ສີລັງກາ ຕ້ອນຮັບນັກທ່ອງທ່ຽວ ຕ່າງປະເທດ ຫລາຍກວ່າ 42.000 ຄົນ

ສີ​ລັງກາ​ ໄດ້ຕ້ອນຮັບ​ນັກ​ທ່ອງ​ທ່ຽວ ​ ຫລາຍ​ກວ່າ 42.000 ​ ​ຄົນ ​ເຮັດ​ໃຫ້ ​ຍອດ​ລວມນັກ​ທ່ອງ​ທ່ຽວ​ຂາ​ເຂົ້າ ​ໃນ​ປີ​ນີ້ ເພີ່ມສູງ​ຂຶ້ນຫລາຍກວ່າ 568.000 ​ເທື່ອ​ຄົນ. ສີ​ລັງກາ ໄດ້ເພິ່ງພາ​ການທ່ອງທ່ຽວ​ເປັນ​ໜຶ່ງ​ໃນ​ຊ່ອງ​ທາງ​ ແລກປ່ຽນ​ເງິນຕາຕ່າງປະ​ເທດ ທີ່​ສຳຄັນເພື່ອ​ຫວັງ​ດຶງ​ດູດ ເອົານັກ​ທ່ອງ​ທ່ຽວ ຢ່າງ​ໜ້ອຍ 1 ລ້ານ​ເທື່ອ​ຄົນ ​ໃນ​ທ້າຍ​ປີ​ນີ້ ແລະ ຄາດວ່າ ​ຈະ​ຊ່ວຍ ​ສ້າງ​ລາຍ​ໄດ້ 1,8 ຕື້​​ໂດ​ລາສະະລັດ.

ນອກນັ້ນ ​ທ່ານ ຮາຣິນ ​ເຟີ​ນານ​ໂດ ລັດຖະມົນຕີ ກະຊວງ​ການທ່ອງທ່ຽວ ຂອງ ​ສີ​ລັງກາ ​ໄດ້​ລິ່​ເລີ່​ມ​ໂຄງການສົ່ງ​ເສີມ ​ໃຫ້​ນະຄອນຫລວງ ຂອງ​ປະ​ເທດນີ້ ​ເປັນ​ຈຸດ​ແວ່ພັກ​ຂອງ ​ບັນດາຜູ້ເຂົ້າຮ່ວມ​ຊົມ​ກິລາ ທີ່​ວາງ​ແຜນ ​ເດີນທາງ​ໄປ ກາ​ຕາ ​ເພື່ອ​ເຂົ້າ​ຊົມ ການ​ແຂ່ງຂັນ ຟີ​ຟ່າ ​ເວີ​ດຄລັບ (FIFA World Cup) ​ໃນ​ທ້າຍ​ເດືອນ​ນີ້.