ຈີນອາດປະກາດ 10 ມາດຕະການໃໝ່ ຫລຸດຜ່ອນຄວບຄຸມໂຄວິດມໍ່ໆນີ້

ແຫລ່ງຂ່າວສອງຄົນເປີດເຜີຍຕໍ່ສຳນັກຂ່າວຣອຍເຕີວ່າ: ຈີນອາດປະກາດ 10 ມາດຕະການໃໝ່ເພື່ອຫລຸດຜ່ອນການຄວບຄຸມໂຄວິດ-19 ໃນມໍ່ໆນີ້ ຫລັງຈາກທີ່ມີການປະກາດ 20 ມາດຕະການຫລຸດຜ່ອນໃນເດືອນພະຈິກ ເຊິ່ງບັງຄັບໃຊ້ທົ່ວປະເທດ.

ແຫລ່ງຂ່າວຍັງເປີດເຜີຍອີກວ່າ: ພະຍາດໂຄວິດ-19 ອາດຖືກປັບຫລຸດລະດັບຈາກພະຍາດຕິດເຊື້ອລະດັບ A ເຊິ່ງເປັນລະດັບສູງສຸດ ສູ່ພະຍາດຕິດເຊື້ອລະດັບ B ຢ່າງໄວທີ່ສຸດໃນເດືອນມັງກອນຈະເຖິງນີ້.

ເຖິງຢ່າງໃດກໍດີ, ຄະນະກຳມະການດ້ານສຸຂະພາບແຫ່ງຊາດຂອງຈີນ (NHC) ຍັງບໍ່ໄດ້ສະແດງຄວາມຄິດເຫັນໃນເລື່ອງນີ້ແຕ່ຢ່າງໃດ.