ກຽມໄດ້ວຽກໃຫມ່ ໂຣແບໂຕ ມາຕີເນສ ຕົກລົງຮັບງານຄຸມໂປຣຕຸເກສແລ້ວ

ໂຣແບໂຕ ມາຕີເນສ ທີ່ຫາກໍລາອອກຈາກຕຳແໜ່ງຜູ້ຈັດການທີມຊາດເບລຢ້ຽມ ຫລັງຈົບການແຂ່ງຂັນບານໂລກ 2022 ຫລ້າສຸດຕົກເປັນຂ່າວ ຕອບຕົກລົງຄຸມທີມຊາດໂປຣຕຸເກສເປັນລຳດັບຕໍ່ໄປແລ້ວ.

ເວັບໄຊ Athletic ລາຍງານວ່າ ໂຣແບໂຕ ມາຕີເນສ ຜູ້ຈັດການທີມຊາວສະເປນ ຕົກລົງດ້ວຍວາຈາແລ້ວວ່າຈະມາຮັບງານຄູຝຶກ ໂປຣຕຸເກສ ຫລັງຈາກທີ່ລາວຫາກໍລາອອກຈາກຕຳແໜ່ງຜູ້ຈັດການທີມຊາດ ເບລຢ້ຽມ ເມື່ອຈົບບານໂລກ 2022.

ໂດຍ ມາຕີເນສ ປິດສາກຜົນງານກັບເບລຢ້ຽມໄດ້ໜ້າຜິດຫວັງ ນຳທີມຈອດປ້າຍພຽງຮອບແບ່ງກຸ່ມເທົ່ານັ້ນ ຂະນະທີ່ໂປຣຕຸເກສ ເຊິ່ງຕົກຮອບກ່ອນ ຮອງຊະນະເລີດບານໂລກກໍບໍ່ຜູ້ຈັດການທີມ ຫລັງຈາກທີ່ ແຟນານໂດ ຊານໂຕສ ຕັດສິນໃຈອຳລາຕຳແໜ່ງໄປແລ້ວ.

ສຳລັບ ມາຕີເນສ ຜ່ານມາທີ່ມີຂ່າວວ່າຈະຫວນກັບມາຮັບວຽກກັບສະໂມສອນອີກເທື່ອຫນຶ່ງ ຫລັງເຄີຍຄຸມທີມໃນລີກອັງກິດເຊ່ັນ ສະວອນຊ ຊິຕີ, ວີແກນ ແອດເລຕິກ ແລະ ເອຟເວີຕັນ ແຕ່ລາຍງານຫລ້າສຸດລະບຸວ່າ ລາວໄດ້ຮັບການທາບທາມຈາກທີມຊາດໂປຣຕຸເກສ ແລະ ລາວຕັດສິນໃຈຈະຮັບວຽກນີ້.

ທັງນີ້ ມາຕີເນສ ເຄີຍນຳເບລຢ້ຽມໄປໄກເຖິງຂັ້ນຄວ້າອັນດັບ 3 ບານໂລກ 2018 ສ່ວນຜົນງານກັບສະໂມສອນກໍເຄີຍນຳສະວອນຊີ ເລື່ອນຊັ້ນສູ່ລີກແຊ໊ມ ປຽນຊິບ ແລະ ເຄີຍນຳວີແກນຄວ້າແຊ໊ມເອຟເອ ຄັບ ລະດູການ 2012-13.