ອຸບັດເຫດ!  ເຮືອບິນຮົບຕໍາກັນກາງອາກາດໃນງານສະແດງການບິນທີ່ເມືອງດໍລັສ (Dallas) ລັດເທັກຊັສ ສະຫະລັດອາເມລິກາ

ຂ່າວຕ່າງປະເທດລາຍງານວ່າ: ວັນທີ່ 12 ພະຈິກ 2022 ນີ້ ເກີດເຫດລະທຶກຂວັນໃນລະຫວ່າງການສະແດງການບິນ ວິງ ໂອເວີ ດໍລັດ (Wings Over Dallas Air show Event)  ເນື່ອງໃນວັນນັກຮົບເກົ່າ ທີ່ເດີ່ນບິນດໍລັດ ເມືອງດໍລັດ ລັດເທັກຊັສ ສະຫະລັດອາເມລິກາ

ເຮືອບິນທີ່ປະສົບໄພເປັນເຮືອບິນຖິ້ມລະເບີດ ໂບອິ້ງ B-17 flying fortress ກັບເຮືອບິນຮົບ ເບວ p-63 Kingcobra ທີ່ປະທະກັນກາງອາກາດ ໃນຄວາມສູງທີ່ບໍ່ສູງຫລາຍ ແຕເຮັດໃຫ້ເຮືອບິນອີກລໍາໜຶ່ງຫັກອອກເປັນສອງທ່ອນ ແລະ ຕົກລົກສູ່ພື້ນດິນ ເຮັດໃຫ້ໄຟລຸກໄໝ້ຢ່າງໄວວາ.

ສ່ວນສາເຫດເບື້ອງຕົ້ນຍັງບໍ່ມີລາຍລະອຽດ ແລະ ຍັງບໍ່ຮູ້ຈໍານວນຜູ້ເສຍຊີວິດ ແນວໃດກໍຕາມສໍານັກງານການບິນສ່ວນກາງ ຫລືຶ FAA ແລະ ຄະນະກໍາມະການດ້ານຄວາມປອດໄພດ້ານການຂົນສົ່ງແຫ່ງຊາດ ຫລື NTSB ກໍາລັງເລັ່ງສອບສວນຫາສາເຫດ

ແຮ້ງ ໂຄສ ປະທານ ແລະ ປະທານຝ່າຍບໍລິຫານ ຫລື ຊີອີໂອຂອງ Commemorative Air Force ຫລື CAF ພາກເອກະຊົນທີ່ອະນຸຮັກເຮືອບິນຮົບສະໄໝສົງຄາມໂລກຄັ້ງທີ 2 ໃຫ້ຮູ້ວ່າ: ໂດຍທົ່ວໄປແລ້ວເຮືອບິນໂບອິ້ງ B-17 ຈະມີລູກເຮືອ 4-5 ຄົນ ແລະ ເຮືອບິນ P-36 ເປັນເຮືອບິນທີ່ມີນັກບິນ 1 ຄົນ ແຕ່ບໍ່ມີລາຍລະອຽດເພີ່ມເຕີ່ມວ່າໃນຕອນເກີດເຫດມີຄົນອື່ນໆຢູ່ເທິງເຮືອບິນດ້ວຍ ຫລື ບໍ່