ສົກຮຽນໃໝ່ຂໍໃຫ້ສຶກສາເບິ່ງຄືນ ການເກັບຄ່າຮຽນໃຫ້ເໝາະສົມ

- lao1 700 - ສົກຮຽນໃໝ່ຂໍໃຫ້ສຶກສາເບິ່ງຄືນ ການເກັບຄ່າຮຽນໃຫ້ເໝາະສົມ
- Untitled design - ສົກຮຽນໃໝ່ຂໍໃຫ້ສຶກສາເບິ່ງຄືນ ການເກັບຄ່າຮຽນໃຫ້ເໝາະສົມ

ໂດຍ: ທ່ຽງທຳ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ​ໃນ​ຄຳ​ຮ້ອງ​ຂໍ​ດັ່ງກ່າວ​ ບາງ​ທີ່​ຂະ​ແໜງ​ການ​ກ່ຽວຂ້ອງ​ເພິ່ນ​ກໍ​ຈະ​ມີ​ການ​ສຶກສາຄົ້ນຄວ້າ​ລະອຽດ​ແລ້ວ​ວ່າ​ເກັບ​ຄ່າ​ຮຽນ​ແນວ​ໃດ​ໃຫ້​ເໝາະ​ສົມ​ກັບ​ສະພາບ​ເສດຖະກິດ​ຟືດ​ເຄືອງ​ດັ່ງ​ປັດຈຸບັນ, ​ແຕ່ ທ່ຽງ​ທຳ ຄິດ​ວ່າ​ເວົ້າຕື່ມ​ກໍ​ອາດ​ຈະ​ເປັນ​ການ​ດີ ​ເພື່ອ​ເຕືອນ​ສະຕິ​ຝ່າຍ​ສຶກສາ ​ແລະ ຄວາມ​ພ້ອມ​ຂອງ​ຜູ້​ປົກຄອງ​ພໍ່​ແມ່​ນັກຮຽນ ​ເພື່ອ​ກ້າ​ວສູ່​ສົກຮຽນ​ໃໝ່​ດ້ວຍ​ຄວາມ​ເບີກບານ​ມ່ວນ​ຊື່ນ ​ແລະ ມີ​ຄຸນ​ນະພາ​ບ ​ແລະ ​ໃນ​ຂະນະ​ດຽວ​ກັນ ກໍ​ໃຫ້​ທຸກ​ຝ່າຍ​ເຫັນ​ໄດ້​ຄວາມ​ສຳຄັນ​ຂອງ​ການ​ສຶກສາ, ກໍ​ດັ່ງ​ພວກ​ເຮົາ​ຮັບ​ຮູ້​ດີ​ນຳ​ກັນ​ແລ້ວ​ວ່າ ​ເພື່ອ​ຢາກ​ພັດທະນາ​ປະ​ເທດ​ຊາດ​ບ້ານ​ເມືອງ​ມີ​ຄວາມ​ສະ​ເລີ​ນກ້າວໜ້າ ​ແລະ ຮຸ່ງ​ເຮືອງ​ສີວິ​ໄລ​ນັ້ນ, ກ່ອນ​ອື່ນ​ພວກ​ເຮົາ​ຕ້ອງ​ມີ​ບຸກຄະລາ​ກອນ​ຜູ້​ມີ​ຄວາມ​ຮູ້​ຄວາມ​ສາມາດ, ມີ​ຄຸນສົມບັດ​ສິນ​ທຳ​ປະຕິວັດ ​ແລະ ຈະ​ໄດ້​ມາ​ໃນ​ສິ່ງ​ດັ່ງກ່າວ​ກໍ​ຕ້ອງ​ແມ່ນ​ຂະ​ແໜງ​ສຶກສາ​ກໍ​ຈະ​ຕ້ອງ​ມີ​ຄຸນ​ນະພາ​ບສູງ. ຟັງ​ແລ້ວ​ກໍ​ນ້ອຍ​ໃຈ​ດັ່ງ​ຫລາຍ​ປະ​ເທດ​ທີ່​ເພິ່ນ​ຮັ່ງມີ ລູກ​ຫລານ​ຂອງ​ເພິ່ນ​ຈະ​ບໍ່​ໄດ້​ເສຍ​ຄ່າ​ຮຽນ ​ແລະ ຄ່າ​ປົວ​ພະຍາດ​ແຕ່​ຢ່າງ​ໃດ, ອາ​ຊຽນ​ເຮົາ​ກໍ​ດັ່ງ​ບຣູ​ໄນ ​ແລະ ກ້າວ​ໄກ​ກວ່າ​ນັ້ນກໍ​ແມ່ນ​ດູ​ໄບ ​ແລະ ຫລາຍ​ປະ​ເທດ​ອື່ນ​ອີກ. ດັ່ງ​ປະ​ເທດ​ນ້ອຍໆ​ຄື​ບູ​ຖານ​ເພິ່ນ​ກໍ​ບໍ່​ໃຫ້​ລູກ​ຫລານ​ຂອງ​ເພິ່ນ​ໄດ້​ຈ່າຍ​ຄ່າ​ສຶກສາ​ຮໍ່າຮຽນ​ແຕ່​ຢ່າງ​ໃດ, ​ເຖິງ​ລັດຖະບານ​ເພິ່ນ​ກໍ​ຍັງ​ທຸກ​ຍາກ​ຂາດ​ເຂີນຢູ່, ​ແຕ່​ເພິ່ນ​ກໍ​ຮູ້​ບິ​ແບ່ງ​ລາຍ​ຮັບ​ເພື່ອ​ການ​ສຶກສາ​ຢ່າງ​ສົມນ້ຳສົມ​ຕ່ອນ, ສ່ວນ​ບ້ານ​ເມືອງ​ເຮົາ​ເດ ​ເຖິງ​ບໍ່​ໄດ້​ແນວ​ນັ້ນ ​ແຕ່​ກໍ​ໃຫ້​ຄ່ອຍ​ເກັບ​ຄ່ອຍ​ເອົາ​ຄື​ນ້ຳ​ເພິ່ງ​ເຮືອ ຄື​ເສືອ​ເພິ່ງ​ປ່າ. ທັງ​ໝົດ​ກໍ​ເພື່ອ​ອະນາຄົດ​ອັນ​ສົດ​ໃສ​ຂອງ​ລູກ​ຫລານ​ເຮົາ, ບໍ່​ຄວນ​ວ່າ​ຢາກ​ຂູດ​ເອົາ​ແນວ​ໃດ​ກໍ​ເອົາ ​ໂດຍ​ເມືອງ​ມະຫາ​ພາກ​ບໍ່​ມີ​ການ​ຄວບ​ຄຸມ​ເບິ່ງ​ແຍງ​ດູ​ແລ, ປະ​ໄປ​ເອົາ​ແຕ່​ຜູ້​ຈະ​ເຮັດ.

