ໄລຊິກ ຄວ້າແຊ໊ມ ເອເອຟເບ ໂພຄາລ ເປັນປະຫວັດສາດສະໂມສອນ ຫລັງຊະນະລູກໂທດໄຟບວກ

ໄລຊິກ ຄວ້າແຊ໊ເອເອຟເອ ໂພຄາລ ເປັນຂັນໃຫຍ່ລາຍການທຳອິດໃນປະຫວັດສາດສະໂມສອນ ຫລັງແຂ່ງຂັນຍາວນານເຖິງ 120 ນາທີ ແລ້ວຊະນະລູກໂທດໄດ້.

ການແຂ່ງຂັນບານເຕະ ເດເອຟເບ ໂພຄາລ ຮອບຊີງຊະນະເລີດ ທີ່ສະຫນາມໂອລິມເປຍ ສະຕາດິໂອນ  ໃນນະຄອນຫລວງເບີລິນ ປະເທດເຢຍລະມັນ ເມື່ອວັນເສົາທີ 21 ພຶດສະພາທີ່ຜ່ານມາ ແອເບ ໄລຊິກ ພົບກັບ ໄຟບວກ ໂດຍເກມນີ້ ໄຟບວກ ໄດ້ປະຕູຂຶ້ນນຳກ່ອນ 1-0 ໃນນາທີທີ 19 ຈາກການຍິງຂອງ ມັກຊິ ມິລຽນ ເອກເກນສະໄຕ ນາທີ 19 ກ່ອນຈົບເຄິ່ງເວລາທຳອິດດ້ວຍປະຕູດັ່ງກ່າວ.

ເຂົ້າສູ່ເຄິ່ງເວລາທີສອງ ສະຖານະການຂອງ ໄລຊິກ ຍິ່ງຕົກຕຳ່ລົງອີກ ເມື່ອ ມາເຊລ ອັນເທນແບກ ຖືກໃບແດງໄລ່ອອກຈາກສະຫນາມໃນນາທີທີ 57 ແຕ່ເຖິງນາທີທີ 76 ພວກເຂົາຕີສະເຫມີເປັນ 1-1 ຕ້ອງຕໍ່ເວລາພິເສດອີກ 30 ນາທີ ປາກົດວ່າ 120 ນາທີກໍຍັງຍິງເພີ່ມບໍ່ໄດ້ ຕ້ອງຍິງລູກໂທດຕັດສິນ ແລະເປັນໄລຊິກ ທີ່ຍິງແມ໊ນກວ່າ ເອົາຊະນະໄປ 4-2 ຄວ້າແຊ໊ມຂັນນີ້ໄປຄອງໄດ້ສຳເລັດເປັນຄັ້ງທຳອິດໃນປະຫວັດສາດສະໂມສອນ.