ໂຣນັລໂດ ຄອງເບີໜຶ່ງນັກກິລາມູນຄ່າການຕະຫລາດສູງສຸດໃນໂລກ-ເມສຊີ ອັນດັບ 5
ຄຣິສຕຽນໂນ ໂຣນັລໂດ ກອງໜ້າຂອງ ແມນເຊສເຕີ ຢູໄນເຕັດ ໄດ້ຮັບການຈັດອັນດັບໃຫ້ຄອງຕຳແໜ່ງ ນັກກິລາທີ່ມີມູນຄ່າການ ຕະຫລາດສູງທີ່ສຸດໃນໂລກປະຈຳປີ 2022 ເໜືອກວ່ານັກກິລາທຸກປະເພດ ລວມທັງ ລີໂອເນລ ເມສຊີ ນັກເຕະກອງໜ້າອາເຈນ ຕີນາ.
SportPro ປະກາດອັນດັບ 50 ນັກກິລາທີ່ມີມູນຄ່າການຕະຫລາດສູງທີ່ສຸດໃນໂລກອອກມາເມື່ອວັນຈັນ ທີ 17 ຕຸລາ ໂດຍຍົກໃຫ້ ໂຣນັລໂດ ດາວເຕະທີມຊາດໂປຣຕຸເກສ ຄອງອັນດັບຫນຶ່ງ ເຖິງວ່າຜົນງານຂອງລາວກັບແມນຢູ ສະໂມສອນຕົ້ນສັງກັດໃນພຣີເມຍ ລີກ ຈະບໍ່ສວຍງາມກໍຕາມ.
ຕໍ່ການຈັດອັນດັບດັ່ງກ່າວ ມີການເປີດເຜີຍວ່າ ເນັ້ນໄປທີ່ມູນຄ່າທາງການຕະຫລາດຂອງນັກເຕະເປັນຕົ້ນຕໍ່ ເພື່ອສະທ້ອນໃຫ້ຜູ້ສະ ໜັບສະໜູນໄດ້ເລັງເຫັນວ່າ ສົມຄວນວ່າຈ້າງນັກກິລາຄົນໃດໂປຣໂມດສິນຄ້າຂອງພວກເຂົາ.
ດ້ວຍເຫດນີ້ ໂຣນັລໂດ ດາວຍິງອາຍຸ 37 ປີ ຈຶ່ງຄອງອັນດັບຫນຶ່ງ ຫ່າງກັບອັນດັບ 2 ແບບບໍ່ເຫັນຝຸ່ນ ເນື່ອງຈາກມູນຄ່າການຕະ ຫລາດຖືເປັນຈຸດແຂງຂອງລາວ ໂດຍສະເພາະພຽງຍອດຕິດຕາມໃນອິນສະຕຣາແກມ ຂອງລາວສູງທີ່ສຸດໃນບັນດານັກ ເຕະນຳກັນອີກ.
ຂະນະດຽວກັນ SportPro ຍັງໄດ້ໃຫ້ຄະແນນມູນຄ່າທາງການຕະຫລາດກັບນັກກິລາເອົາໄວ້ອີກ ໂດຍ ໂຣນັລໂດ ເຊິ່ງມີສັນຍາກັບ ໄນກີ້, ເຮີບາໄລ, ເຄລຍ ແລະ ໄລສະກໍ ໄດ້ຄະແນນ 91,21 ຈາກເຕັມ 100.
ສະຫລຸບ 10 ອັນດັບ ນັກກິລາທີ່ມູນຄ່າທາງການສູງທີ່ສຸດໃນໂລກປະຈຳປີ 2022 ມີດັ່ງນີ້ :
- ຄຣິສຕຽນໂນ ໂຣນັລໂດ.
- ເຊເຣນາ ວິລລຽມ.
- ລູອິສ ແຮມິລຕັນ.
- ເລບຣອນ ເຈມ.
- ລີໂອເນລ ເມສຊີ.
- ນາໂອມິ ໂອຊາກະ.
- ວິຣັດ ໂຄລີ.
- ອາເລັກ ມໍແກນ.
- ແຊມ ເຄີ.
10. ທອມ ເບຣດີ.
