ສະເປີເປີດຕົວ ເໜດ ສະເປນ ເສີມຫລັງ ເຊັນສັນຍາ 5 ປີ
ທັອດແນມ ຮັອດສະເປີ ປະກາດຄວ້າຕົວ ເໜດ ສະເປນ ກອງຫລັງອະນາຄົດໄກຈາກ ມິດເດິລສະໂບ ຢ່າງເປັນທາງການ ພ້ອມເປັນນັກເຕະຄົນທີ 6 ຂອງສະເປີ ໃນຕະຫລາດລະດູການນີ້.
ສຳລັບ ສະເປນ ສ້າງຜົນງານໄດ້ຢ່າງໂດດເດັ່ນກັບ ນັອດຕິງແຮມ ຟໍເຣສ ໃນການຢືມຕົວເມື່ອລະດູການຜ່ານມາ ພ້ອມມີບົດບາດສຳຄັນທີ່ຊ່ວຍໃຫ້ ຟໍເຣສ ເລື່ອນຊັ້ນຂຶ້ນສູ່ພຣີເມຍລີກ ອັງກິດໃນລະດູການນີ້.
ຈາກຜົນງານທີ່ເກີດຂຶ້ນເຮັດໃຫ້ດາວເຕະອາຍຸ 21 ປີຕົກເປັນເປົ້າຫມາຍເສີມທີມຂອງສະເປີ ຈົນຫລ້າສຸດເມື່ອວັນທີ 19 ກໍລະກົດ ເວັບໄຊທາງການຂອງສະໂມສອນ ທັອດແນມ ຮັອດສະເປີ ຖະແຫລງເປີດຕົວ ສະເປນ ມາເສີມທີມດ້ວຍສັນຍາ 5 ປີ ຫລື ເຖິງປີ 2027.
ຂະນະທີ່ ຟາບຣີຊີໂອ ໂຣມາໂນ ນັກຂ່າວຄົນດັງລະບຸວ່າ ຄ່າຕົວຂອງນັກເຕະທີມຊາດອັງກິດຮຸ່ນອາຍຸຕຳ່ກວ່າ 21 ປີລາຍນີ້ ຢູ່ທີ່ 12,5 ລ້ານປອນ ແລະຍັງບວກເງິນສ່ວນເສີມ.
ທັງນີ້ ສະເປນ ຄືນັກເຕະໃຫມ່ຄົນທີ 6 ຂອງສະເປີ ໃນຕະຫລາດຫນ້າຮ້ອນຕໍ່ຈາກ ອີວານ ເປຣີຊິສ, ເຟຣເຊີ ຟອສເຕີ, ອີຟ ບິສຊູມາ, ຣິຊາລີຊອນ ແລະ ເກລມ໊ອງ ລອງເລ.
