GDP ອິນໂດເນເຊຍໄຕມາດ 2 ປີ 2017 ເຕີບໃຫຍ່ໜ້ອຍກວ່າການຄາດຄະເນ

- advert banner 728 90 728x90 - GDP ອິນໂດເນເຊຍໄຕມາດ 2 ປີ 2017  ເຕີບໃຫຍ່ໜ້ອຍກວ່າການຄາດຄະເນ

- 1502090270990 960x0 - GDP ອິນໂດເນເຊຍໄຕມາດ 2 ປີ 2017  ເຕີບໃຫຍ່ໜ້ອຍກວ່າການຄາດຄະເນ

- new3 - GDP ອິນໂດເນເຊຍໄຕມາດ 2 ປີ 2017  ເຕີບໃຫຍ່ໜ້ອຍກວ່າການຄາດຄະເນ

ລວມຍອດ​ຜະລິດ​ຕະພັນ​ພາຍ​ໃນຂອງ​ອິນ​ໂດ​ເນ​ເຊຍ​ຂະຫຍາຍຕົວ 5,01% ​ໃນ​ໄຕ​ມາດ​ທີ 2 ຂອງ​ປີ​ນີ້ ໜ້ອຍ​ກວ່າ​ທີ່​ຫລາຍ​ຝ່າຍຄາດ​ຄະ​ເນ​ໄວ້ ​ເຊິ່ງ​ເປັນ​ຜົນ​ມາ​ຈາກ​ການ​ບໍລິ​ໂພ​ກພາກ​ຄົວ​ເຮືອນ​ຫລຸດ​ລົງ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ຈາ​ກາ​ຕາ ປະ​ເທດ​ອິນ​ໂດ​ເນ​ເຊຍ ​ໃນ​ວັນ​ທີ 7 ສິງຫາ​ນີ້​ວ່າ: ສຳນັກງານ​ສະຖິຕິ​ແຫ່ງ​ຊາດ​ຂອງ​ອິນ​ໂດ​ເນ​ເຊຍ​ລາຍ​ງານ​ຕົວ​ເລກ​ທາງ​ເສດຖະກິດ​ຂອງ​ປະ​ເທດ​ໃນ​ໄຕ​ມາດ​ທີ 2 ຂອງ​ປີ​ນີ້​ວ່າ: ລວມຍອດ​ຜະລິດ​ຕະພັນ​ພາຍ​ໃນ (GDP) ຂະຫຍາຍຕົວ 5,01% ​ເທົ່າ​ກັບ​ໄລຍະ​ເວລາ​ດຽວ​ກັນ​ຂອງ​ປີຜ່ານມາ, ​ແຕ່​ຕໍ່າ​ກວ່າ​ເປົ້າໝາຍ​ຂອງ​ລັດຖະບານ ​ເຊິ່ງຄາດ​ຄະ​ເນ​ໄວ້ 5,2%.

- 82475772 71506011 - GDP ອິນໂດເນເຊຍໄຕມາດ 2 ປີ 2017  ເຕີບໃຫຍ່ໜ້ອຍກວ່າການຄາດຄະເນ

- lattana 1 - GDP ອິນໂດເນເຊຍໄຕມາດ 2 ປີ 2017  ເຕີບໃຫຍ່ໜ້ອຍກວ່າການຄາດຄະເນ

ທັງ​ນີ້, ການ​ບໍລິ​ໂພ​ກພາກ​ຄົວ​ເຮືອນ​ຍັງ​ເປັນ​ກົນ​ໄກ​ສຳຄັນ​ໃນ​ການ​ຂັບ​ເຄື່ອນ​ເສດຖະກິດ​ຂອງ​ອິນ​ໂດ​ເນ​ເຊຍ ​ໂດຍ​ສະຖິຕິ​ໃນ​ໄຕ​ມາດ​ທີ 2 ມີ​ການ​ຂະຫຍາຍຕົວ​ຕໍ່​ປີ​ໃນ​ລະດັບ 4,95%, ​ແຕ່​ຫລຸດ​ລົງ​ຈາກ​ໄລຍະ​ເວລາ​ດຽວ​ກັນ​ຂອງ​ປີຜ່ານມາ ​ເຊິ່ງຂະຫຍາຍຕົວ​ໃນ​ລະດັບ 5,07%. ຂະນະ​ທີ່​ມູນ​ຄ່າ​ການ​ສົ່ງ​ອອກ​ຫລຸດ​ລົງ ​ເຊິ່ງ​ເປັນ​ຜົນ​ມາ​ຈາກ​ກຳລັງ​ການ​ຜະລິດ​ພາຍ​ໃນ​ປະ​ເທດ​ຊ້າ​ລົງ ​ແລະ ຄວາມ​ຕ້ອງການ​ສິນຄ້າ​ຈາກ​ຕ່າງປະ​ເທດ​ຫລຸດ​ລົງ.

ນັກ​ວິ​ເຄາະ​ກ່າວ​ວ່າ: ສະຖານະ​ການ​ທາງ​ເສດຖະກິດ​ຂອງ​ອິນ​ໂດ​ເນ​ເຊຍ​ໃນ​ໄຕ​ມາດ​ທີ 2 ຖື​ເປັນ​ຜົນງານ​ທີ່​ໜ້າ​ຜິດ​ຫວັງ​ຂອງ​ປະທານາທິບໍດີ ​​ໂຈ​ໂກ ວິ​ໂດ​ໂດ ​ເຊິ່ງຮັບ​ຕຳ​ແໜ່​ງ​ໃນ​ປີ 2014 ​ແລະ ປະກາດ​ເປົ້າໝາຍ​ປະ​ຕິ​ຮູບ​ເສດຖະກິດ​ຂອງ​ປະ​ເທດ ​ເຊິ່ງມີ​ຂະໜາດ​ໃຫຍ່​ທີ່​ສຸດ​ໃນ​ອາຊີ​ຕາ​ເວັນ​ອອກສຽງ​ໃຕ້​ໃຫ້​ຂະຫຍາຍຕົວ​ໃນ​ລະດັບ 7,0%.

error: Content is protected !!