ແມນ ຢູໄນເຕັດ ບັນລຸຂໍ້ຕົກລົງດຶງ ເທນ ຮາກ ຄຸມທີມກຽມປະກາດກາງເດືອນນີ້

ດິ ແອັດເລຕິກ ລາຍງານວ່າ ແມນເຊສເຕີ ຢູໄນເຕັດ ທີມດັງຈາກ ພຣີເມຍລີກ ອັງກິດ ບັນລຸຂໍ້ຕົກລົງໃນການດຶງ ເອຣິກ ເທນ ຮາກ ມານັ່ງຕຳແຫນ່ງຜູ້ຈັດການທີມຄົນໃຫມ່ແລ້ວ.

ລາຍງານລະບຸວ່າ ທັງສອງຝ່າຍໄດ້ມີການບັນລຸຂໍ້ຕົກລົງກັນຮຽບຮ້ອຍແລ້ວ ແລະ ຄາດວ່າ ເອຣິກ ເທນ ຮາກ ຈະມາເຮັດວຽກກັບ ແມນຢູ ດ້ວຍສັນຍາ 4 ປີ.

ແນວໃດກໍຕາມ ຂະນະນີ້ ແມນຢູ ຍັງຄົງຕ້ອງຈັດການເລື່ອງລາຍລະອຽດໃນຂັ້ນສຸດທ້າຍ ລວມເຖິງຂັ້ນຕອນເອກະສານຕ່າງໆເພື່ອໃຫ້ສຳເລັດຢ່າງເປັນທາງການ ແລະ ຍັງຕ້ອງບັນລຸຂໍ້ຕົກລົງກັບທາງສະໂມສອນຕົ້ນສັງກັດຂອງຜູ້ຈັດການທີມຄົນນີ້ ຄື ອາແຈັກ ອຳເຕີດຳ ນຳອີກ.

ທັງນີ້ ລາຍງານລະບຸວ່າຈະຍັງບໍ່ມີການຂຽນຂໍ້ຕົກລົງ ຫລື ປະກາດຢ່າງເປັນທາງການຈົນກວ່າຈະຜ່ານການແຂ່ງຂັນ ດັດຄັບ ທີ່ອາແຈັກ ຈະພົບກັບ ພີເອສວີ ໄອໂຮເຟັນ ໃນວັນທີ 17 ເມສານີ້.