ຕໍາຫລວດຊຽງຂວາງຈັບຄົນຮ້າຍສ້າງຄວາມບໍ່ສະຫງົບມາດໍາເນີນຄະດີ

- advert banner 728 90 728x90 - ຕໍາຫລວດຊຽງຂວາງຈັບຄົນຮ້າຍສ້າງຄວາມບໍ່ສະຫງົບມາດໍາເນີນຄະດີ

ທ້າວ ຈົ່ງເລົ່າຢ່າງ ອາຍຸ 50 ປີຢູ່ບ້ານນາຄຳແພງເມືອງແປກແຂວງຊຽງຂວາງ, ຖືກເຈົ້າໜ້າທີ່ ປກສ ແຂວງຈັບຕົວມາດໍາເນີນຄະດີຕາມລະບຽບກົດໝາຍ, ພາຍຫລັງກໍ່ເຫດວາງລະເບີດໃສ່ເຮືອນຫລັງໜຶ່ງຢູ່ບ້ານພູສັນເມືອງແປກເມື່ອເດືອນພຶດສະພາ 2017 ຜ່ານມາ ແລະ ໂຊກດີເຫດການດັ່ງກ່າວບໍ່ມີຜູ້ໄດ້ຮັບບາດເຈັບ ແລະ ເສຍຊີວິດ.
ເຫດການມີຢູ່ວ່າ: ພາຍຫລັງເຈົ້າໜ້າທີ່ໄດ້ຮັບແຈ້ງວ່າເກີດລະເບີດແຕກຢູ່ເຮືອນຫລັງໜຶ່ງຢູ່ບ້ານພູສັນເມືອງແປກ, ຈຶ່ງໄດ້ຈັດກໍາລັງລົງກວດກາສະຖານທີ່ເກີດເຫດພົບວ່າເປັນລະເບີດປະດິດ ແລະ ເຮືອນໄດ້ຮັບຄວາມເສຍຫາຍບາງສ່ວນ ແລະ ໂຊກດີບໍ່ມີຜູ້ໄດ້ຮັບບາດເຈັບ ແລະ ເສຍຊີວິດ, ພ້ອມເກັບກໍາຂໍ້ມູນຫລັກຖານໃນຈຸດເກີດເຫດ ແລະ ສອບຖາມປະຊາຊົນຢູ່ໃກ້ຄຽງເພື່ອກໍານົດເປົ້າໝາຍຕິດຕາມຄົນຮ້າຍ ແລະ ມາຮອດທ້າຍເດືອນກໍລະກົດຜ່ານມາເຈົ້າໜ້າທີ່ກໍສາມາດຈັບຜູ້ກໍ່ເຫດມາດໍາເນີນຄະດີໄດ້ຄື: ທ້າວ ຈົ່ງເລົ່າຢ່າງ ເຊິ່ງເປັນລຸງຂອງທ້າວ ໜໍຈາຈື່ຝີຢ່າງ ແລະ ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວຮັບສາລະພາບວ່າ: ຕົນເປັນຜູ້ລົງມືກໍ່ເຫດແທ້, ໂດຍໄດ້ເອົາໝື້ມາອັດໃສ່ກະປ໋ອງເຫລັກແລ້ວລັກໄປວາງໄວ້ໃນເຮືອນຂອງຫລານຊາຍ ໂດຍໃຊ້ສາຍສະນວນຈູດເພື່ອໃຫ້ລະເບີດ, ຍ້ອນເກີດຄວາມບໍ່ພໍໃຈໃຫ້ຫລານຊາຍຕົນເອງທີ່ອະນຸຍາດໃຫ້ລູກສາວຂອງຕົນແຕ່ງງານກັບຄົນຕ່າງປະເທດໂດຍບໍ່ໄດ້ປືກສາຕົນແຕ່ຢ່າງໃດ ແລະ ພາຍຫລັງກໍ່ເຫດຕົນໄດ້ຫລົບໜີໄປລີ້ຢູ່ສວນສາລີຢູ່ເມືອງຄໍາ ແລະ ຖືກເຈົ້າໜ້າທີ່ຈັບຕົວມາດໍາເນີນຄະດີຕາມລະບຽບກົດໝາຍ.

- 1 1 - ຕໍາຫລວດຊຽງຂວາງຈັບຄົນຮ້າຍສ້າງຄວາມບໍ່ສະຫງົບມາດໍາເນີນຄະດີ
- lattana 1 - ຕໍາຫລວດຊຽງຂວາງຈັບຄົນຮ້າຍສ້າງຄວາມບໍ່ສະຫງົບມາດໍາເນີນຄະດີ
error: Content is protected !!