ແຂວງໄຊຍະບູລີ ແກ້ໄຂການນຳເຂົ້າພາຫະນະທີ່ບໍ່ຖືກຕ້ອງໄດ້ຫລາຍພັນຄັນ

ພາສີແຂວງໄຊຍະບູລີ ເລັ່ງຜັນຂະຫຍາຍ ແລະ ຈັດຕັ້ງປະຕິບັດຄໍາສັ່ງເລກທີ 20/ນຍ ລົງວັນທີ 8 ຕຸລາ 2021 ວ່າດ້ວຍການກວດກາ ແລະ ປະຕິບັດມາດຕະການຕໍ່ຜູ້ນໍາເຂົ້າ ແລະ ນໍາໃຊ້ຍານພາຫະນະທຸກປະເພດບໍ່ຖືກຕ້ອງ.

ແຫລ່ງຂ່າວແຂວງໄຊຍະບູລີ ລາຍງານຕື່ມວ່າ: ແຕ່ວັນທີ 25 ຕຸລາ 2021 ຫາ 20 ມັງກອນ 2022 ໄດ້ຂຶ້ນບັນຊີພາຫະນະນຳເຂົ້າທັງໝົດ 3.776 ຄັນ, ໃນນີ້ ລົດໃຫຍ່ 1.144 ຄັນ, ລົດຈັກ 2.632 ຄັນ ແລະ ສາມາດແກ້ໄຂລົດໃຫຍ່ໄດ້ 1.106 ຄັນ, ລົດຈັກ 2.100 ຄັນ. ຈາກນີ້ຈຶ່ງຈັດເກັບລາຍຮັບໄດ້ 30.459 ລ້ານກວ່າກີບ. ໃນນີ້ລາຍຮັບຈາກລົດໃຫຍ່ 28 ຕື້ 42 ລ້ານກວ່າກີບ. ແນວໃດກໍດີປັດຈຸບັນ,ເຈົ້າໜ້າທີ່ຂະແໜງພາສີພວມສືບຕໍ່ແກ້ໄຂລົດທີ່ຍັງຄ້າງ 570 ຄັນ, ໃນນີ້ລົດໃຫຍ່ 38 ຄັນ ແລະ ລົດ ຈັກ 532 ຄັນ ໂດຍຄາດວ່າຈະເກັບລາຍຮັບຄ່າພາສີອາກອນໄດ້ 1.672 ລ້ານກີບ.