາຍ ປອ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ໄດ້ໂອ້ລົມຕໍ່ ກອງປະ ຊຸມໃຫຍ່ ຄັ້ງທີ III ຂອງ ອົງຄະນະພັກ ກະຊວງ ພະລັງານ ແລະ ບໍ່ແຮ່; ໃນນາມຕາມໜ້າ ກົມການເມືອງສູນກາງພັກ ຄະນະເລຂາທິການສູນກາງພັກ, ສະຫາຍໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສໍາເລັດຂອງ ຂະແໜງການ ພະລັງງານ ແລະ ບໍ່ແຮ່ ທີ່ກາຍເປັນປະຖົມປັດໃຈອັນເປັນພື້ນຖານ ໃນການຈັດຕັ້ງຜັນຂະຫຍາຍ ມະຕິ X ແລະ ມະຕິ XI ຂອງສູນກາງພັກ, ແຜນພັດທະນາເສດຖະກິດ-ສັງຄົມແຫ່ງຊາດ ຢ່າງເປັນຮູບປະທໍາ; ສ້າງເງື່ອນໄຂຕໍ່ ການພັດທະນາຕາມທິດ ຫັນເປັນອຸດສາຫະກໍາ ແລະ ທັນສະໄໝ; ເພື່ອຮັບປະກັນໃຫ້ແກ່ການປະຕິບັດ ໜ້າທີ່ການເມືອງ ສະຫາຍ ໄດ້ຢໍ້າໃຫ້ ຄະນະບໍລິຫານງານພັກ ກະຊວງ ພະລັງງານ ແລະ ບໍ່ແຮ່ ຊຸດໃໝ່ ສືບຕໍ່ຜັນຂະຫຍາຍຜົນສໍາເລັດທີ່ຍາດມາໄດ້ ດ້ວຍການເອົາໃຈໃສ່ເຮັດວຽກງານສຶກສາອົບຮົມ ການເມືອງແນວຄິດໃຫ້ດີກວ່າເກົ່າ, ຈັດຕັ້ງເຊື່ອມຊຶມ ມະຕິ XI ຂອງ ພັກ ແລະ ມະຕິ III ຂອງ ອົງຄະນະພັກ ກະຊວງ ໃຫ້ເຂົ້າສູ່ ຊີວິດຕົວຈິງໃນຖັນແຖວສະມາຊິກພັກ, ພະນັກງານ-ລັດຖະກອນ ແລະ ກໍາມະກອນ ຢ່າງເລິກເຊິ່ງ ແລະ ທົ່ວເຖິງແຕ່ຫົວທີ. ພ້ອມດຽວກັນນັ້ນ ກໍ່ດໍາລົງບົດບາດເປັນຫຼັກແຫຼ່ງ ໃຫ້ກາຍເປັນກໍາລັງແຮງ ສໍາຄັນໃນການປັບປຸງ, ຍົກສູງຄຸນນະພາບການນໍາພາ ຂອງ ຄະນະພັກກະຊວງ ເພື່ອນຳພາການຈັດຕັ້ງ, ຄຸ້ມຄອງວຽກງານຕົວຈິງ ຢ່າງເປັນລະບົບ, ຊອກຮູ້ກໍາແໜ້ນສະພາບແນວຄິດ ຂອງສະມາຊິກພັກ, ພະນັກງານ-ລັດຖະກອນ ແລະ ກຳມະກອນ ໃນແຕ່ລະ ໄລຍະໃຫ້ແໜ້ນ, ປຸກລະດົມນໍ້າໃຈຮັກຊາດຟົດຟື້ນ ປະຕິວັດ, ແກ້ໄຂປະກົດການຫຍໍ້ທໍ້ໃຫ້ທັນການ, ຍົກສູງບົດບາດ ຄວາມສາມາດການນໍາພາຂອງ ພັກ ຢ່າງເປັນຮູບປະທໍາ, ສ້າງ ໜ່ວຍພັກ ປອດໃສ ເຂັ້ມແຂງ ໜັກແໜ້ນ, ເພື່ອປະຕິບັດສໍາເລັດ ວິໄສທັດ ຮອດປີ 2030, ແຜນຍຸດທະສາດ ຮອດປີ 2025 ຂອງ ຂະແໜງການ ພະລັງງານ ແລະ ບໍ່ແຮ່.
