ພູມ່າ ເຊັນສັນຍາສະໜັບສະໜູນລູກຊາຍ ຣູນີ ຫລັງສະແດງຜົນງານເດ່ັນກັບແມນຢູເຍົາວະຊົນ

ພູມ່າ (PUMA) ເບິ່ງການໄກ ເມື່ອຈັດການເຊັນສັນຍາເປັນຜູ້ສະໜັບສະໜູນໃຫ້ກັບ ໄຄ ຣູນີ ລູກຊາຍຂອງ ເວນ ຣູນີ ຮຽບຮ້ອຍແລ້ວ ຫລັງລາວສ້າງຜົນງານໄດ້ຢ່າງໂດດເດ່ັນກັບທີມເຍົາວະຊົນ ແມນເຊສເຕີ ຢູໄນເຕັດ.

ໄຄ ຣູນີ ລູກຊາຍສຸດທີ່ຮັກຂອງ ເວນ ຣູນີ ຕຳນານດາວຍິງທີມຊາດອັງກິດ ໃກ້ຈະມີແວວຮຸ່ງເຮືອງບໍ່ຕ່າງຈາກພໍ່ ເມື່ອເຊັນສັນຍາກັບ ພູມ່າ ຜູ້ຜະລິດເຄື່ອງກິລາຊື່ດັງສັນຊາດເຢຍລະມັນຮຽບຮ້ອຍແລ້ວ.

ພູມ່າ ຕັດສິນໃຈເຂົ້າມາເປັນຜູ້ສະໜັບສະໜູນໃຫ້ ໄຄ ຣູນີ ອາຍຸ 12 ປີ ຫລັງນັກເຕລະເບີດຟອມໃຫ້ກັບ ທີມເຍົາວະຊົນຂອງ ແມນເຊສເຕີ ຢູໄນເຕັດ ໄດ້ຢ່າງໂດດເດັ່ນໃນລະດູການຜ່ານມາ ໂດຍຍິງໄປເຖິງ 56 ປະຕູ ຈ່າຍໃຫ້ຫມູ່ຍິງອີກ 28 ປະຕູ.

ໄຄ ເຊິ່ງເຫມົາຄົນດຽວ 4 ປະຕູໃນເກມພົບກັບ ລີເວີພູລ ເມື່ອເດືອນຕຸລາປີກາຍ ໂພສຜ່ານບັນຊີອິນສະຕາແກຣມສ່ວນຕົວທີ່ມີຜູ້ຕິດຕາມເຖິງ 55,000 ຄົນ ຫລັງເຊັນສັນຍາກັບ ພູມ່າ ວ່າ : ‘‘ ມັນສຸດຍອດຫລາຍທີ່ໄດ້ເຊັນສັນຍາກັບ ພູມ່າ Only see graat (ສະໂລແກນຂອງພູມ່າ) ’.’