ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຕ້ອນຮັບສະມາຊິກສະພາສູງຍີປຸ່ນ

- advert banner 728 90 728x90 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຕ້ອນຮັບສະມາຊິກສະພາສູງຍີປຸ່ນ

​ແລງ​ວັນ​ທີ 16 ສິງຫານີ້, ທີ່​ສຳນັກງານ​ນາຍົກລັດຖະມົນຕີ, ທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ ​ໄດ້​ໃຫ້ກຽດຕ້ອນຮັບການ​ເຂົ້າຢ້ຽມຂ່ຳນັບ​ຂອງທ່ານ ​ໂຢຊິ​ໂອະ ຄີ​ມູຣະ ສະມາຊິກ​ສະພາ​ສູງຂອງ​ປະ​ເທດ​ຍີ່ປຸ່ນ ຮັບຜິດຊອບ​ວຽກງານ​ສະ​ຫວັດ​ດີກາ​ນສັງຄົມ, ພ້ອມ​ດ້ວຍ​ບັນດາ​ສະມາຊິກ​ສະມາຄົມ​ມິດຕະພາບແຂວງ​ໂອ​ກີ​ນາວາ-​ລາວ ​ໃນ​ໂອກາດ​​ມາ​ຢ້ຽມຢາມ ​ແລະ ​ເຮັດ​ວຽກຢູ່ ສປປ ລາວ ​ໃນ​ລະຫວ່າງ​ວັນ​ທີ 15-19 ສິງຫານີ້.

- new3 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຕ້ອນຮັບສະມາຊິກສະພາສູງຍີປຸ່ນ

ໃນ​ໂອກາດ​ນີ້, ທ່ານ​ຮອງ​ນາຍົກລັດຖະມົນຕີ ກໍ່​ໄດ້​ສະ​ແດງ​ຄວາມ​ຕ້ອນຮັບ​ຢ່າງ​ອົບ​ອຸ່ນ ແລະ ​ຕີ​ລາຄາ​ສູງຕໍ່ການ​ເດີນທາງ​ມາ​ເຮັດ​ວຽກຢູ່​ລາວຂອງ​ຄະນະ​​ໃນ​ຄັ້ງນີ້, ເພື່ອ​ສືບຕໍ່​ເສີມຂະຫຍາຍການພົວພັນ​ຮ່ວມ​ມື​ທາງ​ດ້ານການ​ເບິ່ງ​ແຍງ​ຄົນແກ່​ຊະລາ ກໍຄື​ສະຖານ​ບຳບັດ​ຄົນຊະລາ ​ແລະ ສະຫວັດດີ​ການ​ສັງຄົມ​ລະຫວ່າງ​ລາວ-​ຍີ່ປຸ່ນ ກໍຄື​ແຂວງ​ໂອ​ກີ​ນາວາ ​ໃຫ້​ນັບ​ມື້​ເຕີບ​ໃຫຍ່​ຂະຫຍາຍຕົວ​.

