ລີເວີພູລ ປະກາດຢືນຢັນຄວ້າ ແຣມຊີ ເຂົ້າທີມຮຽບຮ້ອຍແລ້ວ

ລີເວີພູລ ຢືນຢັນຄວ້າ ຄາລວິນ ແຣມຊີ ກອງຫລັງດາວຮຸ່ງຂອງ ອະເບີດີນ ມາເສີມທີມຮຽບຮ້ອຍ ນັບເປັນນັກເຕະຄົນທີ 3 ຂອງລີເວີພູລ ທີ່ຄວ້າມາຮ່ວມທີມຖັດຈາກ ດາວິນ ນູນເຢສ ແລະ ຟາບີໂອ ຄາວັລໂຢ ໂດຍຈະເຊັນສັນຍາໃນຖິ່ນແອນຟິລ ໃນໄລຍະຍາວ.

‘‘ ເດລີ ເມລ ’’ ສື່ຊື່ດັງຂອງອັງກິດລາຍງານວ່າ ຄ່າຕົວຂອງ ແຣມຊີ ຢູ່ທີ່ 6,5 ລ້ານປອນ ໂດຍລີເວີພູລ ຈະຈ່າຍເງິນຫົວທຳອິດໃຫ້ ອະເບີດີນ ຈຳນວນ 4 ລ້ານປອນ ບວກກັບເງິນໂບນັສເພີ່ມອີກຕາມຜົນງານຂອງນັກເຕະອີກ 2,5 ລ້ານປອນ.

ແຣມຊີ ອາຍຸ 18 ປີ ນັບເປັນນັກເຕະຄົນທີ 3 ທີ່ລີເວີພູລ ຄວ້າມາຮ່ວມທີມຖັດຈາກ ດາວິນ ນູນເຢສ ແລະ ຟາບີໂອ ຄາວັລໂຢ ແລະ ຄາດວ່າຫນ້າຈະເປັນຄົນສຸດທ້າຍໃນລະດູການນີ້.