ລັດຖະບານກຳປູເຈຍສັ່ງປິດ NGO ຂອງອາເມລິກາ ເນລະເທດພະນັກງານກັບປະເທດ

- advert banner 728 90 728x90 - ລັດຖະບານກຳປູເຈຍສັ່ງປິດ NGO ຂອງອາເມລິກາ ເນລະເທດພະນັກງານກັບປະເທດ

- DH9Iq4VUIAAPe61 - ລັດຖະບານກຳປູເຈຍສັ່ງປິດ NGO ຂອງອາເມລິກາ ເນລະເທດພະນັກງານກັບປະເທດ

ລັດຖະບານ​ກຳປູ​ເຈຍ​ສັ່ງ​ປິດ​ອົງການ​ພັດທະນາ​ເອກະ​ຊົນ ຫລື NGO ສັນຊາດ​ອາ​ເມ​ລິ​ກາ ​ໃນ​ວັນ​ທີ 23 ສິງຫາ​ນີ້ ພ້ອມ​ສັ່ງ​ເນລະ​ເທດ​ພະນັກງານ​ຕ່າງ​ຊາດ​ອອກ​ຈາກ​ປະ​ເທດ​ພາຍ​ໃນ​ໜຶ່ງ​ອາທິດ ​ໂດຍ​ອ້າງ​ວ່າ: ​ເປັນ​ອົງການ​ຫລີກ​ເວັ້ນພາສີ ​ແລະ ບໍ່​ໄດ້​ຂຶ້ນທະບຽນ​ຕາມ​ກົດໝາຍ.

ລາຍ​ງານ​ລະບຸ​ວ່າ: ທາງ​ການ​ກຳປູ​ເຈຍ​ສັ່ງ​ປິດ​ສຳນັກງານ​ຂອງ​ສະ​ຖາ​ບັນ​ປະຊາທິປະ​ໄຕ​ແຫ່ງ​ຊາດ (NDI) ຢູ່ກຳ​ປູ​ເຈຍ​ທີ່​ເປີ​ດດຳ​ເນີນ​ມາ​ແຕ່​ປີ 1992, ຂະນະ​ທີ່​ກະຊວງ​ການ​ຕ່າງປະ​ເທດ​ອອກ​ຖະ​ແຫລ​ງການ​ລະບຸ​ວ່າ: ພະນັກງານ​ຂອງ NDI ທີ່​ເປັນ​ຄົນ​ຕ່າງປະ​ເທດ​ຈະ​ຕ້ອງ​ເດີນທາງ​ອອກ​ນອກ​ປະ​ເທດ​ພາຍ​ໃນ 7 ວັນ ຫລັງ​ພົບ​ວ່າ: ອົງການ​ດັ່ງກ່າວ​ບໍ່​ໄດ້​ຂຶ້ນທະບຽນ​ຕາມ​ກົດໝາຍ ​ແລະ ຫລີກ​ເວັ້ນການ​ຈ່າຍ​ພາສີ.

NDI ​ເປັນ​ສະ​ຖາ​ບັນ​ພັດທະນາ​ປະຊາທິປະ​ໄຕ​ທົ່ວ​ໂລກ​ທີ່​ມີ​ນາງ ​ເມ​ເດ​ລິນ ອັດ​ໄບຣ ອະດີດ​ລັດຖະມົນຕີ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ເປັນ​ປະທານ, ​ແຕ່​ໃນ​ໄລຍະ​ຜ່ານ​ມາ NDI ຖືກ​ສື່​ຝ່າຍ​ລັດຖະບານ​ຢູ່ກຳ​ປູ​ເຈຍ​ໂຈມ​ຕີ​ວ່າ: ​ເປັນ​ອົງການ​ໃຫ້ການ​ຊ່ວຍ​ເຫລືອ​ຝ່າຍ​ຄ້ານ​ໃນ​ການລົ້ມລ້າງ​ລັດຖະບານ.

- Tiger Head 728x90 - ລັດຖະບານກຳປູເຈຍສັ່ງປິດ NGO ຂອງອາເມລິກາ ເນລະເທດພະນັກງານກັບປະເທດ
- 1 1 - ລັດຖະບານກຳປູເຈຍສັ່ງປິດ NGO ຂອງອາເມລິກາ ເນລະເທດພະນັກງານກັບປະເທດ

ຖະ​ແຫລ​ງການ​ຈາກ​ກະຊວງ​ຕ່າງປະ​ເທດ​ລະບຸ​ອີກ​ວ່າ: ລັດຖະບານ​ກຳລັງ​ພິຈາລະນາ​ໃຊ້​ມາດ​ຕະການ​ດຽວ​ກັນ​ລົງ​ໂທດ​ໜ່ວຍ​ງານ​ຕ່າງປະ​ເທດ ​ແລະ NGO ​ແຫ່ງ​ອື່ນ​ທີ່​ບໍ່​ປະຕິບັດ​ຕາມ​ກົດໝາຍ​ກຳປູ​ເຈຍ. ມີ​ລາຍ​ງານ​ວ່າ: ໜ່ວຍ​ງານ​ຫລາຍ​ແຫ່ງ ​ໂດຍ​ສະ​ເພາະ​ອົງການ​ສື່​ທີ່​ມີ​ຄົນ​ອາ​ເມ​ລິ​ກາ​ເປັນ​ເຈົ້າຂອງ ຫລື ​ໄດ້​ຮັບ​ເງິນ​ທຶນ​ສະໜັບສະໜູນ​ຈາກ​ອາ​ເມ​ລິ​ກາ ​ເຊັ່ນ​ໜັງສືພິມ​ແກມ​ໂບ​ເດຍ​ເດ​ລີ, ວິທະຍຸ​ເອ​ເຊຍ​ເສລີ ​ແລະ ວິທະຍຸ​ສຽງ​ອາ​ເມ​ລິ​ກາ ລ້ວນ​ຕົກ​ເປັນ​ເປົ້າໝາຍ​ທີ່​ຈະ​ຖືກ​ລັດຖະບານ​ສັ່ງ​ປິດ.

ສະ​ໂມ​ສອນ​ສື່​ມວນ​ຊົນ​ຕ່າງປະ​ເທດ​ແຫ່ງ​ກຳປູ​ເຈຍ ລະບຸ​ວ່າ: ​ແກມ​ໂບ​ເດຍ​ເດ​ລີ​ມີ​ປະຫວັດ​ການ​ລາຍ​ງານ​ຂ່າວ​ວິຈານ​ຝ່າຍ​ລັດຖະບານ​ຢ່າງ​ຕໍ່​ເນື່ອງ ຈຶ່ງ​ເຊື່ອ​ວ່າ​ລັດຖະບານ​ພະຍາຍາມ​ອ້າງ​ເລື່ອງ​ພາສີ​ກຳຈັດ​ບັນດາ​ຜູ້​ວິພາກ​ວິຈານ​ລັດຖະບານ ກ່ອນ​ຈະ​ມີ​ການ​ຈັດ​ເລືອກ​ຕັ້ງທົ່ວ​ໄປ​ໃນ​ປີໜ້າ.

error: Content is protected !!