ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ

ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ - 296388141 774230054025697 8446405216963217362 n - ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ
ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ - 16583075379783 - ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ

ວັນທີ 29 ກໍລະກົດ 2022 ຢູ່ນະຄອນຫລວງວຽງຈັນ, ທ່ານ ອຸ່ນທວງ ຂາວພັນ ຮອງລັດຖະມົນຕີກະ ຊວງ ຖວທ, ທ່ານ ໄມໂຄຣອນນິງ ຜູ້ຕາງໜ້າອົງການພັດທະນາສາກົນປະເທດສະຫະລັດອາເມລິກາ ປະຈໍາລາວ ພ້ອມດ້ວຍຄະນະກໍາມະການຕ້ານການຄ້າມະນຸດ, ຜູ້ຕາງໜ້າອົງການຈັດຕັ້ງສາກົນ ແລະ ພາກ ສ່ວນກ່ຽວຂ້ອງ ໄດ້ເຂົ້າຮ່ວມເປີດນຳໃຊ້ສື່ສິ່ງພິມຕ້ານການຄ້າມະນຸດເພື່ອນຳເອົາແນວທາງນະໂຍບາຍການສະກັດກັ້ນ ແລະ ຕ້ານການຄ້າມະນຸດຫັນລົງສູ່ທ້ອງຖິ່ນເຮັດໃຫ້ປະຊາຊົນລາວບັນດາເຜົ່າ, ໄວໜຸ່ມຍິງຊາຍ ຮັບຮູ້ເຂົ້າໃຈທັງມີສະຕິລະວັງຕົວຕໍ່ກົນອຸບາຍຂອງຂະບວນການຄ້າມະນຸດຈາກພາຍໃນ ແລະ ຕ່າງປະເທດ ນັບມື້ຫລາຍຂຶ້ນ..

ສື່ສິ່ງພິມຕ້ານການຄ້າມະນຸດ ເປັນພາຫະນະໜຶ່ງ ແລະ ເປັນຄູ່ມືໃຫ້ແກ່ບັນດາສື່ມວນຊົນ ໃຊ້ເປັນກະບອກສຽງເຜີຍແຜ່ແນວທາງນະໂຍບາຍຂອງພັກ-ລັດຕໍ່ການປ້ອງກັນ ແລະ ຕ້ານການຄ້າມະນຸດໃຫ້ທົ່ວສັງຄົມໄດ້ຮັບຮູ້ ເຂົ້າໃຈເຖິງໄພອັນຕະລາຍຂອງມັນ. ບັນດາສື່ທີ່ນຳໃຊ້ມີ ກາຕູນເອເນເມຊັ້ນ, ໂປສເຕີ ແລະ ປຶ້ມຄູ່ມືການໂຄສະນາມີຄວາມຈຳເປັນຮີບດ່ວນທີ່ຈະຕ້ອງໄດ້ສະໜອງຂໍ້ມູນໃຫ້ສັງຄົມໂດຍສະເພາະຕໍ່ຜູ້ທີ່ມີຄວາມສ່ຽງຕົກເປັນເຫຍື່ອການຄ້າມະນຸດ.

ຜ່ານມາ, ຫລາຍປະເທດ ໄດ້ຜະເຊີນບັນຫາການຄ້າມະນຸດຫລາຍຮູບແບບເປັນຕົ້ນການໝັ້ນ ຫລື ການແຕ່ງດອງແອບແຝງ, ການຂູດຮີດແຮງງານ, ການຂູດຮີດທາງເພດແລະ ການບັງຄັບເປັນໂສເພນີ, ການຄ້າປະເວນີ, ການໃຫ້ຖືພາ, ການເອົາເດັກໄປລ້ຽງ ຫລື ການເອົາເດັກມາເປັນລູກລ້ຽງແອບແຝງ, ການເປັນຂໍທານ, ການລັກພາຕົວ ແລະ ການເອົາອະໄວຍະວະຕ່າງໆຂອງຮ່າງ ກາຍໄປຂາຍ.

ທ່ານ ອຸ່ນທວງ ຂາວພັນ ກ່າວວ່າ: ໂອກາດວັນຕ້ານການຄ້າມະນຸດສາກົນ ປີ 2022 ຄືວັນທີ 30 ກໍລະ ກົດ, ສປປ ລາວ ເຮົາໄດ້ໃຫ້ຄວາມສຳຄັນຮ່ວມມືທີ່ດີຕໍ່ການຕ້ານການຄ້າມະນຸດຕະຫລອດມາໂດຍໄດ້ໂຄ ສະນາ, ເຜີຍແຜ່ ແລະ ຈັດກິດຈະກຳສ້າງຄວາມເຂົ້າໃຈຕໍ່ວຽກງານດັ່ງກ່າວຫລາຍຮູບແບບ ແລະ ພົ້ນເດັ່ນສຸດ, ລັດຖະບານ ໄດ້ຈັດຕັ້ງປະຕິບັດແຜນງານແຫ່ງຊາດກ່ຽວກັບການສະກັດກັ້ນ ແລະ ຕ້ານການຄ້າມະ ນຸດໄລຍະ III ແຕ່ປີ 2021-2025.

ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ - lattana banner 1 - ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ
ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ - lattana banner - ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ
ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ -    AD conten website - ຖວທ ຮ່ວມ ອົງການວິນຣອກສາກົນ ເປີດໃຊ້ສື່ສິ່ງພິມຕ້ານການຄ້າມະນຸດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!