ລາວສະ​ເຫລີ​ມສະຫລອງ​ວັນສ້າງຕັ້ັ້ງອາຊຽນ​ຄົບຮອບ 50 ​ປີ

ລາວສະ​ເຫລີ​ມສະຫລອງ​ວັນສ້າງຕັ້ັ້ງອາຊຽນ​ຄົບຮອບ 50 ​ປີ - advert banner 728 90 728x90 - ລາວສະ​ເຫລີ​ມສະຫລອງ​ວັນສ້າງຕັ້ັ້ງອາຊຽນ​ຄົບຮອບ 50 ​ປີ

ພິທີຊັກ​ທຸງຂຶ້ນ​ເສົາ​ເນື່ອງ​ໃນ​ໂອກາດ​ສະ​ເຫລີ​ມສະຫລອງ​ວັນ​ສ້າງຕັ້ງອາຊຽນ ຄົບຮອບ 50 ປີ ​ແລະ ​ຄົບຮອບ 20 ປີທີ່ ​ສປປ ລາວ ​ເຂົ້າ​ເປັນ​ສະມາຊິກ​ອາ​ຊຽນ​ໄດ້​ຈັດ​ຂຶ້ນ​ໃນ​ວັນ​ທີ 11 ສິງຫາ​ນີ້ຢູ່ນະຄອນຫລວງ​ວຽງຈັນ, ​ໂດຍ​ການ​ເປັນ​ປະທານຂອງທ່ານ ສະ​ເຫລີ​ມ​ໄຊ ກົມ​ມະ​ສິດ ລັດຖະມົນຕີ​ກະຊວງ​ການ​ຕ່າງປະ​ເທດ, ມີ​ບັນດາ​ລັດຖະມົນຕີ​ຮັບຜິດຊອບ 3 ​ເສົາຄ້ຳປະ​ຊາ​ຄົມ​ອາ​ຊຽນ, ທູຕານຸທູດ, ອົງການຈັດຕັ້ງສາກົນ ແລະ ພາກສ່ວນກ່ຽວຂ້ອງເຂົ້າຮ່ວມເປັນຈໍານວນຫລາຍ.

ລາວສະ​ເຫລີ​ມສະຫລອງ​ວັນສ້າງຕັ້ັ້ງອາຊຽນ​ຄົບຮອບ 50 ​ປີ - new3 - ລາວສະ​ເຫລີ​ມສະຫລອງ​ວັນສ້າງຕັ້ັ້ງອາຊຽນ​ຄົບຮອບ 50 ​ປີ

ທ່ານລັດຖະມົນຕີກະຊວງການຕ່າງປະເທດ ​ກ່າວ​ວ່າ: ພິທີຊັກ​ທຸງຊາດ​ລາວ ​ແລະ ທຸງ​ອາ​ຊຽນຂຶ້ນເສົານີ້ ​ແມ່ນ​ໜຶ່ງ​ໃນ​ບັນດາ​ກິດຈະກຳ​ເພື່ອ​ລະນຶກ​ເຖິງ​ວັນ​ທີ່​ມີ​ຄວາມ​ໝາຍ​ສຳຄັນທາງ​ດ້ານ​ປະຫວັດສາດ​ຂອງ​ການ​ສ້າງຕັ້ງອາຊຽນ​ໃນ​ປີ 1967 ​ແລະ ວັນ​ເຂົ້າ​ເປັນ​ສະມາຊິກອາ​ຊຽນຂອງ ສປປ ລາວ ​ໃນ​ປີ 1997, ​ຕະຫລອດ​ໄລຍະ 50 ປີຜ່ານ​ມາ, ອາ​ຊຽນ​ໄດ້​ເຕີບ​ໃຫຍ່​ຂະຫຍາຍຕົວ​ຂຶ້ນເທື່ອ​ລະ​ກ້າວ ກາຍ​ເປັນ​ອົງການ​ຈັດຕັ້ງພາກ​ພື້ນລະຫວ່າງລັດຖະບານ​ທີ່​ມີ​ຜົນສຳ​ເລັດ, ​ເປັນ​ທີ່​ຮັບ​ຮູ້ ​ແລະ ຍອມ​ຮັບຂອງ​ວົງ​ຄະນະ​ຍາດ​ສາກົນ, ສຳຄັນອາ​ຊຽນ​ໄດ້​ກາຍ​ເປັນ​ປະຊາ​ຄົມ​ອາ​ຊຽນ​ໃນ​ທ້າຍ​ປີ 2015 ​ເຊິ່ງ ສປປ ລາວ ກໍ​ໄດ້​ປະກອບສ່ວນ​ຢ່າງ​ຫ້າວຫັນ​ໃນ​ຂະ​ບວນການ​ສ້າງ​ປະຊາ​ຄົມ​ອາ​ຊຽນດັ່ງກ່າວ​ໃນ​ໄລ​ຍະ 2 ທົດ​ສະຫວັດ​ຜ່າ​ນມາ, ອັນ​ໄດ້​ນຳ​ຜົນ​ປະ​ໂຫຍ​ດມາສູ່ ສປປ ລາວ ​ແລະ ອາ​ຊຽນເປັນຢ່າງດີ.

+ສານຂອງ​ທ່ານນາ​ຍົກ​ລັດ​ຖະມົນ​ຕີ ທອງລຸນ ສີສຸລິດ ເນື່ອງໃນ​ໂອກາດ​ວັນຄົບຮອບ 50 ປີ ​​ແຫ່ງ​ການສ້າງຕັ້ງອາ​ຊຽນ ​ແລະ ຄົບຮອບ 20 ປີ ສປປ ລາວ ​ເຂົ້າເປັນສະມາຊິກ​​ອາ​ຊຽນ

ລາວສະ​ເຫລີ​ມສະຫລອງ​ວັນສ້າງຕັ້ັ້ງອາຊຽນ​ຄົບຮອບ 50 ​ປີ - lattana 1 - ລາວສະ​ເຫລີ​ມສະຫລອງ​ວັນສ້າງຕັ້ັ້ງອາຊຽນ​ຄົບຮອບ 50 ​ປີ

ໃນພິທີຍັງ​ໄດ້​ມີ​ການບັນ​ເລງ​ເພງ​ຊາດ​ລາວ ​ແລະ ​ເພງອາ​ຊຽນ ( ASEAN Way) ​ໂດຍ​ກອງ​ດຸລິ​ຍາງ​ກອງທັບ​ປະຊາຊົນ​ລາວ ​ແລະ ຖື​ເປັນ​ໜຶ່ງ​ກິດຈະກຳ​ສະ​ເຫລີ​ມສະຫລອງ 2 ວັນ​ສຳຄັນດັ່ງກ່າວ.

error: Content is protected !!