ປກສ ​ເມືອງສີ​ສັດຕະ​ນາກຈັບຄົນຮ້າຍ​ລັກ​ຕັດ​ສາຍ​ໄຟ​ກ້ອງ​ວົງ​ຈອນ​ປິດ​ໃນຕົວເມືອງ

- IMG 9309 - ປກສ ​ເມືອງສີ​ສັດຕະ​ນາກຈັບຄົນຮ້າຍ​ລັກ​ຕັດ​ສາຍ​ໄຟ​ກ້ອງ​ວົງ​ຈອນ​ປິດ​ໃນຕົວເມືອງ
- Untitled design - ປກສ ​ເມືອງສີ​ສັດຕະ​ນາກຈັບຄົນຮ້າຍ​ລັກ​ຕັດ​ສາຍ​ໄຟ​ກ້ອງ​ວົງ​ຈອນ​ປິດ​ໃນຕົວເມືອງ

ທ້າວ ພອນສັກ (ຕຸ້ຍ) ອາຍຸ 30 ປີຢູ່ບ້ານເພຍວັດເມືອງສີສັດຕະນາກນະຄອນຫລວງວຽງຈັນ, ຖືກເຈົ້າໜ້າທີ່ ປກສ ເມືອງສີສັດຕະນາກ ຈັບຕົວມາດໍາເນີນຄະດີຕາມລະບຽບກົດໝາຍເມື່ອບໍ່ດົນນີ້ໃນຂໍ້ຫາລັກຊັບຂອງສ່ວນລວມ, ຊຶ່ງໄດ້ລັກຕັດເອົາສາຍ​ໄຟ​ຂອງລະບົບ​ກ້ອງ​ວົງ​ຈອນ​ປິດ​ໃນ​ນະຄອນຫລວງ​ວຽງຈັນ, ຈົນ​ເຮັດ​ໃຫ້ເກີດການ​ເປ່​ເພເສຍຫາຍ ​ແລະ ​ບໍ່ສາມາດໃຊ້​ການ​ໄດ້ໃນຫລາຍຈຸດ.

​ເຈົ້າໜ້າທີ່​ ໃຫ້​ຮູ້​ວ່າ: ຜ່ານ​ການ​ສືບສວນ-ສອບ​ສວນ ຜູ້​ຕ້ອງ​ຫາ​ໄດ້ຮັບສາລະພາບ​ວ່າ: ​ໄດ້​ເຄື່ອນ​ໄຫວ​ລັກ​ຕັກ​ສາຍ​ໄຟ​ຂອງ​ກ້ອງ​ວົງ​ຈອນ​ປິດ​​ຕາມ​ເສັ້ນທາງ​ມາ​ແລ້ວ 2 ຄັ້ງ​ຄື: ​ໃນຕົ້ນ​ເດືອນ​ກໍລະກົດ​ໄດ້​ໄປ​ລັກ​ຕັດ​ສາຍ​ໄຟ​ກ້ອງ​ວົງ​ຈອນ​ປິດ​ຢູ່​ເສັ້ນທາງ​ເຈົ້າ​ອານຸເຂດ​ແຄມ​ຂອງເມືອງຈັນທະບູລີ ​ໂດຍ​ໃຊ້​ພ້າທີ່ກຽມມາ​ຕັດ​ເອົາ​ສາຍ​ໄຟ​ຂະໜາດຊໍ່ານິ້ວ​ມືຍາວຫລາຍກວ່າ 70 ​ແມັດ, ແຕ່​ມີພະນັກງານຮັກສາ​ຄວາມ​ປອດ​ໄພ​ມາ​ພົບ​ເຫັນຈຶ່ງໄດ້ເອົາຕົວ​ຫລົບໜີ ​ແລະ ຕໍ່ມາ​ກໍ​ໄດ້​ກັບ​ມາລັກ​ຕັດ​ເອົາ​ສາຍ​ໄຟ​ກ້ອງ​ວົງ​ຈອນ​ປິດຢູ່​ເຂດ​ແຄມ​ຂອງອີກ ແລະ ​ໄດ້​ສາຍ​ໄຟ​ຍາວ 35 ​ແມັດ ກ່່ອນ​ຈະ​ຖືກ​ເຈົ້າໜ້າທີ່​ຈັບ​ຕົວ​ພ້ອມ​ຂອງ​ກາງມາ​ດຳ​​ເນີນ​ຄະດີຕາມລະບຽບກົດໝາຍ.

