ປະທານສະພາແຫ່ງຊາດ ຕ້ອນຮັບການເຂົ້າຢ້ຽມ ຂໍ່ານັບຂອງຄະນະຜູ້ແທນຂັ້ນສູງ ສສ ຫວຽດນາມ

ການພົບປະຄັ້ງນີ້ ເປັນໂອກາດອັນດີໃຫ້ແກ່ທັງສອງຝ່າຍໄດ້ພົບປະ ແລະ ແລກປ່ຽນຄຳຄິດຄຳເຫັນນຳກັນ ໃນໂອກາດທີ່ສອງປະເທດ ພວມສະເຫລີມສະຫລອງປີສາມັກຄີມິດ ຕະພາບ ແລະ ເພື່ອເປັນການປະກອບສ່ວນ ເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ການພົວພັນປະສານງານລະຫວ່າງ ສະພາແຫ່ງຊາດລາວ ແລະ ນະຄອນຫລວງຮ່າໂນ້ຍ ໃຫ້ນັບມື້ເຂົ້າສູ່ລວງເລິກ ແລະ ເກີດດອກອອກຜົນຍິ່ງຂຶ້ນ.

ໂອກາດນີ້, ສະຫາຍ ໄຊສົມພອນ ພົມວິຫານ ກໍໄດ້ສະແດງຄວາມຕ້ອນຮັບຢ່າງອົບອຸ່ນ ພ້ອມຕີລາຄາສູງຕໍ່ການມາຢ້ຽມຢາມຂອງ ຄະນະຜູ້ແທນຂັ້ນສູງຂອງນະຄອນຫລວງຮ່າໂນ້ຍ ສສ ຫວຽດນາມ ເຊິ່ງເປັນການເສີມຂະຫຍາຍສາຍພົວພັນການຮ່ວມມືຮອບດ້ານ ທັງເປັນການຮັດແໜ້ນຄວາມສາມັກຄີຮັກແພງ ໃຫ້ການຊ່ວຍເຫລືອເຊິ່ງກັນ ແລະ ກັນ ລະ ຫວ່າງ ສອງພັກ-ສອງລັດ ກໍຄື ປະຊາຊົນສອງຊາດລາວ-ຫວຽດນາມອ້າຍນ້ອງທີ່ມີມາແຕ່ດົນນານໃຫ້ນັບມື້ແໜ້ນແຟ້ນຍິ່ງໆຂຶ້ນ.

ພ້ອມກັນນີ້, ສະຫາຍ ດິ່ງ ຕຽນ ຢຸງ ໄດ້ສະແດງຄວາມຂອບໃຈຕໍ່ ປະທານສະພາແຫ່ງຊາດ ແຫ່ງ ສປປ ລາວ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງໄດ້ລາຍງານໃຫ້ຮູ້ກ່ຽວກັບຈຸດປະສົງຂອງການມາຢ້ຽມຢາມ ສປປ ລາວ ກໍຄື ນະຄອນຫລວງວຽງຈັນ ໃນຄັ້ງນີ້ ແລະ ຍັງໄດ້ລາຍງານກ່ຽວກັບຜົນສໍາເລັດຂອງການເຮັດວຽກຮ່ວມກັບອົງການປົກ ຄອງນະຄອນຫລວງວຽງຈັນ ໂດຍສະເພາະຜົນສໍາເລັດຂອງການພົບປະ ລະຫວ່າງສອງນະຄອນ ແລະ ຜົນຂອງການຮ່ວມມື ລະຫວ່າງອົງຄະນະພັກນະຄອນຫລວງວຽງຈັນ ແລະ ນະຄອນຫລວງຮ່າໂນ້ຍໄລຍະປີ 2022-2025 ຕື່ມອີກ.