ຂໍໃຫ້ມີສະຕິຕ້ານພະຍາດລະດູຝົນ

- advert banner 728 90 728x90 - ຂໍໃຫ້ມີສະຕິຕ້ານພະຍາດລະດູຝົນ

ໂດຍ: ທ່ຽງ​ທຳ

​ເພ່ືອນ​ຜູ້​ອ່ານ​ທີ່​ຮັກ​ແພງ, ປັດຈຸບັນ​ເຖິງ​ວ່າ​ຍັງ​ບໍ່​ມີ​ການລະບາດ​ຂອງ​ພະຍາດ​ທີ່​ຮ້າຍ​ແຮງ​ໃດ​ກໍ​ຕາມ, ​ແຕ່​ດີ​ທີ່​ສຸດ​ຂະ​ແໜງ​ການ​ກ່ຽວຂ້ອງ ກໍ​ຈະ​ຕ້ອງ​ໄດ້​ເພີ່ມ​ທະວີ​ຄວາມ​ຮັບຜິດຊອບ​ຂອງ​ຕົນ​ຕໍ່​ກັບ​ການ​ຕ້ານ​ພະຍາດ​ທີ່​ມັກ​ເກີດ​ຂຶ້ນ​ໃນ​ລະດູຝົນ ​ໂດຍ​ທົ່ວ​ໄປ​ກໍ​ແມ່ນ​ພະຍາດ​ໄຂ້​ເລືອດ​ອອກ​ທີ່​ມັກ​ລະບາດ​ຂຶ້ນ​ໃນ​ໄລຍະ​ລະດູ​ນີ້ ​ເຊິ່ງ​ເປັນ​ໄລຍະ​ທີ່​ເອື້ອອຳນວຍ​ໃຫ້​ແກ່​ການ​ແຜ່ພັນ​ຂອງ​ຍຸງ​ລາຍ ​ເຊິ່ງ​ເປັນ​ຕົວ​ນຳ​ເຊື້ອຂອງ​ພະຍາດ​ດັ່ງກ່າວ ​ແລະ ປັດຈຸບັນ​ຢູ່​ຫລາຍ​ທ້ອງ​ຖິ່ນ​ກໍ​ເກີດ​ມີ​ຜູ້​ຕິດ​ເຊື້ອ​ໄຂ້​ເລືອດ​ອອກ​ແລ້ວ​ເປັນ​ຈຳນວນ​ຫລາຍ​ພັນ​ກໍລະນີ ​ແລະ ມີ​ຜູ້​ເສຍ​ຊີວິດ​ຫລາຍ​ເຖິງ 7 ຄົນ, ​ໃນ​ນັ້ນຮ້າຍ​ແຮງ​ກວ່າ​ໝູ່​ແມ່ນ​ຢູ່​ນະຄອນຫລວງ​ວຽງ​ຈັນ. ດັ່ງນັ້ນ ການ​ປຸກລະດົມ​ຂະ​ບວນການ​ອະນາ​ໄມ​ສິ່ງ​ແວດ​ລ້ອມ, ​ເຮືອນ​ຊານ​ບ້ານ​ຊ່ອງ ຈຶ່ງ​ເປັນ​ມາດ​ຕະການ​ດີ​ທີ່​ສຸດ​ໃນ​ການ​ກຳຈັດ​ກະ​ໂປະ​ກະປ໋ອງບ່ອນ​ນ້ຳອັ່ງ​ຂັງ, ຕະຄອງ​ຮ່ອງນ້ຳອັນ​ເປັນ​ຈຸດ​ແຜ່ພັນ​ຂອງ​ຍຸງ​ລາຍ​ໃຫ້​ໝົດ​ໄປ ​ແລະ ບ່ອນ​ໃດ​ຄຸ້ມ​ບ້ານ​ໃດ​ເຫັນ​ວ່າ​ມີ​ຜູ້​ຕິດ​ເຊື້ອ ຫລື ມີ​ຄວາມ​ສ່ຽງ​ສູງ​ຕໍ່​ການລະບາດ​ຂອງ​ໄຂ້​ເລືອດ​ອອກ, ພາກສ່ວນ​ກ່ຽວຂ້ອງ​ກໍ​ຄວນ​ເອົາ​ໃຈ​ໃສ່​ສີດ​ຢາ​ພົ່ນ​ຢາຂ້າ​ຍຸງ​ລາຍ​ໃຫ້​ທົ່ວ​ເຖິງ ​ແລະ ອີກ​ບັນຫາ​ສຳຄັນ​ໜຶ່ງ​ແມ່ນ​ຕ້ອງ​ອອກ​ແຮງ​ເຮັດ​ວຽກ​ງານ​ໂຄສະນາ​ສຸຂະ​ສຶກສາ​ເພື່ອ​ໃຫ້​ປະຊາຊົນ​​ເຮົາ​ຮູ້ ​ແລະ ​ເອົາ​ໃຈ​ໃສ່​ປະຕິບັດ​ຄຳ​ຂວັນ 5 ປ ຕ້ານ​ໄຂ້​ເລືອດ​ອອກ​ທີ່​ຂະ​ແໜງ​ສາທາລະນະ​ສຸກ​ໃຫ້​ມີ​ປະສິດທິ​ຜົນ.