​ໃນ​ໄລຍະ​ຜ່ານ​ມາ, ສປປ ລາວ ກໍ​ໄດ້​ຮັບ​ການ​ຊ່ວຍເຫລືອ​ໃນຫລາຍໆດ້ານ ຈາກ​ລັດຖະບານ ​ແລະ ປະຊາຊົນ​ຍີ່ປຸ່ນ ນັບທັງ​​ດ້ານ​ສາທາລະນະ​ສຸກ, ​ການ​ສຶກສາ ເພື່ອ​ຍົກ​ລະດັບ​ຄວາມ​ຮູ້​ຄວາມ​ສາມາດ​ໃຫ້​ພະນັກງານວິຊາ​ການ​ຂອງລາວ ລວມ​ເຖິງ​ການ​ມາ​ລົງທຶນ​ໃນຫລາຍຂະ​ແໜງການທີ່​ລາວ​ມີ​ທ່າ​ແຮງ,​ ອັນ​ເປັນ​ການ​ປະກອບສ່ວນ​ສຳຄັນ​ເຂົ້າ​ໃນ​ການຈັດຕັ້ງປະຕິ​ບັດ​ແຜນ​ພັດທະນາ​ເສດຖະກິດ-​ສັງຄົມ​ແຫ່ງ​ຊາດ​ຂອງ​ລາວ ​ແລະ ເປົ້າໝາຍການ​ພັດທະນາ​ແບບ​ຍືນ​ຍົງ (SDGs) ໃຫ້ໄດ້ຮັບຜົນສໍາເລັດຄື: ​ຜ່ານ​ມານີ້, ສະມາຄົມ​ມິດຕະພາບແຂວງ​ໂອ​ກີ​ນາວາ-​ລາວ ກໍ​ໄດ້​ໃຫ້ການ​ຊ່ວຍເຫລືອດ້ານ​ການຜ່າຕັດ​ສົບ​ແວ່ງ-​ເພດານ​ໂວ່​ໃຫ້​ແກ່​ເດັກນ້ອຍ​ລາວ ​ແລະ ການ​ຊ່ວຍເຫລືອ​ອື່ນໆມາໂດຍຕະຫລອດ ແລະ ຫວັງວ່າການພົວພັນຮ່ວມມື, ການໄປມາຫາສູ່ແລກປ່ຽນບົດຮຽນ ແລະ ປະສົບການຕ່າງໆນໍາກັນຢ່າງເປັນປົກກະຕິນັ້ນ,  ຈະເຮັດໃຫ້ການຮ່ວມມືລະຫວ່າງສອງຝ່າຍໄດ້ຮັບການພັດທະນາ ແລະ ຍົກລະດັບຂຶ້ນ, ໂດຍສະເພາະໃນຂົງເຂດສາທາລະນະສຸກ ເພື່ອປະກອບສ່ວນຊ່ວຍເຫລືອປະຊາກອນລາວມີອາຍຸຍືນຂຶ້ນ.

- lattana 1 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຕ້ອນຮັບສະມາຊິກສະພາສູງຍີປຸ່ນ

​ໃນ​ຕອນ​ທ້າຍ, ທ່ານ ສອນ​ໄຊ ສີ​ພັນ​ດອນ ຍັງ​ໄດ້ສະ​ແດງ​ຄວາມ​ເຊື່ອໝັ້ນວ່າ ພາຍ​ໃຕ້​ການ​ຮ່ວມ​ມື​ໃນ​ຮູບ​ແບບ​ກົນ​ໄກ ລະຫວ່າງ​ສອງ​ລັດຖະບານ ນັບ​ທັງ​ບັນດາ​ກະຊວງ, ອົງການ​ທີ່​ກ່ຽວຂ້ອງ ​ແລະ ກົນ​ໄກ​ການ​ພົວພັນ​ຮ່ວມ​ມື​ ​ໃນ​ການ​ການ​ໄປມາຫາສູ່ ​ແລະ ການ​ແລກປ່ຽນກັນ ຂອງ​ສອງ​ສະມາຄົມ​ມິດຕະພາບ ຈະ​ເຮັດ​ໃຫ້ການ​ຮ່ວມ​ມື​ໃນ​ຂົງ​ເຂດ​ວຽກງານ​ຕ່າງໆ ຈະ​ໄດ້​ຮັບ​ການ​ພັດທະນາ ​ແລະ ຍົກ​ລະດັບ​ຂຶ້ນ ​ໂດຍ​ສະ​ເພາະ ​ໃນ​ຂົງ​ເຂດ​ສາທາລະນະ​ສຸກ ​ເພື່ອ​ປະກອບສ່ວນ​ເຮັດ​ໃຫ້​ປະຊາກອນ​ຂອງ​ລາວ ມີ​ອາຍຸ​ຍືນ​ຂຶ້ນ​ເລື້ອຍໆ ຊຶ່ງ​ກໍ່ໝາຍ​ເຖິງ​ພົນລະ​ເມືອງ​ລາວ ຕ້ອງ​ໄດ້​ຮັບ​ການ​ເອົາ​ໃຈ​ໃສ່​​ເບິ່ງ​ແຍງດ້ານ​ສຸຂະພາບ ​ໃຫ້​ດີ​ຂຶ້ນ​ເຊັ່ນ​ກັນ ສອດຄ່ອງ​ກັບ​ແນວທາງ​ນະ​ໂຍບາຍ​ຂອງ ພັກ ​ແລະ ລັດຖະບານ ວາງ​ອອກ ​ໃຫ້​ປະກົດ​ຜົນ​ເປັນ​ຈິງ.

error: Content is protected !!