ແມນຢູເອົາແທ້ລ່າ ຕໍເຣສ ເສີມຫລັງລະດູການນີ້

ເປີດສະຖິຕິການຫລິ້ນຂອງ ເປາ ຕໍເຣສ ກອງຫລັງ ບີຢາຣຽວ ໃນລະດູການທີ່ຜ່ານມາ ຫລັງແມນເຊສເຕີ ຢູໄນເຕັດ ພ້ອມດຶງມາເສີມກອງຫລັງ ແລະມີຂ່າວໂຕແທນກຽມເດີນທາງມາອັງກິດໃນອາທິດນີ້.

ເອຣິກ ເທນ ຮາກ ຜູ້ຈັດການທີມຄົນໃຫມ່ຂອງ ແມນເຊສເຕີ ຢູໄນເຕັດ ອະນຸມັດໃຫ້ທີມເດີນຫນ້າຄວ້າ ເປົາ ຕໍເຣສ ກອງຫລັງ ບີຢາຣຽວ ເຂົ້າມາເສີມທີມໃນລະດູການນີ້ ເພື່ອຊ່ວຍອັດຮອຍຮົ່ວ ແລະ ເຮັດໃຫ້ ແມນຢູ ມີເກມຮັບທີ່ແຂງແກ່ນຂຶ້ນ ຕາມລາຍງານຈາກ ເອັກເພຣສ ສື່ໃນອັງກິດ ເມື່ອວັນພຸດທີ່ 25 ພຶດສະພາທີ່ຜ່ານມາ.

ຜູ້ຈັດການທີມຊາວຮອນແລນ ຊື່ນຊົມໃນສີີຕີນຂອງກອງຫລັງທີມຊາດສະເປນ ອາຍຸ 25 ປີ ເປັນຢ່າງຫລາຍ ຂະນະທີ່ສື່ອັງກິດຫລາຍສະບັບລາຍງານກົງກັນວ່າ ໂຕແທນຂອງ ຕໍເຣສ ກຽມຕົວບິນມາຍັງປະເທດອັງກິດໃນອາທິດນີ້ ເພື່ອເຈລະຈາກັບ ແມນຢູ ເຖິງການຍ້າຍມາເຂົ້າຖິ່ນ ໂອນ ແທຣບຟອດ ໃນລະດູການນີ້.

ນອກຈາກນັ້ນ ຍັງມີລາຍງານວ່າ ແມນຢູ ພ້ອມຈ່າຍຄ່າຕົວຂອງ ຕໍເຣສ ທີ່ຈຳນວນ 45 ລ້ານປອນ ຂະນະທີ່ຄ່າຈີກສັນຍາຢູ່ທີ 55 ລ້ານປອນ ລວມທັງພ້ອມຂາຍ ວິກຕໍ ລິນເດີເລີບ ກອງຫລັງທີມສະວີເດັນ ເພື່ອນຳເງິນມາສົມທົບທຶນເສີມທີມນຳອີກ.