​ເຈົ້າໜ້າທີ່ ປກສ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ປັດຈຸບັນ, ​ປາກົດ​ການຫຍໍ້​ທໍ້​ພົ້ນ​ເດັ່ນ​ຢູ່ນະຄອນຫລວງ​ວຽງຈັນສ່ວນ​ໃຫຍ່​ແມ່ນສະພາບ​ລັກ​ຊັບ​ພົນລະ​ເມືອງ, ສະເພາະ 6 ເດືອນຜ່ານມາແມ່ນ​ເກີດ​ຂຶ້ນແລ້ວຫລາຍກວ່າ 400 ກໍລະນີ ຈາກສະພາບບໍ່ດີດັ່ງກ່າວ, ​ເຈົ້າໜ້າທີ່​ຈຶ່ງໄດ້ເລັ່ງ​ຕິດ​ຕັ້ງ​ກ້ອງ​ວົງ​ຈອນ​ປິດຕາມ​ຖະໜົນຫົນທາງ​ຫລາຍ​ກວ່າພັນ​ຈຸດ, ​ແຕ່​ເຫັນ​ວ່າ​ມີ​ກ້ອງ​ຈຳນວນ​ບໍ່ໜ້ອຍເກີດການ​ເປ່​ເພ ​ແລະ ​ບໍ່ສາມາດໃຊ້​ການ​ໄດ້​ເນື່ອງ​ຈາກມີ​ຄົນ​ບໍ່ດີ​ຈຳນວນໜຶ່ງໄດ້ມີການທໍາລາຍດ້ວຍການລັກ​ຕັດ​​ສາຍ​ໄຟ​ຂອງລະບົບ​ກ້ອງດັ່ງກ່າວ​ແລ້ວ​ນຳ​ໄປ​ຂາຍ, ດັ່ງນັ້ນຈຶ່ງຮຽກຮ້ອງມາຍັງປະຊາຊົນຊ່ວຍເປັນຫູເປັນຕາຊ່ວຍເຈົ້າໜ້າທີ່ ເມື່ອເຫັນມີກໍລະນີບໍ່ດີມີການລັກລອບ ຫລື ທໍາລາຍວັດຖຸອຸປະກອນຕ່າງໆຂອງສ່ວນລວມ ຫລືຂອງພົນລະເມືອງແມ່ນໃຫ້ຮີບຮ້ອນແຈ້ງຕໍ່ເຈົ້າໜ້າທີ່ເພື່ອສາມາດລົງແກ້ໄຂໄດ້ທັນເວລາ.

- Wave100S AD to Website 2020 0 - ປກສ ​ເມືອງສີ​ສັດຕະ​ນາກຈັບຄົນຮ້າຍ​ລັກ​ຕັດ​ສາຍ​ໄຟ​ກ້ອງ​ວົງ​ຈອນ​ປິດ​ໃນຕົວເມືອງ

+ຕໍາຫລວດຊຽງຂວາງຈັບຄົນຮ້າຍສ້າງຄວາມບໍ່ສະຫງົບມາດໍາເນີນຄະດີ

+ຕໍາຫລວດເມືອງສີໂຄດຕະບອງມອບລົດໃຫຍ່ໃຫ້ເຈົ້າຂອງເດີມ

- WhatsApp Image 2020 05 27 at 5 - ປກສ ​ເມືອງສີ​ສັດຕະ​ນາກຈັບຄົນຮ້າຍ​ລັກ​ຕັດ​ສາຍ​ໄຟ​ກ້ອງ​ວົງ​ຈອນ​ປິດ​ໃນຕົວເມືອງ
- WhatsApp Image 2020 05 27 at 5 - ປກສ ​ເມືອງສີ​ສັດຕະ​ນາກຈັບຄົນຮ້າຍ​ລັກ​ຕັດ​ສາຍ​ໄຟ​ກ້ອງ​ວົງ​ຈອນ​ປິດ​ໃນຕົວເມືອງ
error: Alert: ເນື້ອຫາຂ່າວມີລິຂະສິດ !!