ທະນາຄານໂລກຊ່ວຍປັບປຸງວຽກງານຄຸ້ມຄອງຊັບພະຍາກອນນໍ້າຢູ່ລາວເປັນທຶນເພີ່ມເຕີ່ມ 25 ລ້ານໂດລາສະຫະລັດ

- World Bank - ທະນາຄານໂລກຊ່ວຍປັບປຸງວຽກງານຄຸ້ມຄອງຊັບພະຍາກອນນໍ້າຢູ່ລາວເປັນທຶນເພີ່ມເຕີ່ມ 25 ລ້ານໂດລາສະຫະລັດ
- Untitled design - ທະນາຄານໂລກຊ່ວຍປັບປຸງວຽກງານຄຸ້ມຄອງຊັບພະຍາກອນນໍ້າຢູ່ລາວເປັນທຶນເພີ່ມເຕີ່ມ 25 ລ້ານໂດລາສະຫະລັດ

ການທະນາຄານໂລກໄດ້ໃຫ້ທຶນຊ່ວຍເຫລືອ 25 ລ້ານໂດລາສະຫະລັດ ເພື່ອສະໜັບສະໜູນໂຄງການຄຸ້ມຄອງຊັບພະຍາກອນນ້ຳແບບປະສົມປະສານສຳລັບແມ່ນ້ຳຂອງ (MIWRM), ທັງເປັນການສືບຕໍ່ປັບປຸງວຽກງານການຄຸ້ມຄອງຊັບ ພະຍາກອນນ້ຳຢູ່ສປປ ລາວ ເປັນວຽກງານບູລິມະສິດພາຍໃຕ້ການຮ່ວມມືຂອງທະນາຄານໂລກກັບ ສປປ ລາວ ໂດຍມີເປົ້າໝາຍສະໜັບສະໜູນຄຳໜັ້ນສັນຍາຂອງລັດຖະບານຕໍ່ກັບການພັດທະນາສີຂຽວ ແລະ ການຄຸ້ມຄອງນ້ຳແບບຢືນຍົງ, ຊຶ່ງພິທີມອບ-ຮັບການຊ່ວຍເຫລືອຫລ້າດັ່ງກ່າວໄດ້ມີຂຶ້ນໃນວັນທີ 26 ກໍລະກົດ ນີ້ທີ່ນະຄອນຫຼວງວຽງຈັນ, ໃນໂອກາດທີ່ທ່ານນາງ ແອນເລັນ ໂກນສແຕັງ(Ellen Goldstein), ຜູ້ອໍານວຍການໃໝ່ຂອງທະນາຄານໂລກປະຈໍາລາວ, ກໍາປູເຈຍ ແລະ ມຽນມາ, ມາຢ້ຽມຢາມ ສປປ ລາວ ເປັນຄັ້ງທຳອິດ.

ໂຄງການຄຸ້ມຄອງຊັບພະຍາກອນນ້ຳແບບປະສົມປະສານມີເປົ້າໝາຍປັບປຸງ ລະບົບການຄຸ້ມຄອງວຽກງານຊັບພະຍາກອນນ້ຳໃນທົ່ວປະເທດພາຍໃຕ້ການຊີ້ນຳຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ກະ ຊວງກະສິກຳ ແລະ ປ່າໄມ້ ເພື່ອສ້າງຄວາມຢືນຍົງໃຫ້ແກ່ວຽກງານຄຸ້ມຄອງຊົນລະປະທານ, ການປະມົງ, ພະລັງງານໄຟຟ້າ ແລະ ຊັບພະຍາກອນນ້ຳ, ພ້ອມທັງປົກປັກຮັກສາສິ່ງແວດລ້ອມ ແລະ ຫລຸດຜ່ອນຄວາມສ່ຽງຈາກໄພນ້ຳຖ້ວມ ແລະ ໄພແຫ້ງແລ້ງທີ່ເປັນຜົນມາຈາກການປ່ຽນແປງສະພາບດິນຟ້າອາກາດ.   ບາງກິດຈະກຳທີ່ໄດ້ຈັດຕັ້ງປະຕິບັດໃນໄລຍະຜ່ານມາ ລວມມີການຮ່າງລະບຽບການເພື່ອຊ່ວຍໃນການຈັດຕັ້ງປະຕິບັດ ແລະ ຜັນຂະຍາຍກົດໝາຍວ່າດ້ວຍນ້ຳ ແລະ ຊັບພະຍາກອນນ້ຳ, ສ້າງສູນເຕືອນໄພພິບັດແຫ່ງຊາດ ແລະ ຫ້ອງທົດລອງຄຸນນະພາບນ້ຳ ແລະ ການປະເມີນປະລິມານນ້ຳທີ່ມີໃນແຕ່ລະສະພາບອາກາດ ແລະ ຊ່ວຍລັດຖະບານໃນການວາງແຜນສຳລັບວຽກງານຊັບພະຍາກອນນ້ຳ. ໄລຍະທີໜຶ່ງຂອງໂຄງການໄດ້ຮັບອະນຸມັດໃນປີ 2012 ເຊິ່ງໄດ້ສ້າງພື້ນຖານສໍາລັບວຽກງານການຄຸ້ມຄອງຊັບພະຍາກອນນໍ້າແບບປະສົມປະສານ ລວມທັງການຮ່າງກົດໝາຍວ່າດ້ວຍນ້ຳ ແລະ ຊັບພະຍາກອນນ້ຳ, ການສ້າງແຜນຄຸ້ມຄອງອ່າງນ້ຳ, ການສະໜອງນ້ຳຊົນລະປະທານໃນຂອບເຂດເນື້ອທີ່ດິນກວ່າ 14 ພັນເຮັກຕາ, ການປັບປຸງໂຄງລ່າງພື້ນຖານ ເພື່ອຕ້ານໄພນ້ຳຖ້ວມ ແລະ ການລິເລີ່ມຄຸ້ມຄອງປະມົງຂອງຊຸມຊົນ ແລະ ອື່ນໆ.

- Wave100S AD to Website 2020 0 - ທະນາຄານໂລກຊ່ວຍປັບປຸງວຽກງານຄຸ້ມຄອງຊັບພະຍາກອນນໍ້າຢູ່ລາວເປັນທຶນເພີ່ມເຕີ່ມ 25 ລ້ານໂດລາສະຫະລັດ
- WhatsApp Image 2020 05 27 at 5 - ທະນາຄານໂລກຊ່ວຍປັບປຸງວຽກງານຄຸ້ມຄອງຊັບພະຍາກອນນໍ້າຢູ່ລາວເປັນທຶນເພີ່ມເຕີ່ມ 25 ລ້ານໂດລາສະຫະລັດ
- WhatsApp Image 2020 05 27 at 5 - ທະນາຄານໂລກຊ່ວຍປັບປຸງວຽກງານຄຸ້ມຄອງຊັບພະຍາກອນນໍ້າຢູ່ລາວເປັນທຶນເພີ່ມເຕີ່ມ 25 ລ້ານໂດລາສະຫະລັດ
error: Alert: ເນື້ອຫາຂ່າວມີລິຂະສິດ !!