ສົງຄາມນິວເຄຣຍ: ການຫຼິ້ນລະຄອນ ຫຼື ຫາຍະນະ

- advert banner 728 90 728x90 - ສົງຄາມນິວເຄຣຍ: ການຫຼິ້ນລະຄອນ ຫຼື ຫາຍະນະ

ຄວາມເຄັ່ງຕຶງຢູ່ແຫຼມເກົາຫຼີກາຍເປັນເລື່ອງທີ່ດຶງດູດຄວາມສົນໃຈ ທັງດ້ວຍຄວາມຢ້ານກົວ ​ແລະ​ທັງ​ດ້ວຍ​ຄວາມໜ້າຄົບຂັນ, ເຮົາມາເບິ່ງວ່າໜັງເລື່ອງ ນີ້ຈະດຳເນີນໄປແນວໃດ ?

- new3 - ສົງຄາມນິວເຄຣຍ: ການຫຼິ້ນລະຄອນ ຫຼື ຫາຍະນະ

ມະນຸດເຮົາມີຄວາມສະຫຼາດໃນການຄົ້ນຄິດ ແລະສ້າງສິ່ງອຳນວຍຄວາມສະດວກໃນການດຳລົງຊີວິດ ຢູ່ເທີງໂລກນີ້ ດ້ວຍຄວາມສະດວກສະບາຍ ແຕ່ພ້ອມກັນນັ້ນພວກເຮົາກໍຍັງ ຊ່ວງເສັງກັນປະກອບ ອາວຸດຍຸດໂທ- ປະກອນ ເພື່ອນາບຂູ່ຫວັງ ທຳລາຍລ້າງກັນດ້ວຍ “ອັດຕາ” ທີ່ຝັງເລີກໃນຈິດໃຈຂອງຄົນບາງກຸ່ມ, ຜູ້ນຳບາງຄົນ ເພື່ອຄອບຄອງອຳນາດທີ່ເພີ້ຝັນ.

ກັບໄປຍັງເດືອນ ສິງ​ຫາ 1945 ທີ່ປະຊາຊົນເມືອງຮີໂຣຊິມາ ແລະນາກາຊາກິຂອງຍີ່ປຸ່ນທີ່ໄດ້ຕົກເປັນ ເຫຍື່ອຂອງອາວຸດນິວເຄຣຍເທື່ອທຳຂອງມວນ​ມະ​ນຸດ, ເຖິງວ່າເຫດດັ່ງກ່າວຈະຜ່ານພົ້ນໄປເປັນເວລາ 72 ປີ ແລ້ວກໍຕາມ ແຕ່ຄວາມເສົ້າໂສກາ ແລະພິດຮ້າຍຂອງອາວຸດນິວເຄຣຍຍັງເຮັດໃຫ້ປະຊາຊົນລະທົມຂົມຂື່ນຢູ່ ເພາະສະນັ້ນ, ທ່ານ ຊີ ຈິງຜິງ ຜູ້ນຳຂອງ ສປ ຈີນຈຶ່ງໄດ້ກ່າວໃນ ກອງປະຊຸມຂອງ ສປຊ ທີ່ເມືອງ ເຈເນວາ ປະເທດສະຫວິດສະແລນ ໃນຕົ້ນປີ 2017 ວ່າ: “ອາວຸດນິວເຄຣຍຄວນເປັນສິ່ງເກືອດຫ້າມຢ່າງແທ້ຈິງ ເພື່ອໃຫ້ໂລກ ປາສະຈາກອາວຸດດັ່ງກ່າວ ຢ່າງຖາວອນ” ເຊິ່ງການກ່າວຄຳປາໄສນີ້ ມີຂຶ້ນກ່ອນທີ່ປະທານາ ທິບໍດີຂອງສະຫະລັດຜູ້ທີ 45 ຂຶ້ນກ່າວປະຕິຍານຕົນເຂົ້າຮັບຕຳແໜ່ງພຽງມື້ດຽວເທົ່ານັ້ນ.

ເຖິງວ່າກະແສຟອງການຕໍ່ຕ້ານອາວຸດອາວຸດນິວເຄຣຍຈະມີຂຶ້ນຢູ່ຫຼາຍແຫ່ງຂອງໂລກກໍຕາມ ແຕ່ການແຂ່ງຂັນ ກັນປະກອບອາວຸດອາວຸດນິວເຄຣຍຍັງເປັນທີ່ຟົດຟື້ນ ເນື່ອງ​ຈາ​ກການຖື “ລັດທິເພື່ອປົກປ້ອງຕົນເອງ” ເປັນຕົ້ນຕໍ ຂອງບາງປະເທດນີ້ ຍິ່ງເປັນການກໍ່ໄຟລຸກລາມຂຶ້ນຕຶ່ມ, ແລະອົງການຄວາມໝັ້ນຄົງຂອງ ສປຊ ກໍບໍ່ສາມາດຫັກຫ້າມການດຳເນີນທົດລອງອາວຸດອາວຸດນິວເຄຣຍ ຂອງບາງປະເທດທີ່ມີຂຶ້ນຢ່າງເນື່ອງໄດ້.

