“ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ

“ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ -           - “ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ
“ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ - 16583075379783 - “ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ

ວັນທີ 4 ສິງຫາ 2022, ສຳນັກຂ່າວຊິນຮົວລາຍງານວ່າ: ສຳນັກງານສາທາລະນະສຸກນະຄອນຫວງນິວເດລີຂອງອິນເດຍ ຢືນຢັນການກວດພົບຜູ້ຍິງຊາວຕ່າງປະເທດມີຜົນກວດພະຍາດໝາກສຸກລີງເປັນບວກ ໃນວັນທີ 3 ສິງຫາ, ແຕ່ຍັງບໍ່ຮູ້ປະຫວັດການເດີນທາງຢ່າງແນ່ນອນ ໂດຍຖືເປັນຜູ້ຕິດເຊື້ອພະຍາດໝາກສຸກລີງເພດຍິງຄົນທຳອິດຂອງອິນເດຍ ຜູ້ຕິດເຊື້ອພະຍາດດັ່ງກ່າວຄົນທີ 4 ຂອງເດລີ ແລະ ຜູ້ຕິດເຊື້ອຄົນທີ 9 ຂອງປະເທດ.

ປັດຈຸບັນ ອິນເດຍລາຍງານພົບຜູ້ຕິດເຊື້ອພະຍາດໝາກສຸກລີງ 5 ຄົນ ເຊິ່ງລວມທັງຜູ້ເສຍຊີວິດ 1 ຄົນ ໃນລັດເກຣລະ ແລະ ຜູ້ຕິດເຊື້ອອີກ 4 ຄົນໃນເດລີ ໂດຍຜູ້ຕິດເຊື້ອຄົນທຳອິດຂອງປະເທດ ເຊິ່ງກວດພົບໃນລັດເກຣລະໃນວັນທີ 14 ກໍລະກົດ ປິ່ນປົວຫາຍດີ ແລະ ອອກຈາກໂຮງໝໍແລ້ວ ໃນທ້າຍອາທິດຜ່ານມາ.

ກ່ອນໜ້ານີ້, ລັດຖະບານເດລີປະກາດການຈັດຕັ້ງຫ້ອງກັກຕົວ 70 ຫ້ອງໃນໂຮງໝໍ 6 ແຫ່ງ ເພື່ອຮອງຮັບຜູ້ຕິດເຊື້ອ ຫລື ຜູ້ຕ້ອງສົງໄສຕິດເຊື້ອພະຍາດໝາກສຸກລີງ.

ສ່ວນລັດຖະບານລັດເກຣລະໄດ້ບັງຄັບໃຊ້ມາດຕະການເພື່ອຢັບຢັ້ງການແພ່ລະບາດຂອງພະຍາດໝາກສຸກລີງ ໂດຍດຳເນີນການສະແກນຄວາມຮ້ອນຢູ່ສະໜາມບິນທຸກແຫ່ງຕາມມາດຕະການປ້ອງກັນລ່ວງໜ້າ.

ທ່ານ ວີນາ ຈອດ ລັດຖະມົນຕີວ່າການກະຊວງສາທາລະນະສຸກລັດເກຣລະ ລະບຸວ່າ: ສະໜາມບິນທຸກແຫ່ງຈະມີເຈົ້າໜ້າທີ່ລໍຖ້າໃຫ້ການຊ່ວຍເຫລືອຜູ້ທີ່ມີໄຂ້ຂຶ້ນສູງ ຫລື ມີອາການບໍ່ສະບາຍຂອງພະຍາດໝາກສຸກລີງ ລວມທັງມີສະຖານທີ່ກັກຕົວໃນທຸກເຂດຂອງລັດນຳອີກ.

ຂະນະດຽວກັນ, ລັດກໍນາກະ ເຊິ່ງຢູ່ໃກ້ຄຽງກັບລັດເກຣລະ ສັ່ງໃຫ້ໜ່ວຍງານສາທາລະນະສຸກເຝົ້າລະວັງສະຖານະການ ໂດຍໃນວັນທີ 2 ສິງຫາ, ທ່ານ ດຣ. ເຄ ສຸດທາການ ລັດຖະມົນຕີວ່າການກະຊວງສາທາລະນະສຸກລັດກໍນາກະ ເຜີຍແພ່ຈົດໝາຍວຽນກຳນົດໃຫ້ໜ່ວຍງານບໍລິຫານທຸກເຂດເພີ່ມການເຝົ້າລະວັງ ແລະ ຈັດຕັ້ງສະຖານທີ່ກັກຕົວໂດຍສະເພາະ.

“ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ - lattana banner 1 - “ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ
“ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ - lattana banner - “ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ
“ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ -    AD conten website - “ເດລີ” ລາຍງານພົບຜູ້ຍິງຕິດເຊື້ອ “ໝາກສຸກລີງ” ຄົນທຳອິດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!