ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ

ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ - 289658819 1923863631150741 8018611070832354579 n - ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ
ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ - AGL - ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ

ວັນທີ 20 ມິຖຸນາ ຜ່ານມາ, ພະລັງງານໄຟຟ້າລະຫວ່າງສອງປະເທດ ລາວ-ຈີນ ໄດ້ເລີ່ມຂຶ້ນຢ່າງເປັນທາງການໂດຍການນຳເອົາຕາຂ່າຍໄຟຟ້າລາວເຊື່ອມຕໍ່ເຂົ້າກັບຕາຂ່າຍໄຟຟ້າຢູ່ ເມືອງສິບສອງພັນນາ ແຂວງຢຸນນານ ສປ ຈີນ ຜ່ານສາຍສົ່ງໄຟຟ້າ 115 ກວ ຈາກສະຖານີດອງເມີງ (ສປ ຈີນ) – ສະຖານີນາໝໍ້ (ສປປ ລາວ).

ການດຳເນີນການຄ້າພະລັງງານໄຟຟ້າລະຫວ່າງສອງປະເທດລາວ-ຈີນ ໃນຄັ້ງນີ້ ເປັນການຈັດຕັ້ງປະຕິບັດໂດຍໝາກຜົນ ຂອງກອງປະຊຸມຄະນະການຮ່ວມມືດ້ານພະລັງງານ ລາວ-ຈີນ ຄັ້ງທີ 2 ປະຈຳປີນີ້ ແລະ ຍັງເປັນການປະຕິບັດຢ່າງຕັ້ງໜ້າຂອງການກໍ່ສ້າງປະຊາຄົມຮ່ວມຊາຕາກຳລາວ-ຈີນ ໃນຂົງເຂດພະລັງງານໄຟຟ້າ ພ້ອມທັງຊ່ວຍໃຫ້ປະເທດລາວໃນການພັດທະນາໃຫ້ກາຍເປັນແບັດເຕີຣີ (ໝໍ້ໄຟ) ເກັບພະລັງງານໄຟຟ້າສະອາດ ແຫ່ງອາຊີຕາເວັນອອກສຽງໃຕ້.

ອີງຕາມການແນະນຳຂອງ ບໍລິສັດຕາຂ່າຍໄຟຟ້າພາກໃຕ້ຈີນ ຢຸນນານສາກົນ ຈຳກັດ ເຫັນວ່າການຮ່ວມມືດ້ານການເຊື່ອມຈອດລະບົບສາຍສົ່ງໄຟຟ້າລາວ-ຈີນ ມີປະຫວັດສາດຫຼາຍກວ່າສິບປີ ແລະ ມີພື້ນຖາມຄວາມໄວ້ເນື້ອເຊື່ອໃຈຊຶ່ງກັນ ແລະ ກັນເປັນຢ່າງດີ. ໃນເດືອນທັນວາ ປີ 2009, ບໍລິສັດ ຕາຂ່າຍໄຟຟ້າພາກໃຕ້ຈີນ ໄດ້ສຳເລັດການສົ່ງພະລັງງານໄຟຟ້າຜ່ານສາຍສົ່ງໄຟຟ້າ 115 ກວ ເຂົ້າສູ່ປະເທດລາວໂດຍຜ່ານດ່ານສາກົນເມິງລາ ເມືອງສິບສອງພັນນາ ແຂວງຢຸນນານ. ມາຮອດທ້າຍປີ 2021, ບໍລິສັດໄດ້ສົ່ງພະລັງງານໄຟຟ້າສູ່ພາກເໜືອຂອງລາວແລ້ວເກືອບ 1.100 GWh ເພື່ອເສີມສ້າງພື້ນຖານໂຄງລ່າງ ແລະ ການຂະຫຍາຍຕົວເສດຖະກິດຂອງລາວ.

ພ້ອມນັ້ນ, ປະເທດລາວຍັງມີພະລັງງານໄຟຟ້ານ້ຳຕົກທີ່ອຸດົມສົມບູນ ແຕ່ໄດ້ຮັບຜົນກະທົບຈາກການແຈກຈ່າຍແຫຼ່ງພະລັງງານໄຟຟ້າ, ໂຄງສ້າງຕາຂ່າຍໄຟຟ້າ ແລະ ລະດູການ, ເຮັດໃຫ້ພະລັງງານໄຟຟ້າທາງພາກ ເໜືອມີເຫຼືອຫຼາຍໃນລະດູຝົນ ແລະ ບໍ່ພຽງພໍໃນລະດູແລ້ງ. ຄູ່ຮ່ວມມືຝ່າຍລາວໄດ້ສະເໜີແນວຄວາມຄິດໃນການສົ່ງພະລັງງານໄຟຟ້າທີ່ມີຫຼາຍໃນລະດູຝົນນັ້ນເຂົ້າສູ່ປະເທດຈີນ ແລະ ນໍາພະລັງງານໄຟຟ້າເຂົ້າສູ່ປະເທດລາວໃນລະດູແລ້ງ.