- Tiger Head 728x90 - ຂໍໃຫ້ມີສະຕິຕ້ານພະຍາດລະດູຝົນ
- 1 1 - ຂໍໃຫ້ມີສະຕິຕ້ານພະຍາດລະດູຝົນ

ສ່ວນ​ຢູ່​ເຂດ​ທີ່​ເກີດ​ສະພາບ​ນ້ຳຖ້ວມ ຂະ​ແໜງ​ກ່ຽວຂ້ອງ​ກໍ​ຈະ​ຕ້ອງ​ໄດ້​ເອົາ​ໃຈ​ໃສ່​ລົງ​ໃກ້ຊິດຕິດ​ແທດ​ກັບ​ປະຊາຊົນ ​ເພື່ອ​ຊ່ວຍ​ເຂົາ​ເຈົ້າມີ​ສະຕິ​ປ້ອງ​ກັນ ​ແລະ ສະກັດ​ກັ້ນພະຍາດ​ຕ່າງໆ​ທີ່​ມັກ​ລະບາດ​ຂຶ້ນຫລັງ​ນ້ຳຖ້ວມ​ເຊັ່ນ: ພະຍາດ​ຕາ​ແດງ, ຖອກທ້ອງ, ອະຫິວາ ຫລື ຕີ​ນມື​ເປື່ອຍ ອັນ​ເນື່ອງ​ມາ​ຈາກ​ໃນ​ໄລຍະ​ນີ້​ມັກ​ຈະ​ມີ​ຊາກ​ສັດ​ຕາຍ, ສິ່ງ​ເປິະ​ເປື້ອນຕ່າງໆ​ທີ່​ພັດ​ມາ​ນຳ​ກະ​ແສນ້ຳນັ້ນ ສົ່ງ​ຜົນ​ໃຫ້​ເກີດ​ມົນ​ລະ​ພິດ. ດັ່ງນັ້ນ ຂະ​ແໜງ​ກ່ຽວຂ້ອງ​ກໍ​ຈະ​ຕ້ອງ​ໄດ້​ເອົາ​ໃຈ​ໃສ່​ຕື່ມ​ອີກ​ໃນ​ການ​​ເຮັດ​ວຽກ​ງານ​ໂຄສະນາ​ສຸຂະ​ອະນາ​ໄມ​ໃຫ້​ປະຊາຊົນ​ເຂດ​ຊົນນະບົດ​ຮູ້​ປະຕິບັດ​ຕາມ ​ໂດຍ​ສະ​ເພາະ​ອະນາ​ໄມ 3 ສະອາດ​ ຄື​ກິນ, ດື່ມ ​ແລະ ນຸ່ງ​ຫົ່ມ​ໃຫ້​ສະອາດ.

error: Content is protected !!