ຫລາຍ​ໂຮງຮຽນ​ອ້າງ​ວ່າ: ຫ້ອງ​ຮຽນ​ຕິດ​ແອ​ກໍ​ຕ້ອງ​ໄດ້​ເກັບ​ເງິນ​ຄ່າ​ໄຟຟ້າ, ຄ່າ​ຮຽນ​ຫລາຍ​ຂຶ້ນ, ສ່ວນ​ຫ້ອງ​ຮຽນ​ຜູ້​ໃຊ້​ພັດ​ລົມ​ກໍ​ເກັບ​ໜ້ອຍ​ລົງ ​ແລະ ອື່ນໆ ຢ່າງ​ບໍ່​ມີ​ລະບຽບ​ການ. ສິ່ງ​ນີ້​ຈະ​ບໍ່​ແມ່ນ​ການ​ສົ່ງ​ເສີມ​ການ​ສຶກສາ​ທີ່​ດີ ​ໃນ​ເມື່ອ​ເງິນ​ເດືອນ​ພະນັກງານ​-ລັດຖະກອນ​ຍັງ​ມີ​ໜ້ອຍ, ລາຍ​ຮັບ​ຂອງ​ປະຊາຊົນ​ກໍ​ພຽງ​ຫາ​ເຊົ້າກິນ​ຄໍ່າ, ຖ້າ​ຄອບຄົວ​ໃດ​ມີ​ລູກ​ຮອດ 2-3 ຄົນ​ເຂົ້າ​ໂຮງຮຽນ​ພາບ​ດຽວ​ກັນ​ກໍ​ຈົນ​ຈະ​ບໍ່​ມີ​ທາງ​ອອກ, ຖ້າ​ຜູ້​ຢູ່​ເຂດ​ຊົນນະບົດ​ຫ່າງ​ໄກ​ສອກຫລີກ​ແດ່ ຖ້າ​ລັດບໍ່​ເຂົ້າມາ​ຊ່ວຍ​ເຫລືອ ​ແລະ ມີ​ນະ​ໂຍບາຍ​ພິ​ເສດ​ຕໍ່​ຜູ້​ທຸກ​ຍາກ​ຂາດ​ເຂີນ​ແລ້ວ ສະພາບ​ດ້ອຍ​ການ​ສຶກສາ​ຍິ່ງ​ຈະ​ແກ່ຍາວ.

- Wave100S AD to Website 2020 0 - ສົກຮຽນໃໝ່ຂໍໃຫ້ສຶກສາເບິ່ງຄືນ ການເກັບຄ່າຮຽນໃຫ້ເໝາະສົມ
- WhatsApp Image 2020 05 27 at 5 - ສົກຮຽນໃໝ່ຂໍໃຫ້ສຶກສາເບິ່ງຄືນ ການເກັບຄ່າຮຽນໃຫ້ເໝາະສົມ
- WhatsApp Image 2020 05 27 at 5 - ສົກຮຽນໃໝ່ຂໍໃຫ້ສຶກສາເບິ່ງຄືນ ການເກັບຄ່າຮຽນໃຫ້ເໝາະສົມ
error: Alert: ເນື້ອຫາຂ່າວມີລິຂະສິດ !!