ດັ່ງນັ້ນ ບໍລິສັດຕາຂ່າຍໄຟຟ້າພາກໃຕ້ຈີນມີຄວາມຕັ້ງໃຈ, ພ້ອມສະເໜີຮູບແບບການຄ້າພະລັງງານໄຟຟ້າໂດຍອີງໃສ່ການແລກປ່ຽນໄຟຟ້າປະຈຳປີ ໝາຍຄວາມວ່າໃນລະດູຝົນແມ່ນສົ່ງພະລັງງານໄຟຟ້ານ້ຳຕົກທີ່ມີຫຼາຍຂອງປະເທດລາວນັ້ນ ເຂົ້າສູ່ປະເທດຈີນ ແລະ ໃນລະດູແລ້ງແມ່ນຈະນໍາພະລັງງານໄຟຟ້າຂອງຈີນເຂົ້າສູ່ພາກເໜືອຂອງລາວ ເພື່ອສະໜອງໄຟຟ້າໃຫ້ພາຍໃນ.

ຜ່ານການຄົ້ນຄວ້າ ແລະ ເຈລະຈາຫຼາຍຄັ້ງ, ມາຮອດວັນທີ 9 ມີນາ 2022 ບໍລິສັດຕາຂ່າຍໄຟຟ້າພາກໃຕ້ຈີນຢຸນນານສາກົນ ຈຳກັດ ແລະ ລັດວິສາຫະກິດໄຟຟ້າລາວໄດ້ລົງນາມສັນຍາການຊື້-ຂາຍພະລັງງານໄຟຟ້າຂອງໂຄງການການເຊື່ອມຕໍ່ຕາຂ່າຍໄຟຟ້າ 115 ກວ ລະຫວ່າງລາວ-ຈີນ ໃນກອງປະຊຸມຄະນະການຮ່ວມມືດ້ານພະລັງງານໄຟຟ້າລາວ-ຈີນ ຄັ້ງທີ 2 ທີ່ຮ່ວມກັນຈັດຂຶ້ນ ໂດຍກະຊວງພະລັງງານ ແລະ ບໍ່ແຮ່ ຂອງ ສປປ ລາວ ແລະ ກົມພະລັງງານແຫ່ງຊາດຈີນ.

ຫຼັງຈາກນັ້ນທັງສ່ອງຝ່າຍໄດ້ສົມທົບກັນຢ່າງແໜ້ນແຟ້ນ ພ້ອມສຳເລັດວຽກງານກະກຽມດ້ານການຄ້າ ແລະ ເຕັກນິກ ເຮັດໃຫ້ໂຄງການທົດລອງການສົ່ງໄຟຟ້າໂດຍສາຍສົ່ງ 115 ກວ ຈາກດອງເມິງ-ນາໝໍ້ ປະສົບຜົນສຳເລັດຢ່າງຈົບງາມ ໃນວັນທີ 21 ພຶດສະພາ ແລະ ເຮັດໃຫ້ການສົ່ງໄຟຟ້າ ລະຫວ່າງລາວ-ຈີນມີເງື່ອນໄຂຄວາມພ້ອມດຳເນີນງານ.

ໃນປັດຈຸບັນ ບໍລິສັດຕາຂ່າຍໄຟຟ້າພາກໃຕ້ຈີນ ແລະ ຄູ່ຮ່ວມມືຝ່າຍລາວ ກຳລັງຊຸກຍູ້ໂຄງການ ການເຊື່ອມຕໍ່ຕາຂ່າຍໄຟຟ້າ 500 ກວ ລະຫວ່າງ ສອງປະເທດ ລາວ-ຈີນ ໂດຍຜ່ານການເຊື່ອມຕໍ່ຕາຂ່າຍໄຟຟ້າລະດັບແຮງດັນສູງ ແລະ ການຄ້າພະລັງງານໄຟຟ້າຂະໜາດໃຫຍ່ ເພື່ອຂະຫຍາຍການແລກປ່ຽນພະລັງງານໄຟຟ້າລະຫວ່າງສອງປະເທດ ພ້ອມຊຸກຍູ້ການຈັດສັນພະລັງງານສະອາດໃນທົ່ວພາກພື້ນ.

ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ -    AD conten website - ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ
ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ - lattana banner - ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ
ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ - lattana banner 1 - ລາວ-ຈີນ ເຊື່ອມຕໍ່ຕາຂ່າຍໄຟຟ້າຢ່າງເປັນທາງການ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!