ວັກຊີນ 100.000ໂດສ ຈາກລັດຖະບານອົດສະຕຣາລີ ເຖິງ ສປປ ລາວແລ້ວ
December 20, 2021 - 10:30 AM
ວັນທີ 19 ທັນວາ 2021 ນີ້ ການຂົນສົ່ງ ວັນຊີນ ແອສຕຣາເຊນີກາ 100.000ໂດສ ໃນຈໍານວນ 1.000.000ໂດສ ທີ່ລັດຖະບານອົດສະຕຣາລີ ໃຫ້ການຊ່ວຍເຫລືອ ສປປ ລາວ ໄດ້ມາເຖິງ ສະໜາມບິນສາກົນວັດໄຕ ນະຄອນຫລວງວຽງຈັນ ສ່ວນທີ່ເຫລືອ ຈະນໍາສົ່ງມາອີກໃນໄວໆນີ້, ໂດຍມີທ່ານ ແດນ ເຮວເດິນ (Dan Heldon) ຜູ້ຮັກສາການທູດ ແຫ່ງ ອົດສະຕຣາລີ ປະຈຳ ສປປ ລາວ ແລະ ທ່ານ ດຣ ຈັນຖະໜອມ ມະນີທິບ ຫົວໜ້າຫ້ອງການກະຊວງສາທາລະນະສຸກ ແລະ ພາກສ່ວນກ່ຽວຂ້ອງອອກຕ້ອນຮັບ.
ວັກຊີນຈໍານວນນີ້ແມ່ນໜຶ່ງໃນຈໍານວນ ທີທ່ານ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ອົດສະຕຣາລີ ປະຈຳ ສປປ ລາວ ໄດ້ປະກາດໃຫ້ການຊ່ວຍເຫລືອ ຈຳນວນ 1.000.000 ໂດສໃຫ້ແກ່ ສປປ ລາວ ໃນເດືອນພຶດສະພາຜ່ານມາ.
