ເຟດຂຶ້ນດອກເບ້ຍອີກ 0,25%

ເຟດຂຶ້ນດອກເບ້ຍອີກ 0,25% - 2022 03 16T184501Z 1880484144 RC2U3T94WATB RTRMADP 3 USA FED STOCKS scaled 1 scaled - ເຟດຂຶ້ນດອກເບ້ຍອີກ 0,25%
ເຟດຂຶ້ນດອກເບ້ຍອີກ 0,25% - kitchen vibe - ເຟດຂຶ້ນດອກເບ້ຍອີກ 0,25%

ທະນາຄານກາງອາເມລິກາ ຫລື ເຟດ ປະກາດຂຶ້ນອັດຕາດອກເບ້ຍ 0,25% ເປັນໄປຕາມຕະຫລາດຄາດຄະເນໄວ້.

ຄະນະກໍາມະການກໍານົດນະໂຍບາຍການເງິນຂອງລະບົບທະນາຄານກາງອາເມລິກາ ຫລື ເຟດ ປະກາດຂຶ້ນອັດຕາດອກເບ້ຍອີກ 0,25% ເຊິ່ງຈະເຮັດໃຫ້ອັດຕາດອກເບ້ຍນະໂຍບາຍຂອງອາເມລິກາຂຶ້ນມາຢູ່ລະຫວ່າງ 4,50-4,75% ເຊິ່ງເປັນໄປຕາມຕະຫລາດຄາດຄະເນໄວ້. ຂະນະທີ່ອັດຕາດອກເບ້ຍ ໃນປັດຈຸບັນຖືວ່າເປັນລະດັບສູງສຸດນັບແຕ່ເດືອນຕຸລາ ປີ 50 ເປັນຕົ້ນມາ.

ການຂຶ້ນດອກເບ້ຍຄັ້ງນີ້ ຖືເປັນຄັ້ງທໍາອິດຫລັງປີໃໝ່ ແລະ ເປັນການຂຶ້ນດອກເບ້ຍໃນອັດຕາຕໍ່າສຸດນັບແຕ່ເດືອນມີນາປີຜ່ານມາ ເຊິ່ງນັບແຕ່ນັ້ນເປັນຕົ້ນມາ ເຟດເຄີຍປັບຂຶ້ນດອກເບ້ຍໃນອັດຕາ 0,5% ມາແລ້ວ 2 ຄັ້ງ ແລະ ປັບຂຶ້ນໃນອັດຕາ 0,75% ເຖິງ 4 ຄັ້ງ ຖືເປັນການຂຶ້ນດອກເບ້ຍໃນອັດຕາສູງສຸດຂອງເຟດເພື່ອຕໍ່ສູ້ບັນຫາເງິນເຟີ້.

ທ່ານ ເຈີໂຣມ ເພົາເວລ ປະທານເຟດ ບອກວ່າໃນອະນາຄົດເຟດຈະຍັງເດີນໜ້າຂຶ້ນອັດຕາດອກເບ້ຍຕໍ່ໄປ ແຕ່ຈະເປັນການຂຶ້ນໃນອັດຕາທີ່ຊ້າ. ພ້ອມເນັ້ນວ່າ: ກໍາມະການເຟດ ຈະບໍ່ພິຈາລະນາຫລຸດອັດຕາດອກເບ້ຍລົງຢ່າງເດັດຂາດ ຈົນກວ່າຈະໝັ້ນໃຈວ່າອັດຕາເງິນເຟີ້ຈະປັບຫລຸດລົງມາຢູ່ລະດັບ 2% ໄດ້ຕາມເປົ້າໝາຍແລ້ວເທົ່ານັ້ນ.

ເຟດຂຶ້ນດອກເບ້ຍອີກ 0,25% - 5 - ເຟດຂຶ້ນດອກເບ້ຍອີກ 0,25%
ເຟດຂຶ້ນດອກເບ້ຍອີກ 0,25% - 3 - ເຟດຂຶ້ນດອກເບ້ຍອີກ 0,25%
ເຟດຂຶ້ນດອກເບ້ຍອີກ 0,25% - 4 - ເຟດຂຶ້ນດອກເບ້ຍອີກ 0,25%