ປີໃໝ່ນີ້ ຄາດວ່າຈະມີນັກທ່ອງທ່ຽວເຂົ້າເມືອງມໍລະດົກໂລກ ຫລວງພະບາງຫລາຍ​ກວ່າ 5 ແສນຄົນ

- Untitled design - ປີໃໝ່ນີ້ ຄາດວ່າຈະມີນັກທ່ອງທ່ຽວເຂົ້າເມືອງມໍລະດົກໂລກ ຫລວງພະບາງຫລາຍ​ກວ່າ 5 ແສນຄົນ

- Luang Prabang night market 300x169 - ປີໃໝ່ນີ້ ຄາດວ່າຈະມີນັກທ່ອງທ່ຽວເຂົ້າເມືອງມໍລະດົກໂລກ ຫລວງພະບາງຫລາຍ​ກວ່າ 5 ແສນຄົນອໍານາດການປົກຄອງ ແຂວງຫລວງພະບາງ ຄາດຄະເນວ່າ: ສົງການປີໃໝ່ລາວ ປີນີ້ ຈະມີນັກທ່ອງທ່ຽວທັງພາຍໃນ ແລະ ຕ່າງປະເທດປະມານ 5 ແສນກວ່າຄົນ, ເຂົ້າມາທ່ຽວເມືອງມໍລະ ດົກໂລກ, ຂະນະທີ່ສິ່ງອໍານວຍຄວາມສະດວກ (ໂຮງແຮມ ແລະ ເຮືອນພັກ) ປະມານ 408 ແຫ່ງ ສາ ມາດຮອງຮັບຈໍານວນທ່ອງທ່ຽວໄດ້ຢ່າງພຽງພໍ.

ພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແຂວງ ຫລວງພະບາງ ໄດ້ເປີດເຜີຍຕໍ່ນັກຂ່າວ ສໍານັກຂ່າວສານປະເທດລາວ ​ເມື່ອ​ທ້າຍ​ອາທິດ​ຜ່ານ​ມາ​ນີ້​ວ່າ: ການສະຫລອງສົງການນີ້ຢູ່ ແຂວງຫລວງພະບາງ ຈະເລີ່ມແຕ່ວັນທີ 10-19 ເມສາ 2017 ໃນນັ້ນ ວັນທີ 10 ເມສາ ຈະເປີດງານຕະ ຫລາດນັດ, ວັນທີ 11-12 ຈະປະກວດຄັດເລືອກນາງສັງຂານ, ວັນທີ 15 ຈະຈັດພິທີແຫ່ນາງສັງຂານ ແລະ ວັນທີ 19 ແມ່ນກິດຈະກໍາປິ່ນອ້ອມອື່ນໆ. ແຕ່ປີນີ້ ຈະເປັນງານໃຫຍ່ກວ່າປີຜ່ານມາ ເພາະວ່າທາງແຂວງ ຈະຈັດກ້ອນກໍາລັງແຫ່ປ້າຍໂຄສະນາຕ້ອນຮັບປີທ່ອງທ່ຽວ 2018 ເຊິ່ງຈະມີແຂກທັງພາຍໃນ ແລະ ຕ່າງປະເທດຄາດ​ວ່າຈະ​ມີ​ຜູ້ເຂົ້າຮ່ວມຈໍານວນຫລາຍທີ່ສຸດ,

ສ່ວນສິ່ງຮອງຮັບສໍາລັບປີໃໝ່ລາວ ປີນີ້, ທາງອໍານາດການປົກຄອງແຂວງໄດ້ກະກຽມສິ່ງອໍານາດຄວາມສະດວກ​ເຊັ່ນ: ຮ້ານອາຫານ, ໂຮງແຮມ, ເຮືອນພັກ, ສະຖານທີ່ທ່ອງທ່ຽວ ແລະ ຄວາມປອດໄພສໍາເລັດຮຽບຮ້ອຍແລ້ວ ໃນນັ້ນ ມີໂຮງແຮມ ແລະ ເຮືອນພັກທັງໝົດ 408 ແຫ່ງ. ແນວໃດກໍດີ ປັດຈຸບັນ ສໍາລັບໂຮງແຮມ ແລະ ເຮືອນພັກ ມີລາຄາຕໍ່າກວ່າ 100 ໂດລາສະຫະລັດ ຕໍ່ຫ້ອງຕໍ່ຄືນ ມີນັກທ່ອງທ່ຽວ ​ໄດ້ຈ່ອງເຕັມໝົດແລ້ວ, ຄາດວ່າໂຮງແຮມ ແລະ ເຮືອນພັກລາຄາໃນລະດັບປານກາງ ແລະ ສູງ (100ໂດລາຂຶ້ນໄປ) ​ແມ່ນມີພຽງພໍສໍາລັບນັກທ່ອງທ່ຽວ.

- Wave100S AD to Website 2020 0 - ປີໃໝ່ນີ້ ຄາດວ່າຈະມີນັກທ່ອງທ່ຽວເຂົ້າເມືອງມໍລະດົກໂລກ ຫລວງພະບາງຫລາຍ​ກວ່າ 5 ແສນຄົນ
- WhatsApp Image 2020 05 27 at 5 - ປີໃໝ່ນີ້ ຄາດວ່າຈະມີນັກທ່ອງທ່ຽວເຂົ້າເມືອງມໍລະດົກໂລກ ຫລວງພະບາງຫລາຍ​ກວ່າ 5 ແສນຄົນ
- WhatsApp Image 2020 05 27 at 5 - ປີໃໝ່ນີ້ ຄາດວ່າຈະມີນັກທ່ອງທ່ຽວເຂົ້າເມືອງມໍລະດົກໂລກ ຫລວງພະບາງຫລາຍ​ກວ່າ 5 ແສນຄົນ
error: Alert: ເນື້ອຫາຂ່າວມີລິຂະສິດ !!