ຜູ້ນຳບາງປະເທດຄູ່ວ່າ “ສົງຄາມອາວຸດນິວເຄຣຍ ສາມາດເກີດຂຶ້ນໄດ້ທຸກເວລາ” ແຕ່ຊ່ຽວຊານຫຼາຍທ່ານ ກໍວິເຄາະກັນວ່າມັນບໍ່ເກີດຂຶ້ນງ່າຍດາຍປານນັ້ນ “ເພາະຈະເຮັດໃຫ້ສົງຄາມນໍ້າລາຍທີ່ມີຢູ່ນັ້ນເຫືອດຫາຍໄປ” ແຕ່​ນອມ ຈອມ​ສະ​ກີ (Noam Chomsky) ນັກປັດຊະຍາ, ນັກວິເຄາະທາງການເມືອງທີ່ໂດ່ງດັງຂອງໂລກເວົ້າວ່າ: “ເປັນການຍາກທີ່ຈະຄາດເດົາແຜນຂອງຜູ້ນຳສະຫະລັດ ອາເມລິກາຄົນປັດຈຸບັນ ແຕ່ຖ້າລົງມືໃຊ້ອາວຸດ ຕໍ່ ເກົາຫຼີເໜືອເມື່ອໃດ, ສິ່ງທີ່ເກີດຂຶ້ນຢ່າງທາງຄວັນກໍຄື ນະຄອນຫຼວງເຊອູນ ຂອງ ສ. ເກົາຫຼີໃຕ້ມຸ່ນໃນພິບຕາ ແນ່ນອນ” ເພາະສະນັ້ນ, ທ່ານ ມູນ ແຈ-ອິນ ປະທານາທິບໍດີ ສ ເກົາຫຼີ ໄດ້ຖະແຫຼງຊັດເຈນຜ່ານໂທລະພາບວ່າ: “ບໍ່ມີໃຜສາມາດໃຊ້ກຳລັງທະຫານຢູ່ແຫຼມເກົາຫຼີຢ່າງເດັດຂາດ ຖ້າ ສ ເກົາຫຼີ ບໍ່ເຫັນດີກ່ອນ”.

ນັ້ນເປັນສິ່ງສໍ່ໃຫ້ເຫັນວ່າ ຕ່າງຝ່າຍກໍມີສະຕິ ຊຳປະຊັນຍະ ພຽງພໍໃນການຕັດສິນໃຈ ເພື່ອຫຼີກລ່ຽງຫາຍະນະ ຕໍ່ຕົນເອງ ແລະຕໍ່ຜູ້ຄົນທັງໂລກ, ດ້ວຍເຫດຜົນນີ້ ໃນການສົນທະນາ ທາງໂທລະສັບ ລະຫວ່າງທ່ານ ຊີ ຈິ້ນຜິງ ຜູ້ນຳຂອງ ສປ ຈີນ ແລະ ທ່ານ ໂດນອລ ທຣັມ ຜູ້ນຳສະຫະລັດ ໃນວັນທີ 12 ສິງຫາ 2017 ໄດ້ສະແດງໃຫ້ເຫັນເຖິງວ່າ “ຄວາມອົດກັ້ນ ແລະການເຈລະຈາທາງການທູດ” ນັ້ນ ແມ່ນຫົນທາງທີ່ດີໃນການແກ້ໄຂບັນຫາ.

- lattana 1 - ສົງຄາມນິວເຄຣຍ: ການຫຼິ້ນລະຄອນ ຫຼື ຫາຍະນະ

ເພາະສະນັ້ນ, ມັນຈຶ່ງບໍ່ມີປະໂຫຍດຫຍັງທີ່ຈະຕ້ອງຂູ່ເຂັນຜ່ານຄຳເວົ້າ ແລະການຊ່ວງເສັງທາງດ້ານອາວຸດ (ອາວຸດນິວເຄຣຍ) ເພື່ອສະແດງຄວາມເກັ່ງກາດຕໍ່ກັນ ເພາະຈະນຳໄປສູ່ຫາຍະນະ, ຄວາມຮຽກຮ້ອງຂອງໂລກກໍຄື     “ສັນ​ຕິ​ພາບ” ເທົ່າ​ນັ້ນ.

 

 

 

 

error: Content is protected !!