ຜູ້ນຳປະເທດອາຟຣິກາ-ເອີຣົບ ຫາລືວິກິດຜູ້ລີ້ໄພຢູ່ຝຣັ່ງ

- 1503890722210 960x0 - ຜູ້ນຳປະເທດອາຟຣິກາ-ເອີຣົບ ຫາລືວິກິດຜູ້ລີ້ໄພຢູ່ຝຣັ່ງ
- Untitled design - ຜູ້ນຳປະເທດອາຟຣິກາ-ເອີຣົບ ຫາລືວິກິດຜູ້ລີ້ໄພຢູ່ຝຣັ່ງ

ບັນດາ​ຜູ້ນຳ​ຈາກ 7 ປະ​ເທດ​ໃນ​ທະວີບອາ​ຟຣິກາ ​ແລະ ທະວີບ​ເອີຣົບ​ເຂົ້າຮ່ວມ​ປະຊຸມ​ສຸດ​ຍອດ​ລະດັບ​ນ້ອຍ ຫາລື​ວິ​ກິດ​ຜູ້​ລີ້​ໄພ​​ໃນ​ເອີຣົບຢູ່​ນະຄອນຫລວງ​ປາຣີຂອງຝຣັ່ງ​ໃນ​ວັນ​ທີ 28 ສິງຫາ​ນີ້.

ປະທານາທິບໍດີ ​ເອັມມາ​ນູ​ເອລ ມາຄຣົງ ​ໄດ້​ສົ່ງ​ຄຳ​ເຊີນ​ໄປ​ຫາ​ປະທານາທິບໍດີ​ຂອງນິ​ເຊ ​ແລະ ຊາດ ລວມທັງ​ທ່ານ ຟາ​ເຢ ອັດ ຊາຣາ ຫົວໜ້າ​ລັດຖະບານ​ແຫ່ງ​ຊາດ​ລີ​ບີ ​ເຂົ້າຮ່ວມ​ກອງ​ປະຊຸມ​ດັ່ງກ່າວ ​ເນື່ອງ​ຈາກ​ປະ​ເທດ​ເຫລົ່າ​ນີ້​ລ້ວນ​ເປັນ​ເສັ້ນທາງ​ຜ່ານ​ຂອງ​ຜູ້​ອົບ​ພະຍົບ​ເຂົ້າສູ່​ເອີຣົບ. ນອກຈາກ​ນີ້ ນາຍົກລັດຖະມົນຕີຂອງ​ເຢຍລະ​ມັນ, ​ແອັສປາຍ ​ແລະ ອີ​ຕາ​ລີ ລວມທັງ​ທ່ານ​ນາງ ​ເຟ​ເດຣິກາ ​ໂມ​ໂກຣິນີ ຫົວໜ້ານະ​ໂຍບາຍ​ຕ່າງປະ​ເທດ ​ແລະ ຄວາມ​ໝັ້ນຄົງ​ຂອງ​ສະຫະພາບ​ເອີຣົບ (EU) ກໍ​ເດີນທາງ​ມາ​ເຂົ້າຮ່ວມ​ກອງ​ປະຊຸມ​ຢູ່​ນະຄອນຫລວງ​ປາຣີ​ເຊັ່ນ​ກັນ.

ອົງການ​ສະຫະ​ປະຊາ​ຊາດ ຫລື UN ລາຍ​ງານ​ວ່າ: ​ໃນ​ປີ​ນີ້​ມີ​ຜູ້​ລີ້​ໄພ​ອາ​ໄສ​ເຮືອ​ອົບ​ພະຍົບ​ເຂົ້າສູ່​ເອີຣົບທາງ​ຝັ່ງ​ທະ​ເລ​ເມ​ດິ​ເຕ​ລາ​ນຽນ​ແລ້ວ​ຈຳນວນ 125.000 ຄົນ ​ໂດຍ​ສ່ວນ​ຫລາຍ​ຈະ​ເຂົ້າສູ່​ອີ​ຕາ​ລີ​ກ່ອນ​ຈະ​ເດີນທາງ​ຕໍ່​ໄປ​ປະ​ເທດ​ອື່ນໆ​ໃນ​ເອີຣົບ. ທັງ​ນີ້ ມີ​ການ​ຕີ​ລາຄາ​ຈຳນວນ​ຜູ້​ທີ່​ເສຍ​ຊີວິດ​ຢູ່​ລະຫວ່າງ 2.400 ຄົນ. ​ເຖິງ​ຢ່າງ​ໃດ​ກໍ​ດີ ບັນດາ​ປະ​ເທດ​ຕ່າງໆ​ໄດ້​ອອກ​ມາດ​ຕະການ​ເພື່ອ​ຊ່ວຍ​ສະກັດ​ຄື້ນຜູ້​ລີ້​ໄພ​ເຊັ່ນ: ການ​ກວດກາ​ເຂັ້ມງວດ​ດ່ານ​ຊາຍ​ແດນ ​ແລະ ການ​ສົ່ງ​ເຈົ້າໜ້າ​ທີ່​ກວດກາ​ລາດຕະ​ເວນ ສົ່ງ​ຜົນ​ໃຫ້​ຜູ້​ລີ້​ໄພທີ່​ອົບ​ພະຍົບ​ເຂົ້າ​ເມືອງ​ຜິດ​ກົດໝາຍ​ມີ​ຈຳນວນ​ຫລຸດ​ລົງ​ຢ່າງ​ວ່ອງ​ໄວ​ໃນ​ຫລາຍ​ອາທິດ​ຜ່ານ​ມາ ​ໂດຍ​ຄາດ​ວ່າ​ຈະ​ມີ​ການ​ຫາລື​ໃນ​ລາຍ​ລະອຽດ​ຂອງ​ບັນຫາ​ນີ້​ໃນ​ກອງ​ປະຊຸມ.

- Wave100S AD to Website 2020 0 - ຜູ້ນຳປະເທດອາຟຣິກາ-ເອີຣົບ ຫາລືວິກິດຜູ້ລີ້ໄພຢູ່ຝຣັ່ງ
- WhatsApp Image 2020 05 27 at 5 - ຜູ້ນຳປະເທດອາຟຣິກາ-ເອີຣົບ ຫາລືວິກິດຜູ້ລີ້ໄພຢູ່ຝຣັ່ງ
- WhatsApp Image 2020 05 27 at 5 - ຜູ້ນຳປະເທດອາຟຣິກາ-ເອີຣົບ ຫາລືວິກິດຜູ້ລີ້ໄພຢູ່ຝຣັ່ງ
error: Alert: ເນື້ອຫາຂ່າວມີລິຂະສິດ !!